必讀！美白Do’s & Don’ts_香港醫學抗衰老中心

个人资料

微博

正文字体大小：大中小

必讀！美白Do’s & Don’ts

(2013-03-17 14:27:46)

标签：

分类：養生百科

又白又滑嘅靚靚肌膚，相信好多女生都想擁有。究竟點先可以令皮膚變白呢？睇咗以下嘅Do’s & Don’ts，就識得點樣為肌膚進行美白大計啦！

Do’s

• 去角質：有時肌膚望落去灰灰沉沉，係因為表面積聚咗角質層，定期做返面部磨砂，除咗可以令皮膚望上去白滑啲，搽護膚品都可以吸收啲。

• 保濕＋舒緩：很多美白產品都含有果酸、水楊酸、酒精等較易引致敏感的成分，日常護理要配合有紓緩和保濕功效的護膚品使用，減低對肌膚的刺激。即使用的是較溫和的美白產品，也不能忽略保濕的重要性，因為保持肌膚水潤，看上去會更飽滿亮白，而且會更易吸收塗上面的護膚成分。

• 健康飲食：多進食含有豐富維他命C嘅食品，例如士多啤梨、奇異果、橙等等，都有助淡化黑色素，另外綠茶、蕃茄這類抗氧化食物，就可以延緩肌膚衰老，減少肌膚暗黃的情況。

Don’ts

• 不做防曬：如果以為美白只係不停搽美白精華、敷面膜，就大錯特錯嘞！要喺最初期避免黑色素形成，減少肌膚變黑嘅機會，美白先會事半功倍！如果用了含果酸、熊果素等感光性的美白產品而又無搽防曬，反而會令皮膚更易曬黑。

• 半途而廢：美白係長期作戰，唔好諗住1日就可以變白，其實係起碼要1個月以上先會開始見效。不過要注意，美白面膜就唔可以日日敷，始終皮膚的吸收能力係有限，而且敷得太密會令皮膚天然保護層脫落，不能鎖住水分，「越敷越乾」，建議一個星期敷2-3次就可以了。

• 亂試偏方：坊間有部分美白偏方並唔可靠，好似直接將檸檬片敷喺面上，除咗有可能引致敏感，檸檬嘅感光性，仲會令皮膚更易曬黑。至於每日飲檸檬水，身體可以吸收嘅維他命C其實好少（食多個橙可能仲好），飲太多酸性飲品，仲可能會令腸胃不適。

阅读┊ 收藏 ┊ 喜欢 ▼ ┊打印┊举报/Report