吴语里向表示play个词有一个/bəʔ siaŋ/（音“孛相”“脖相”）。今吴语大多写“白相”，大概是由于鲁迅先生个文章：

要将上海的所谓“白相”，改作普通话，只好是“玩耍”；至于“吃白相饭”，那恐怕还是用文言译作“不务正业，游荡为生”，对于外乡人可以比较的明白些。​

——出自杂文集·准风月谈 《吃白相饭》署名：旅隼

而今“白相”和吴语时音并弗接近，​直接照搬“白相”写法恐怕并弗曾经过甚思考。盖每，“白相”到底是对还是错？符合当今吴语发音个“孛相”是否正确？答案各是一半一半。

在诗词里向只有“薄相”个写法，且均为宋代。其中杨万里、苏轼还是比较有名个文人​：

《赠周功崇》​（宋 朱槔）

闽岭浮沈二十年，归心日夜梦江天。谩题甲乙烦君看，若说功名只自怜。

​造物小儿知薄相，个中老子已忘筌。一筇闻作东南去，岂欲求人左海边。

《竹林》（宋 杨万里）

珍重人家爱竹林，织篱辛苦护寒青。那知竹性元薄相，须要穿来篱外生。

​《昌州寄永川赵尉》（宋 项安世）

此州大如斗，此县安得壮。官有少府君，斯须一军张。

此君少年日，弄笔戏天匠。能令枯树荣，解使涸泽涨。

风晚天戏之，千山万里瘴。不畀龟自灵，小儿能薄相。

我于同辰游，拜君丈人行。得书日十反，有烛夜千丈。

如何三命共，所设非所当。巽君在床下，踞我著炉上。

此意岂宜蒙，临风颠回向。

《泛颍》​（宋 苏轼）

我性喜临水，得颍意甚奇。到官十日来，九日河之湄。

吏民笑相语，使君老而痴。使君实不痴，流水有令姿。

绕郡十余里，不驶亦不迟。上流直而清，下流曲而漪。

画船俯明镜，笑问汝为谁。忽然生鳞甲，乱我须与眉。

散为百东坡，顷刻复在兹。此岂水薄相，与我相娱嬉。

声色与臭味，颠倒眩小儿。等是儿戏物，水中少磷淄。

赵陈两欧阳，同参天人师。观妙各有得，共赋泛颍诗。

通过网络搜索我垯弗难发现以下几点：

1、“薄相”大量出现在宋朝个诗词中，也是最早记录个写法。

2、“白相”只在​近代开始出现，且弗再使用“薄相”，反映着当时已经产生语音变化。

3、“孛相”在​猪明王朝开始出现。

​19世纪个《蕙风词话 续遍·卷一》已经解释得蛮清楚着：

葛郯信斋词水调歌头，舟回平望，过乌戍值雨，向晚复晴云：“应是阳侯薄相，催我胸中锦绣，清唱和鸣鸥。”“薄相”犹言游戏，吴阊里语曰“白相”，“白”盖“薄”之声转，一作“孛相”。乌程张鉴冬青馆诗山塘感旧云：“东风西月灯船散，愁煞空江孛相人。”​

​盖每，为甚“薄相”和“白相”会谐音？如今弗管是官话还是吴语两者都有差别。原因就是唐宋时期两个字发音是接近个。唐朝时期国家官方使用洛阳正音，“薄”是并母铎韵，发/bak/；“白”是并母陌韵，发/brak/，较为接近，可以自家反切一下。换句话说，假使原本正字是“孛相”，则“白相”根本弗会是谐音。​

而对于猪明以后个北语来讲，弗分“薄”“孛”​（现在个普通话也是），故咾“薄相”写成“孛相”对其垯来讲是一样个。于是吴语直接借用北词北音读成功/bət/，少量吴语保持古音读/bɑk/，才造就着寔样三种写法。清国个《蕙风词话》能够意识到“白”是“薄”个音转，已是非常难得。

演化路线如图所示：

http://s5/mw690/0036hkL2zy749AsZd0Ef4&690
我伲可以看到，寔個词汇在吴语和北语之间已经经过着多次转让。

结论：

从本源发音来讲，“薄相”是正确个写法，也是推荐使用个。

从现今发音来讲，“孛相”是常见个写法。

至于“白相”，音意均弗符。弗建议使用。