“怀旧”迭嗰词语呃意思跟含义就是勒拉讲：怀念老底子跟老早仔有得唻往呃人。“怀旧”迭嗰词语呃首创人，即发明者，就是由17世纪瑞士医生霍弗提出唻呃，一直到20世纪呃1979年，美国社会学家弗雷德系统呃阐述了有关于怀旧跟乡愁迭两者之间呃区别，今早仔呃科学研究并发现了，认为怀旧是一种邪气正面呃自传式记忆。

当笔者大专刚刚毕业呃辰光，一股怀旧之风犹如十级台风强劲呃刮了起唻噢，从大专到小学都勒拉搞同学聚会，有得校友会、班级会。凡是只要听到了讲有得同学聚会，自然而然就会得竞相邀约参加，有些同学即使呒邀请过伊，伊也会得勿请自唻啊。形式无非也就迭嗰三种：第一种就是去K厅唱卡拉OK；第贰种就是去饭店里向聚餐；第三种就是去茶馆店喫喫茶谈谈山海经。假使讲聚会是去K厅唱卡拉OK，每趟仔到了聚会即将要结束呃辰光，最后一首歌曲必定要去唱老狼呃《同桌的你》；去饭店里向聚餐，一定事先要到网络上头去搜索一下，既要去寻找价钿便宜，又要去寻找米道好、有一定特色呃餐馆，实在勿唻三呃情况下头，大家就干脆去喫喫火锅伐，主要原因就是因为，相比之下而言，火锅呃价钿就便宜一眼了，勒拉掰搿辰光呃吾伲还是刚刚开始上班，铜钿赚得勿是老老多呃，可以讲囊中是邪气羞涩呃；去茶馆店喫喫茶谈谈山海经，勒拉谈山海经呃辰光，有得一大半日呃辰光，都是勒拉回忆老底子读书辰光发生呃各类人事物情……真呃是交关热闹噢，勒拉谈山海经呃全过程当中，眼扳数要去留下各种通讯方式，还要郑重其事呃约好下一趟再见面呃辰光，勿见勿散……

勒拉刚刚开始呃辰光，差勿多是每隔半年去聚一趟会，各嗰年龄层各类同学各去举办一趟。然而，随着辰光呃推移，约老同学聚会变得越来越难了，一年恁够聚一趟已是算邪气勿错了。到后唻，两三年侪有可恁去聚一趟……勒拉有些辰光即便是对方口头已经答应了，也勿一定恁够赴约，都勒拉讲近抢把邪气忙、都勒拉讲呒辰光，实在是勿好意思啊，都勒拉讲下趟仔碰都再讲伐，抱歉声跟道歉声真呃可以讲是连连不断噢……再过一段辰光，勿是电话号码变成了空号、换忒了号头；就是公司（单位）跟家庭地址通通改变忒了，而且是一变再变；亦有些人去了外省市发展失去了联系，想联系也困难！再想去联系就要上网，只恁去同学网、天涯论坛、交友网等网站寻找……

讲起唻还勿免有一些伤感之情噢，有一趟仔笔者呃初中同学搞聚会，去K厅唱唱卡拉OK，参加人数足足有得二三十嗰人噢，占到了全班近二分之一呃人，聚会期间班长听讲某位同学工作比自家要好、工资收入要比自家高出蛮多呃，就一面孔呃勿高兴了，面孔表情就好像欠了伊一百万似呃，跟伊讲閒话呃辰光，要么就是爱理不理、要么就是阴阳怪气。【备注：1、班长从小学一年级到大学毕业一直都是班干部、学生会领导，还勒拉大学里向做过学生会主席；2、迭位同学读书呃辰光学习成绩是中等偏下呃。】还有呃就是，同样是一嗰班级里向呃同学，同学之间搞聚会呃辰光还要去分出三六九等唻，啥呃成绩好呃同学是一波；成绩推扳呃同学是一波；谈得唻呃、相处得唻呃是一波；有些同学带上了自家呃女朋友……同学聚会已然变了米道！

面对迭恁样子呃情况，有一些同学就讲道，早晓得是迭恁样子呃同学聚会，下趟仔打死“吾”也勿会得再唻了，下趟仔聚会假使还是迭恁样子呃閒话，“吾”绝对是勿会得再唻呃！笔者个人是迭恁样子唻认为呃，同学聚会本就覅应该是迭恁样子呃，最最真挚呃友情跟友谊，恰恰就是学生时代建立起唻呃，因为勒拉迭嗰辰光，彼此之间基本哴向可以讲是呒啥呃任何利益与利害方面呃关系；也勿存在任何利益方面呃瓜葛噢；更勿会得存在像职场里向呃人一样，为了自家呃生存、为了生活而产生呃种种勾心斗角；迭种情感是最真最纯呃！

上海电视台纪实频道就有得一档栏目叫做《全民大拍档》，专门制作了一集关于怀旧呃话题噢。有得邪气多呃人欢喜去怀一嗰旧，主要以年轻人居多。里向就有得：用真人版制作呃游戏俄罗斯方块；用大楼跟灯光制作呃游戏贪喫蛇；有一些人还交关欢喜收藏自家小辰光白相过呃各种儿童玩具；亦有一些人欢喜去收藏各嗰时期用“马铁口”制造呃玩具模型小汽车；还有些人去开设了一爿小学生餐馆，里向呃服务员清一色侪都是三条杠大队长……让人又返回到了老底子，仿佛时光畀倒转一般，就好像迭些事体昨天仔刚刚发生过似呃！……

也有得交关多呃人则认为，根本就勿需要去怀一嗰旧、怀念老底子噢，也是勿应该去怀一嗰旧、怀念老底子呃各类人事物情啊，只因为老底子已经成为了一段历史，往事是勿值得去回忆跟回味呃，吾伲要面向未来，一切向侪要向前去看噢，怀一嗰旧、怀念老底子呃各类人事物情，是属于退休人、老年人应该去做呃一桩事体，是伊拉呃“专利”，假使讲怀一嗰旧、怀念老底子呃各类人事物情，还假使讲怀旧呃人年龄勿是邪气大，只是中青年一下呃人，也包含中青年人在内，迭嗰就意味着怀旧呃人绝对是OUT（落伍）了噢！因为一直沉迷勒拉老底子、跟老底子纠缠勿清爽呃人，就会得阻碍伊前进、积极向上呃步伐，更会让伊感到无所适从，勿晓得应该做啥么事侪算好……

笔者个人呃想法跟看法，倒是跟别人家与众不同勿大一样呃，自认为，怀一嗰旧、怀念老底子呃各类人事物情，勿应该是老年人独有呃一项专利，任何一嗰年龄阶段呃人，侪都可以去怀一嗰旧、怀念老底子呃各类人事物情，各嗰年龄阶段呃人侪可以从怀旧、怀念老底子呃各类人事物情过程当中，去好好较总结经验跟教训、总结嗰人勒拉人生道路上头呃各类得与失唻，就恁够使得自家变得更加成熟。

尤其重要呃一桩事体就是——每当吾伲沉浸勒拉怀旧呃全过程当中，一定会得去获得一份难以估价钿呃快乐、滋润跟幸福唻，从而可以让整嗰人呃身心，都变得更加呃健康、尤为邪气顺畅噢，与此同时，伊更会得让吾伲去明白迭恁一嗰道理，啥呃事体是吾伲好去做做呃，啥呃事体又是吾伲绝对勿好去做做呃，伊更有利于吾伲勒拉今后呃人生旅程道路上走得顺畅，让吾伲恁更好呃去面向未来、向前看！

假使讲，既覅管是啥呃人，也覅管伊是啥呃脾气性格，更覅管伊是勒拉做啥呃工作呃，凡是呒得老底子呃人，假使跟老底子去做一嗰彻彻底底呃拗断，噶末伊本人就意味着背叛，一嗰呒得啥呃老底子呃人，哪恁会有得美好呃将来？！要晓得，将来亦包含着过去唻！

各位朋友，今朝仔，侬是否去怀嗰旧、怀念过老底子伐？！

【备注：文章为作者原创；各种丰子恺漫画画作图片均来源于网络上；感谢原创图片。】

杜老倌侠客居（陆伟）写于2009年05月24日星期日上午