本人是土身土长呃上海人，勒拉上海呃方言土语閒话当中，有得一嗰俚语词语叫“轧闹猛”，伊呃含义就是指：凑（看）热闹；就是欢喜去人交关多、人群扎堆呃地方；（爱）管跟自家呒关呃各种閒事……翻译成普通閒话就是“爱围观”。覅管是“轧闹猛”，还是“爱围观”，覅单单是上海人独享呃一项爱好，但凡是国人，僎邪气欢喜“轧一嗰闹猛”、“围嗰观”，且“轧闹猛”、“爱围观”迭种文化，并覅是今早仔侪有呃，古已有之，流传到今早仔有好几千年呃历史了。

只要吾伲用心呃去观察一下社会，就会得发觉迭恁一嗰问题噢，勒拉当今社会，有覅少呃人群邪气欢喜去“轧闹猛”、“围观”，勒拉吾伲呃人生旅程中，覅管吾伲是覅愿意、高覅高兴，也总要畀人家“围观”、“轧一嗰闹猛”，辰光一长，吾伲讲覅定也有可恁去围人家呃观、去轧人家呃闹猛。勒拉围观、轧闹猛呃同时，又夹杂着“猎奇、惊叹、兴奋、无奈、热闹、烦恼”……也许吾伲生性就是嗰覅大欢喜轧人家呃闹猛、围人家观呃人，但也呒办法保证，人家覅唻围吾伲呃观，好像现在相互之间呃轧闹猛跟围观，成了一种常态化。

噶末，哪恁样子呃人群是邪气爱围观、邪气欢喜去轧闹猛呢？！依据本人多年唻呃观察，嗰人是迭恁唻理解并去认为呃，或许就是一些“带星”、稍微有一眼眼名气呃、所谓呃名人；还或许是一些社会上呃名流；更或许是一些功成名就呃成功人士……是邪气欢喜围观、轧闹猛呃。只畀过，伊拉所谓呃“爱围观”跟“轧闹猛”，是希望别人家侪都唻“围围伊拉呃观”、“轧轧伊拉呃闹猛”啊，而覅是由伊拉去围别人家呃观、轧别人家呃闹猛噢。假使真呃要迭恁样子去做呃閒话，也只是去“围同一圈子里呃观、轧同一圈子里呃闹猛”。

之所以要迭恁去做，一方面，可以提升、聚集自家呃人气，覅管迭嗰提升跟聚集，是好呃还是坏呃，反正只要每天侪恁有所提升就是好；另一方面，可以去制造各种消费热点、赚取粉丝呃铜钿，叫“粉丝经济”；对于上述迭恁呃人群、面对着恁带唻名利双收呃好事体，又何乐而覅为之呢？！除非像迭恁呃人群当中，某些人是嗰大戆度，只有是属于标标准准呃戆度，侪覅得会去做迭种事体！勒拉今早仔，为了恁够尽快呃去达到名利双收、还为了恁够捞取到真金白银，放勒拉自家呃口袋里，像迭恁呃人群当中，无所勿用其极呃人，也是大有人在勿在少数，伊拉僎覅管舆论是哪恁去评讲呃，老百姓又会得对伊拉有啥呃看法噢，只要是有得铜钿进账，其他侪都可以覅管了。

吾伲僎要去牢记迭恁一条原则，凡是越是具有“开放性”跟“包容性”呃社会，邪气容易畀“围观”，与此同时，“轧闹猛”呃人数也会变得越唻越多。某一些人事物情，几十万、上百万呃围观，也覅会嫌太多，覅仅覅会得嫌太多，还要希望越多越好，哪怕彼此间是竞争性呃围观、哪怕是各领风骚三五天呃围观，也是“邪气好呃一桩事体”啊。畀过，覅管是“围观者”还是“畀围观者”，彼此之间呃关系变得越唻越微妙、越唻越复杂了，一方面，“围观者”希望恁深挖“畀围观者”一切呃一切，最好连某些细枝末节侪恁一一展现出唻，而“畀围观者”又覅大希望过多呃暴露自家、畀自家深挖；另一方面，相互之间还有可恁要互掐互骂，所使用呃閒话也是语覅惊人死覅休，事体一旦严重起唻，双方僎都达覅到目的是覅肯去偃旗息鼓呃。

勒拉覅同呃社会时期里向，自然会得产生覅同呃围观热点。

比方讲：2003年呃围观热点就是要数“芙蓉姐姐”了，伊本人最最早则是出现勒拉“水木清华”、“北大未名”跟“MOP网站”呃上头，之后侪逐渐呃畀全国人民所晓得呃。依据网上资料显示，“芙蓉姐姐”伊原本呃名字叫做“史恒侠”，1977年7月19日出生勒拉陕西省咸阳市武功县，因为受到大量网友呃揶揄跟嘲讽，因此就出名了……

又比方讲：从2009年10月下旬开始，围观呃热点就是“凤姐罗玉凤”了。伊之所以会得成为迭嗰时期呃热点、会畀大家去围观，最最主要呃一嗰原因就是——皆是因为伊勒拉上海市浦东新区陆家嘴附近去发了征婚传单，而且对于传单上头呃应征者，还必须要去满足如下7嗰条件唻，除忒“必须是经济学专业或精通经济学”呃以外，但凡是西南地区、重庆等地僎覅勒拉伊呃考虑范围之内，还况且伊自家马相是长得邪气一般般呃，而且伊自家还呒得高学历噢……还畀众多呃网友们群起而攻之，让大家大跌眼镜，讲啥么事呃侪有呃……

还比方讲：2013年跟2014年呃围观热点是刘益谦噢，刘益谦是“新理益集团有限公司”跟“天茂实业集团股份有限公司”呃董事长，同时伊本人还是嗰收藏家，勒拉上海创办有“龙美术馆”。2013年9月份呃辰光，勒拉纽约苏富比耗资822.9万美元(约5037万元人民币)，拍下了备受各位专家争议呃苏轼《功甫帖》，2014年呃辰光、勒拉《功甫帖》呃种种争议还呒烟消云散呃辰光，伊又勒拉香港苏富比以2.8亿港元(约为2.2亿元人民币)，佣金也是包含呃，拍得玫茵堂珍藏呃明成化斗彩鸡缸杯，并畀伊本人随手拿唻喫了一口茶，迭段视频发布到网哴以后迅速大肆发酵，大家侪质疑伊是呒文化呃土豪行为……

勒拉当今中国，好像“轧闹猛”跟“爱围观”成了一种常态化，几乎“每天侪勒拉上演”，勒拉各嗰年龄阶层、各类人群当中，僎会得去发生各类“轧闹猛”跟“爱围观”呃事体唻，啥呃“娱乐圈子里向呃”、“科技圈子里向呃”、“文化圈子里向呃”……反正是无所覅有、无所覅包含啊，呒得啥呃人事物情是做覅到呃，只有吾伲僎意想覅到呃。也许，对于覅同年龄阶段跟覅同文化层次呃人群唻讲，侪需要“轧各式各样呃闹猛”、去“围各式各样呃观”，但畀过，今早仔呃“轧闹猛”跟“爱围观”，覅仅仅是演变得越唻越“三俗”了，而且还要“拼了命呃往低级呒趣味呃大道上”走、“昂首阔步呃”往前头行走，呒得啥呃“最最低级呒趣味呃”，只有“更加低级更加呒趣味呃”，而且越是“更加低级更加呒趣味呃”，那僎叫一嗰好呢，反而迭恁去做，侪会赢得越唻越多人呃“轧闹猛”跟“围观”。

迭种“更加低级更加呒趣味”呃“轧闹猛”跟“围观”，假使讲吾伲长期沉湎期间，辰光一长还会得让吾伲慢慢较去上瘾，就好像勒拉喫食鸦片一样，是一种“低级呃、交关坏呃精神鸦片”，覅仅会逐渐呃去麻痹吾伲呃神经、意志、身体跟斗志……还极有可恁会让吾伲勒拉勿知勿觉中、勒拉今后呃人生道路上，逐步“走向堕落呃泥潭”而无法去自拔，绝对是呒一眼眼好处呃，既然是迭恁样子呃閒话，像迭种“低劣呃精神鸦片”，还是少吸食、覅吸食为好，既要去少吸食、还要覅吸食为好，嗰人对于“轧闹猛”跟“爱围观”还要去有所选择跟改观，凡是一些邪气低级呒趣味呃闹猛就覅要去轧、去围观了，凡是一些好呃、有利于自家身心健康呃，可以去轧闹猛、去围观。

噶末，对于“轧闹猛”跟“爱围观”是否要唻一嗰一刀切，嗰人跟社会侪通通呃去禁止、僎覅允许去操作啊？！笔者嗰人还认为，覅需要迭恁去操作、去禁止，还是需要呃，覅单单是一般呃需要哩，而且还是邪气呃需要噢，所谓呃去“轧闹猛”跟“爱围观”，必须是一些良好呃一面、积极向上呃一面，凡是覅好呃、覅良呃一面，就要去严厉呃禁止了，因为良好呃一面、积极向上呃一面，伊恁推动嗰人跟整嗰社会呃共同进步，可以让各嗰年龄阶段、各嗰层次呃人、社会帮政府，逐步去改正陋习，除忒覅好呃一面，宣扬保留好呃一面。

各大媒体、各式各样呃人群，时不时会得去揭露社会上头种种覅好呃现象、交关阴暗呃、邪气坏呃一面，嗰人是迭恁样子唻理解并去认为呃，迭嗰倒并覅是处处跟整嗰社会作对、处处勒拉为难整嗰社会、处处大肆呃以揭露露丑为荣为好啊，为呃就是——恁够去督处吾伲逐步去改忒自家身哴向覅大好呃各种陋习跟坏习惯，难道迭恁样子去做又有啥地方是覅好、覅对呃吗？！难道像迭恁样子呃“轧闹猛”跟“爱围观”，覅值得吾伲大刀阔斧呃去全面推广吗？！难道吾伲就覅应该以身作则呃去改忒自家身哴向覅大好呃陋习跟坏习惯吗？！覅管是嗰人还是整嗰社会，当吾伲僎勇于去“轧迭恁样子呃闹猛”、“爱围迭恁样子呃观”时，嗰人跟社会侪会得到长足呃发展跟进步唻，要是大家僎覅大肯去“轧迭恁样子呃闹猛、覅大爱围迭恁样子呃观”，又哪恁好去谈论啥呃发展跟进步啊，迭恁下去只会让吾伲停止覅前！

文章写到了此地块，也许就有得人会得唻寻问一下本人，侬既然是写到了迭嗰话题，自家会覅会得去围一嗰观、轧一下闹猛呢？！诚实呃回答大家，是呃，笔者本人也是呒办法去免俗跟置身事外呃，自家也同样是一嗰热情呃围观者噢，也邪气欢喜去轧一嗰闹猛。只有勒拉实在是穷极无聊呃辰光，侪会得去“围一些低级呒趣味呃观”，只当是一种茶余饭后、工作之余呃一种消遣罢了。因为勒拉本人众多呃爱好当中，有一项爱好就是阅读各类有意义呃书籍了，所以讲，最多呃“围观”跟“轧闹猛”，还是“围文化方面呃观”、“轧文化方面呃闹猛”，去了解各类自家交关感兴趣呃文章、书籍跟作家……

【备注：文章为作者原创；各种上海浦东三林地区、上海老城隍庙风景类图片均来源于网络上；感谢原创图片。】

杜老倌侠客居（陆伟）写于2016年10月16日星期日晚上