雖然護膚品係可以幫女生變靚，但都唔係話你搽一百層、十寸厚的護膚品上塊面度，就會全部吸收或者見效。回歸基本，有無 諗過成日捱夜、夜瞓先係皮膚差嘅主要原因？有時候只要早啲瞓，已經可以令膚質改善好多，咁係因為肌膚細胞會「靜悄悄」趁你瞓緊嘅時候自我修復，效果分分鐘 好過搽幾千蚊嘅精華！

把握黃金時間

「瞓得好」唔係單單指睡眠質素好，入睡的時間亦都非常 重要！黃金睡眠時間其實是晚上10時至凌晨2時，因為在這4小時裏面，肌膚的新陳代謝最為活躍，如果能在這段時間入睡，肌膚細胞自我修復的效果就最好，也 能夠延緩肌膚老化的問題。而成年人一般也需要睡6-7小時才算足夠，要有充足的休息，先會睇上去容光煥發架嘛！

所以就算幾忙都好，都要盡量在12時前入睡，等自己瞓返個「美容覺」，讓肌膚在這段時間發揮最大的修復功效！

臨瞓搽咩好？

而在肌膚細胞生長和修復最活躍的黃金時間，對護膚品的吸收亦比早上多一倍，因此可以選擇滋潤度較高的精華素和晚霜，加強效果。

除此之外，也可以在睡前敷上sleeping mask，在睡眠時間護膚，充分把握吸收得最好的黃金時間！而且sleeping mask有另一個好處，就是好似保護膜咁，將晚上塗的護膚品的水分和養分鎖住，自然可以吸收得更好。