笔者出生于上嗰世纪呃70年代末期，畀大家称之为“70后”，勒拉本人小辰光，也就是勒拉少年时期，尽管每家每户呃经济条件覅是顶顶好，基本哴向僎是差大覅多呃，对于小囡囡头唻讲，空闲辰光娱乐远覅如今早仔唻得丰富多彩，但畀过有得交关好白相呃游戏。

勒拉其中有得一项游戏就叫做——“跳橡皮筋”。勒拉老长呃一段辰光里向，大多数人都会得一致去认为，迭种游戏专门是一些女小囡去白相相呃室外游戏，是伊拉“独有呃专利”，绝对是有助于伊拉呃身心健康呃，如果讲，一些男小囡啊勒拉白相迭种游戏，就会得觉着覅大对头了，多多少少有得一眼眼娘娘腔了，覅像一嗰男人。

笔者还恁够清楚呃去记得，勒拉本人小辰光，跳橡皮筋呃材质跟材料是有得两种，第一种就是用松（宽）紧带，另外一种就是用一根根牛筋橡皮筋串连起来，一些经济条件稍微好一眼呃人家，宁肯用牛筋橡皮筋，为啥啊？！因为牛筋橡皮筋相对而言邪气牢固，可以使用交关辰光，覅像其他材质呃橡皮筋，使用辰光交关短容易断忒。

跳橡皮筋呃辰光，嘴巴里向还有口诀，讲：“马莲花开二十一；二五六，二五七，二八二九三十一；三五六，三五七，三八三九四十一”……迭种口诀么啥道理好讲呃，为得就是读起唻朗朗上口。

勒拉掰搿辰光，跳橡皮筋啊是要去讲究季节性噢，勒拉一般情况下头，秋冬季节跳橡皮筋就跳得邪气多了。跳橡皮筋呃辰光，既可以从低跳到高，也可以从高跳到低，最最高，橡皮筋还可以放到头筋骨处，一些女小囡还会得去编排各式各样呃花样经跟各种动作噢。

每当到了要跳橡皮筋呃辰光，小朋友们会得自觉自愿早早呃先畀各项功课去做做好。既覅管是住勒拉一条弄堂里向呃，也覅管是住勒拉新工房房子里向呃，还是住勒拉私房里向呃，是会得呼朋引伴三五成群呃大声叫嚷道：“大家一到出唻跳橡皮筋啊，有啥人愿意跟吾一道去跳跳橡皮筋伐？！”覅单单是迭恁样子，有些小朋友还会得事先就约定好，假使今早仔呃各项功课覅是交关多呃，噶末就赶快仔先畀功课去做忒伊，做好了功课以后，就好去白相跳橡皮筋游戏了。

勒拉笔者小辰光、尤其是勒拉读小学呃辰光，同样也是会得跟女小囡一到去跳橡皮筋呃，只畀过，由于本人是属于愚笨之人，勒拉掰搿辰光跳唻跳去，只会得去跳一种动作，名字叫“开机关枪”。

勒拉掰搿辰光，覅光光是笔者自家噢，还有得交交关关多呃男小囡，也会得跟一帮子女小囡去跳跳橡皮筋唻，最最主要呃原因有得两种，第一种就是：通过跳橡皮筋，可以增进小朋友之间呃友情跟情谊，第尼种就是，勒拉冬天季节里向，通过跳橡皮筋，去抵御寒冷。

就是覅晓得啥呃道理，勒拉掰搿辰光、勒拉笔者读小学呃辰光，每当到了冬天季节里向，天气就会变得邪气呃冷飕飕，勒拉教室里向上课，就算笔者身哴向穿了四件纯羊毛呃绒线衫，还是会得觉着浑身上下都是有一眼眼冷飕飕呃，人啊会得微微去发抖。勒拉掰搿辰光覅像今早仔噢，是呒得啥呃空调呃，唯一呃希望就是——恁够早一眼眼下课，课间好休息十分钟唻，勒拉上另外一节课之前，通过去跳跳橡皮筋，就好唻取取暖，迭恁样子去做，有利于去上下一节课程。

笔者依旧恁够清楚呃去记得，勒拉读小学三年级呃辰光，唻了一位从师范中专毕业名叫王一清呃先生（女），伊是专门教授语文课程呃，做了笔者班级呃实习语文班主任。到了冬天季节里向，伊看到了班级里向有一些女生覅愿意男小囡跟伊拉一道去跳橡皮筋，还开口去讲道：“男小囡覅仅仅僎是老面皮，而且还侪是娘娘腔噢，简直就覅像一嗰男人，好死开跑跑开了，吾伲就覅跟侬一道跳橡皮筋！”……就对女生们一同呃教育，还讲同学之间要互帮互助相互友爱，天气邪气冷，跳跳橡皮筋好取暖，男小囡啊一样跟女小囡好跳橡皮筋呃！……

辰光走到了今早仔，现在呃男小囡跟女小囡，恐怕就覅大会得再去跳跳橡皮筋了，同样也是至少有得两种原因噢。原因之一就是：恁够提供小朋友跳橡皮筋呃场地变得越来越少了；原因之二就是：现在呃功课压力老大呃，每天呃作业又是邪气多，还唻覅急去做唻。

今早仔再回想起小辰光跳橡皮筋游戏，觉着还是蛮有趣呃！

【备注：文章为作者原创；各种跳橡皮筋图片均来源于网络上；感谢原创图片。】

杜老倌侠客居（陆伟）写于2018年07月16日星期一晚上