加载中…[转载]粤曲《余侠魂诉情》曲词
(2016-03-26 15:01:08)
标签：
转载 |
分类： 粤曲曲词836首 |
多谢博主
原文地址：粤曲《余侠魂诉情》曲词作者：粤曲发烧友_8m3
《苦凤莺怜》之
《余侠魂诉情》
马师曾撰曲
马师曾名曲
(本曲根据张雄平版本编辑)
【梆子中板】
我姓余，我个老窦又喺姓余，侠魂就喺我嗰个，名字。我家中内，粮无隔宿，几乎要做到，乞儿。有一日，喺三月清明，乃喺拜山，嗰个日子。我就去冯家，揾我大姐来借银，想拜老窦嘅山坟，睇白佢冇乜，嘢推辞啩。又嚸知佢，毫无父女姐弟情，反转个猪肚，佢就得嘅喺屎。佢开口闹衰神，话见咗我就头晕，话我日日咁来借银，不过我想拜老窦嘅山坟，唔嗵个老窦，佢就冇份嘅，你话我几咁得，心辞。好在嗰个冯二奶，见我大姐个衰人，畀咗几分嘅，银子。佢仲叫我，从今之后咪再到，叫我立即就，躏尸。咁我就返去归，在半路嘅中途，我越想越嬲，嗰个心中唔忿嗰个死人，嘅大姐。我就返转头，想闹佢一身，嚟消咗我嗰啖气。嚸知行行不觉，又见冯地嘅门楣。咁样我就入大堂，鸦雀无声，以为无人，在此。我行入二厅，听见房内吟吟沉沉，我仲估佢讲我，我就起了，嗰个思疑。嗰阵我就唔出声，一味忍住嗰啖气。在堂前来偷听，原来男女两个人，喺度商量，秘密嘅大事。却原来，奸夫喺巫实学，嗰个淫妇冯二奶，想谋杀亲夫、佢又假造，嗰封情书。嗰阵时，正喺想话出声又不能，想唔出声又抵唔住，只有思量，有乜嘢法子。我就去马地，想话来通知你，嚸知你被逐出外，我又畀人打到我，魄散魂离。到今时，幸得遇着你，真喺天公有眼，我就笑口，微微。问声大嫂你，你话你嘅家事，我知道唔知，我知到嗮嚹啩。
曲终
喜欢
0
赠金笔
前一篇：[转载]粤曲《无限河山泪》曲词
后一篇：[转载]粤曲《羊城新八景》曲词