其实最近熊黛林自从去完城城个唱两度攻城之后，一直喺微博写埋啲古古怪怪嘅嘢，好似4月8日就写道﹕“以为，总是以为。以为你可以，以为你很坚强，以为你什么都不介意。可是，那些，早已渐渐的深深的烙在了你的心里，也许你只是后知后觉。”早于4月6日，又贴咗张两只爱犬嘅合照，写道﹕“有你们陪我，什么槛儿都过得去。”似乎呢段“富黛恋”，真系已经玩完了。

http://www.ihktv.com/wp-content/uploads/image/2013/04/234349DMR.jpg

有迹可寻 城城爱驹“爱河”变“爱将”

富黛恋玩完，除咗Lynn佢自己微博有小小端倪之外，其实城城之前帮佢同张智霖只马改名做“爱河”，已经被指系冧女友，但城城上个月突然去马会申请改名做“爱将”，当时已经被指同苟芸慧绯闻有关，如今Lynn“重新上路”，“爱河”不再。

拜完山吵大镬　四月五日分手

今日有周刊报道，两人确实已四月五日分手。之前Lynn于3月底、即城城个唱完毕之后，同母亲返回南京老家，而该报道就指，四月五日，Lynn喺南京拜完山返港，同城城通电话，点知又吵大镬，结果嘈到分手。但就冇讲明系边个提出分。

据报道话，炒的内容系两个字……名份。拍拖七年，男方一直未俾名份佢，只系大家都嗌佢城嫂而已。但今年33岁嘅Lynn，亦一直冇放弃过名正言顺做合法城嫂呢个梦，但城城就一拖再拖，由07年嘅“冇夫妻宫”言论，到今年话要“攞埋影帝先”，结婚无了期，就令佢哋两个之间嘅争执更加多。

Lynn为求坐正，不断迫婚，加上苟芸慧半路杀出，仲话已经秘交咗五个月，令Lynn更加心急，二度去城城个唱踩场，亦只为宣示主权。而城城高调同佢握手，令Lynn以为已经冇事，点知，原来呢个“正室”之位未坐稳。

据知其实Lynn想等城城完咗个演唱会，先再同佢讲清楚。听Lynn身边熟人话，都知城城绯闻不断，每次Lynn问到，只要城城话冇嘢，佢都会信；但今次，城城唔肯讲同苟姑娘完全冇嘢，仲认系好朋友，Lynn就真系火都嚟，话佢“唔会再忍，系时候要醒！”之后Lynn返老家南京拜山，

Lynn弃城，自然神伤，惟有寄情微博诉心声兼暗示情变，4月6号“些牙”狗狗相，话：“有你们陪我，什么槛儿都过得去。”已经令人看到一点点端倪…

壹周刊 第1206期：4月5日摊牌分手 苟芸慧界入郭富城 熊黛林：唔会再忍！