梦梅唱) 谁在灵堂藏画卷, 待吾灯下看真容. 
梦梅白:) 桃花奄观涌云霞, 芍药烟笼太守家, 是谁檀匣藏小轴，夜雨挑灯细看查, 我客馆萧条，偶游庵观，拾来一轴小画，似是观音大士，宝匣庄严，待我合什挑灯，案前瞻礼至得. 
梦梅白:) 唉呀, 哦, 呀又不似观音, 又不似嫦娥, 却是似曾想识, 一位名门佳丽, 呀, 喺边处见过佢呢吓, 奇啦. 
梦梅唱) 不似是观音, 观音有座莲花衬, 若是庄严大士, 焉有云髻堆鸦, 又不似是嫦娥, 嫦娥应有祥云锁, 若是被贬凡尘, 应有彩虹高驾. 待我灯下看丹青, 拭目重新认, 我不是重来崔护, 何以人面呀, 似桃花, 飘零客是柳梦梅, 呀, 画中人似曾相会, 何以佢手上有青梅, 我梦中长鳏寡. 
梦梅白:) 呀, 呢幅丹青画, 睇真下, 原来就喺我个梦中人嚟喎, 哎吔. 
梦梅唱) 此画原无价, 还似月笼纱, 奇逢心惊诧, 睇佢意态殊文雅, 待我挑灯看真她, 我看真她, 要看真她, 却有蝇头诗待查. 佢画法傲崔征, 笔雅如苏蕙, 卫夫人美女簪花, 是一首宋元词, 还是晋唐诗呢, 是白头吟, 还是痴心话？
梦梅诗白:) 近睹分明似俨然, 远观自在若飞仙, 他年得傍蟾宫客, 不在梅边在柳边. 
梦梅唱) 此句奈人参, 嗟莫是梅和柳, 有多少藤葛,交加, 若说没奇缘, 谁渡我芍药栏边, 湖山石下, 缘若証前生, 何似纤娥留倩影. 害得我纸上, 醉风华, 恨不能抱影而眠, 我移向锦屏低挂. 
梦梅白:) 呀, 我呢个梦中人, 我相信都几难见得到佢面, 但系有幸比我见到佢嘅丹青画, 哦, 我能不酬诗来寄意呢, 好. 
梦梅诗白:) 丹青妙处却天然, 不是天仙即地仙, 欲傍蟾宫人近远, 恰比春在柳梅边. 
梦梅唱) 呀, 画中人, 似对我微含笑, 恼煞无端风起乱灯花, 叫一句画里真真, 哦, 一念到佢无姓无名, 声暗哑. 
梦梅白:) 吓, 佢又无姓无名, 我都不知如何呼唤噃, 倒不如就叫声姐姐罢啦, 姐姐呀, 姐姐, 为使芳魂能入梦, 何妨半启纱窗去梦她.

丽娘白）风吹梧桐叶落沙喇...喇, 风吹梧桐叶落沙喇...喇. 
丽娘唱）粉冷香销, 泣绛纱, 风飘飘, 魂在望乡台下, 夜萤萤, 墓门开处鬼离家, 行一步, 心惊怕, 哦, 原来是赚花阴, 夜犬吠萤花, 倩芭蕉遮掩在荼薇架, 原来是樵楼鼓, 落寒更报月华, 休怕, 休怕, 待重见窗里冤家, 重续孽缘灯月下. 

梦梅白）唉吔, 月色透罗帏, 已是更深时候啦, 重有边个嚟敲门呢吓, 呀, 大抵是雨打竹帘, 风摇铁马定啦. 
丽娘白）开门. 
梦梅白）明明系有人叫门之声架噃, 系边位呀. 
丽娘白）是我. 
梦梅白）系女人声嚟噃, 呀, 梗系个个小道姑佢送茶问暖定喇, 韶阳师姐呀, 夜喇, 唔驶啦. 
丽娘白）开门呀. 
梦梅白）佢又唔扯噃, 又系嘅, 人地一场心事, 送茶问暖, 唔开门又点得呢, 不如开咗度门, 接过杯茶, 唉, 打发佢扯把啦, 点番枝蜡烛先. , 
梦梅白）唉吔, 唉吔......奇...奇怪啦, 点解开左度门, 莫讲话人影都冇, 鬼影都冇, 点解呀, 唉吔, 唔通呢度真....喺有鬼嘅, 咪讲笑, 闩番度门, 训觉把喇, 唉吔 . 
丽娘白）柳公子. 
梦梅白）呢..位小姐, 我同你素昧生平, 点..解你识得我. 
丽娘白）柳公子，素昧生平, 都仍可相逢梦里囉, 咁相逢又何必要问相识呢, 我...我望你珍重良宵剎那. 
梦梅白）小..姐, 到底你驾雨而来, 抑或乘风而入呢？ 你几时入咗嚟我都唔知嘅, 真..系吓到我心...心摇意荡眼昏花啦. 
丽娘白）柳公子, 所谓最难风雨故人来, 不是故人又怎能乘风驾雨呢, 你何必要问我点样来唧, 我究竟都系来咗啰, 其实, 我在你心生绮念嘅时候已经来咗啦, 唉吔, 公子, 咁你既怕又何必想, 既想又何必怕呢. 
梦梅白）我...我几时有心生绮念呀, 纵使有, 不过都系客馆寂寥, 想念下画里嘅娇娃唧. 
丽娘白）你落嚟啦. 
梦梅白）叫我落黎. 
丽娘白）唔. 
梦梅白）唉吔, 本来佢不明来历, 我应该要避之则吉, 不过你睇下佢, 你睇佢意态撩人, 斜倚在芭蕉树下, 轻弄绛纱, 真系好容易令人心...心生绮念, 唔得, 我要问真吓妳至得,（梦梅唱）月里仙降凡尘, 佢轻弄绛纱, 轻弄绛纱, 莫非冷烟蔽月华, 她雨中竟致迷途呀迷途错归家. 
梦梅白）妳系唔系呀.
丽娘白）唔系. 
丽娘唱）我寄寓寄寓在柳阴下, 悲风霜乞片瓦. 
梦梅唱）我非关有意有意苦追查, 夜半芳斋欠奉茶, 妳莫借西厢送药茶, 我借盏秋灯妳小心归去罢. 
丽娘唱）唉, 叹惜我命如雾里花, 杜丽娘未有家，泣孤寡. 
丽娘白）我...我无家可归嘅.
梦梅白）哦, 原来妳连家都冇, 世间女子焉有无家之理, 呀..哈.., 我知啦. 
梦梅唱）莫非天仙姐姐妳爱我潇洒, 偷偷降落柳生衙, 可惜我一...介...潦倒嘅寒儒怕有偏差. 
丽娘白）你错啦.
丽娘接唱）既属有梦铸佳话, 当管不了月夜, 月呀夜叩奔君家, 我慕君风华, 我爱君风华, 盼君泣月下, 屈居柳阴受雾雨打, 盼蝶来活了解语花. 
梦梅白）小姐, 点解妳忽然 又泪随声下架.
梦梅唱）佢泣诉多风雅, 悲逝水韶华, 呀, 你欲仿效情花呢再萌芽. 
梦梅白）小姐, 妳是否系文君新寡呀. 
丽娘白）唔系.. 
梦梅白）唔系呀, 哦.
丽娘唱）贞花未嫁,
梦梅白）哦,妳未嫁. 
丽娘唱）我独处深闺未嫁. 
梦梅唱）哦.. 既是天仙天仙未嫁, 哎吔, 亦缘也, 咁就福份也, 哎吔, 想落心中惊怕噃, 心中惊怕. 点解会相见蕉树下. 
丽娘唱）君心休怕啦, 君心休怕, 君不记你揖拜仙观下, 风吹飞花有心报与君, 在佛前为你洒, 致令郎拾去我丹青画. 
梦梅白）吓..哦, 咁到底你，从何而来. 
丽娘白）哎吔, 公子, 你何必疑雨疑云，惊风怕雨唧, 丹青画丹青画, 我生于画中, 当然系来自画中啦. 
梦梅白）来自画中, 莫非妳就系画里真真. 
丽娘白）你睇真下, 
梦梅白）我对真下. 
丽娘白）系唔系呀.
梦梅白）呀, 真系噃.
丽娘唱）咁真与假呢. 
梦梅唱）确未有差. 
丽娘唱）祗系腰瘦减. 
梦梅唱）一般貌似花, 丹青仙姿两潇洒. 
丽娘唱）被冷烟冷烟盖玉颜, 销毁了铅华, 骤降丹青价咯. 
梦梅唱）鸳鸯帐里同梦去囉, 
丽娘唱）又怕冰肌冻着了郎又怕. 
梦梅唱）唔怕, 唔怕. 
丽娘唱）我又怕又怕听二更 断续了两三下. 
梦梅唱）怕月照香衾, 且闭窗莫理它. 
丽娘白）唉吔......相公......柳郎......公子......
丽娘唱）唉, 未闭西窗容我讲句伤情话, 宋玉都应怜薄命花, 决不是秋风秋雨催人嫁囉, 当解花有根原玉有芽. 
梦梅白）小姐, 我知道妳系一点冰清, 不是乱红衰柳嘅, 咁到底小姐你......
丽娘唱）呀, 丽娘亦有千金价, 我系出黄堂太守家, 劫余尚记我嘅爹娘话呀, 佢话我系昆山良璧玉呀无瑕. 唉, 祗为惊梦游园, 空累我爹娘挂. 
梦梅白）吓, 惊梦游园...游园惊梦......哦, 
梦梅唱）一句惊梦游园, 一段丹青画恋, 根深蒂固早连芽, 当日在柳川, 曾梦会一佳人, 小立在梅花树下, 佢招手问姻缘, 梦醒难再续, 梦梅两字我为记情花, 灯下看呀丹青, 执手问呀嫦娥, 嗟莫是梦中人也. 
丽娘白）系. 
梦梅唱）唉吔, 卿果是梦中人, 我是黄梁客, 小楼是引渡嘅仙查, 倩丹青作良媒, 虽未有十匣量珠, 望他日文章有价, 不在梅边在柳边, 若许梦梅能折柳, 做一个蟾宫客 耀才华, 我带着一表寒酸, 两袖清贫, 拜上黄堂谈婚嫁呀. 
丽娘唱）慢...你休向堂前求父母呀. 
梦梅白）哦, 莫非宰阁嫌贫呀. 
丽娘唱）唔系, 我恐触亲心会泪如麻. 
梦梅白）咁梗系太守堂中, 不容一个白衣女婿哩. 
丽娘唱）唔系, 冷香闺, 三载悄无人. 
梦梅白）小姑居住梗系悄无人啦. 
丽娘唱）唉, 剩牙床蛛网尘封残月下呀. 
梦梅唱）唉吔, 哦, 仲估话花径不曾缘客扫, 待郎采折武陵花, 花是有情花, 嗟我未成名终是假. 
丽娘白）唉吔, 柳郎...柳郎, 你误会我囉, 我唔系咁嘅意思嘅，唉
丽娘唱）痴心经已赠君,休要弄碎情芽, 丽娘心千般痛呀, 请对奴笑番吓, 
丽娘白）柳郎, 我要你笑. 乜笑得咁肉酸嘅唧, 我同你有生死之情, 梗愿订生死之约嘅. 
丽娘唱）唉, 嗟我冰雪身都已经硬化囉, 似易散嘅云霞, 不堪提往事, 真难言说话, 呀, 借灯谜, 我愿君呀你权度下. 
丽娘白）咁啦, 不如我打个灯谜你猜下好吗, 嗱，你听住吓, 灯已灭, 缘已绝, 待等君来临秀穴, 如今都仍是半明灭. 你谂吓. 你明唔明白. 
梦梅白）我...我唔明白. 
丽娘白）你谂真下啦, 唉, 点解你个人咁聪明, 而家忽然会咁蠢嘅呢, 唉. 
丽娘唱）妾长眠柳荫, 盖面凭绛纱, 在梅林夜听秋雨, 任由它飘飘向墓洒, 一坏冷土是我家, 风吹雨打. 
丽娘白）柳郎, 咁你明白未唧. 
梦梅白）我真系唔明白呀. 
丽娘白）本来我同你情意正浓, 我都唔想讲你听嘅, 但我而家讲到咁明, 乜你都仲未明白咩, 
梦梅白）什么秋灯, 什么夜雨, 尽是闺门伤春之句, 咁我又猜下啦, 灯己灭, 缘已绝......
最良白）书斋都灯已灭, 何以对楼情未绝呢, 历历莺声残楼月. 哼.. 你慌唔系果个坏鬼书生发寒热咩, 如果唔系呢，就梗系收埋个小道姑喺里面谈风月定啦, 好, 等我阅你一阅, 若果真有其说, 你都几难走脱, 开门…开门. 
梦梅白）边个...边个. 
最良白）系我, 送茶嚟. 
丽娘白）哦...我认得啦...系我地陈老师嘅声音嚟嘅. 
梦梅白）弊啦...弊啦...丽娘, 你系太守千金, 我系秀才落拓, 两人都要顾体面噃, 若果泄漏春光, 岂不是惹人笑骂呢. 
丽娘白）你咪咁傻啦, 你睇下冷月照人, 秋灯放亮, 无路可逃, 我避无可避，你不如索性去开咗度门啦. 
梦梅白）唉吔, 开门喎, 得了嘅咩, 男女授授不亲, 何况斗室幽欢, 甚于瓜田李下架. 
丽娘白）唔怕哩, 自古话有缘千里能相会, 无缘对面都不相逢, 我见佢, 佢唔见我嘅......
梦梅白）点解佢唔见你呀. 
丽娘白）系...睇吓...佢苍苍白发喇噃, 梗喺老眼昏花啦嘛，去啦...
梦梅白）妳哩埋先. 
丽娘白）得啦, 我会嘅哩. 
梦梅白）妳哩埋先, 嚟啦..嚟啦. 
最良白）喂，开唔开, 唔开, 我撞门而嚟过噃. 
梦梅白）哦, 嚟, 开紧啦...开紧啦. 
最良白）紧..紧, 开紧. 
梦梅白）老师也你仲未呌呀, 咁夜呌啦, 你呌啦. 
最良白）哼, 干得好事呀...做得好事. 
丽娘白）嘻嘻...嘻嘻...
最良白）做咩呀...做咩呀, 边个笑. 
梦梅白）咪我笑囉, 嘻嘻...嘻嘻...
最良白）唔系...唔系你笑得咁肉酸嘅，头先宁宁舍舍笑得好好听嘅, 响下便嚟嘅, 响下便嚟, 等我落去睇吓. 
梦梅白）冇人呀......
最良白）乜嘢冇人呀, 我要照..照一照至得, 照一照咋, 喂..你只手做乜嘢, 做乜嘢, 
梦梅白）呀, 无..嘢我...
最良白）你只手做乜嘢,揖揖扬扬. 
梦梅白）我只手有啲鸡爪风呀. 
最良白）吓, 鸡爪风, 我睇你啲麻雀风就真啦, 岂有此理, 喂, 喂, 喂, 开来, 开来，开来, 我睇你呀, 唔系有多少神经病, 你都梗系故弄玄虚, 想遮瞒我定啦, 喂, 喂, 喂, 我明明听见间房里头有历历莺声, 哼..哼..我睇你梗系收埋个小道姑喺西窗共话哩. 
梦梅白）哦, 老师, 你千祈唔好咁讲呀, 小道姑系一个出家人, 持斋拜礼. 你读书人, 你唔好玷辱了百练袈娑呀. 
最良白）百练袈娑...哗...咦.奇啦, 点解呢, 喂, 点解有啲花落到我成面成头都喺嘅呢, 咦...奇啦, 谂谂下我身前又冇花, 后面又冇花, 点解有喺头壳顶一片片咁飞落嚟. ..唔...狐舍..呢度唔系狐舍, 就鬼墟, 唉吔, 想落有的可怕噃. 
梦梅白）唉, 老师, 呢间系南楼, 就唔系狐舍, 芳苑唔系鬼墟, 系你老人家疑心生暗鬼唧, 边度有事干得架, 番去早的抖啦, 何必枉作搜查得架. 
最良白）唓, 你慌我怕鬼咩, 我几廿岁唔怕鬼嘅. 
最良唱）我系老儒生怀中藏古玉, 批夜卷, 掌上都有朱砂. 等我照一照芭蕉树, 闪一闪映泉灯, 忙忙解玉灯头挂. 
最良白）行开, 行开, 行开, 等我照吓, 行开我照埋个便, 我仲要照照哩便, 咦...唉吔, 喂...喂，秀才嚟...嚟，我明明见到一个影子闪在你身后, 呀, 点知我一照, 佢就好似化作一缕烟咁,咦, 好似入咗幅丹青画里便, 呀, 喂，呢一幅到底乜野画嚟呀. 
梦梅白）吓, 点解忽然间唔见左佢呢吓, 老师, 我而家实在都神昏智乱, 你...你自己埋去睇..睇真下啦. 
最良白）梗睇啦, 吓, 奇啦, 明明系有一影子缩咗入画嚟嘅，点解又唔见呢喂, 唉吔, 唔通古画成精, 咦, 唉吔, 睇真吓呢个....唉吔..阴公啦.. 
梦梅白）老师, 呀, 点解你见幅画会喊起上嚟呀. 
最良白）喊呀止哪. 

最良唱）老泪纵横声咽哑, 丹青画的是丽春花, 立雪程门真声价, 累得我饭后寻思午响茶, 丽娘对我情非假, 教我如何不想她, 喂, 你几时偷入灵台下架, 何解你盗取描容挂在衙. 
最良白）柳梦梅, 我以为你系一个寒酸嘅秀才, 点不知你系一个脂粉客, 你千唔该, 万唔该盗取小姐遗容, 挂在疏帘自赏, 喂, 你盗得遗容, 自然会勾三搭四, 我正话明明听见有女子之声, 缘何不见女子之面, 唔驶审, 你梗系收埋个小道姑嘅. 
梦梅白）冇呢. 
最良白）冇呀, 我明啦, 小道姑梗系啦, 佢又生得青靓又白净. 今日日间在梅花观, 你经已同佢眉来眼去, 柳梦梅, 你呀, 我限你在半个时辰, 将呢个小道姑从楼内交出, 否则我就拉你上道录司衙, 问你一个秽乱庵堂, 勾搭道姑之罪, 拉你...
石姑）陈斋长到底柳秀才有乜野事犯亲你, 令到你夜扣南楼连宵叫骂. 
韶阳女）陈斋长, 我方才系小楼之外, 听见你右一句小道姑, 左一句小道姑, 到底小尼姑有乜野, 同你过唔去呀, 你唔应该污辱了清白人家. 
梦梅白）系咪呀, 系咪呀
最良白）你咪加咀住. 
最良）啊石姑, 唉吔, 你睇吓你个样, 你真系石姑囉,你睇吓妳成旧石咁, 唉今晚呢件事, 非同小可, 我适间明明听见南楼之内, 细语遇遇, 莺声历历, 到底呢个小道姑呀系房内而出, 就系房外而入呀, 你话晒上咗年纪嘅人, 应该讲番句老实话呀. 
石姑）老冬烘, 自黄昏起, 小道姑都陪我在经堂敲诵, 一直到现在陪我到来, 未有离开我半步, 你都分明无风作浪, 过事喧哗. 
梦梅白）老师, 咁你明白啦, 你冤枉人. 
最良白）咪嘈... 哈...奇啦, 芳苑无人, 莫不是楼中有鬼...唔系...唔系, 假如我有冤枉佢, 我就甘受雷劈天打, 嗱石姑, 除咗你呀...你两只道姑之外, 太守衙内何处更有娇娃呢, 旧时阵都仲话有...仲有个杜丽娘小姐呀, 可惜佢都死咗三年长. 
梦梅白）哎吔. 
最良白）三尺桐棺都怕已随风物化, 你惊呀呢...惊啦, 芳苑都更无红粉在, 莫非天女无端夜散花咩, 
石姑白）秀才, 你唔驶惊慌嘅, 陈斋长, 冇谓多事啦, 咁夜搔扰人哋清雅唔好呀, 求其事干过得去就了囉, 休息下罢啦. 
韶阳女白）秀才, 睇下你呀, 慌到手腾脚震做乜野呢. 
石姑白）小道姑, 明日就系杜小姐三年忌日, 应该在佢坟前化些纸帛, 你同我入去早为打点把啦, 亚秀才, 你休息下, 陈斋长, 唔好多事啦, 返去书斋啦. 
最良白）岂有此你, 你快的交出来呀, 唔交出来, 我梗拉你上道录司衙嘅, 你记住来. ..
梦梅唱）哎吔, 说什么丹青配, 只不过系霎眼烟霞.