論日本模界近期人氣最旺，必數孖妹 AMI同 AYA！兩姐妹 15歲時為做 model，由鄉下靜岡走到東京，可能二人五官唔算靚，一直只係做髮型 model，等到 18歲先為時裝雜誌《 CUTIE》做讀者模特兒。行開日系可愛路線 嘅佢 哋，'08年轉玩古着 mix style，又 喺《 Nylon》、《 ViVi》等涉原系雜誌教化妝、襯衫 tips，結果'10終被街牌公司 Mark Styler睇中，創立自家品牌 jouetie，實行與其他讀者模特兒起家嘅達人，如松本惠奈（ Emoda）睇齊。香港雖未有實體店，但靜靜雞 喺 i.t插旗。上月孖妹仲踩入樂壇同藝能界，先以 Twinkerbell之名作歌手出道，處女作〈 DREAMER'S DREAM〉，曲風似足原宿教主 KyaryPamyuPamyu，副歌洗腦得來一樣咁 kawaii。 7月轉戰公仔箱，客串富士火 10（即星期二十點檔）劇集新版《 GTO》，雖然得兩分鐘戲分，但日本網友大讚夠淡定自然，總之呢期涉原系最人氣係佢。