上趟我讲上海闲话里厢嘅程度副词拿嫡个“瞎”字忘记脱了，读音为“ha”。

嘅个“瞎”实际壤用得比较多，现在大多数拿伊写成“哈”，用嘅个“哈”搭上海闲话里厢想要表达嘅意思浑身勿搭界！勿相信查查字典：哈，字典壤四个意思，1. 张口呼气，哈欠；2. 象声词，哈哈大笑；3. 伛、弯，哈腰；4. 姓。

用上海闲话里厢“瞎嗲”为例讲讲想要表达嘅意思：嘅个“嗲”到哪恁程度呢？瞎子也能够看得见！用“哈”字朋友讲讲看呢，啥意思？恐怕只是标了一个读音而已。意思根本就是直升飞机吊大闸蟹——悬空八只脚。

我反复讲上海闲话里厢交关字搭普通闲话是一样嘅，就是读音勿一样。最常见嘅“讲”读“岗”；“人”读“拧”搭“sen人民”；“吃”读“切”；“眼”读“嗯唉切”；“鬼、贵”读“居”；“家”读“嘎”搭“专家jia”；“惹”读“洒”；“衰惰”读“萨杜”……

扯远了，阿拉还是来讲“瞎”，嫡个字上海闲话里厢是代替普通闲话“非常，十分，很”程度副词嘅，搭上海闲话里“邪气、老老”一样用法。普通闲话：“这个东西非常好！”，用上海闲话表达：“嘅样物事瞎好！”“嘅样物事邪气好！”“嘅样物事老老好！”。

上海闲话：“今朝瞎衰惰”，普通闲话：“今天非常非常累”；“嘅桩事体做得瞎焐心”，对应“这件事干得很开心”；“嘅个小姑娘长得瞎漂亮”意思为“这个小姑娘长得非常漂亮”；“嫡种药吃嘅个毛病瞎灵”就是“这种药对付这个病十分灵验”的意思；“嘅个新产品瞎崭”翻译为普通话“这个新产品非常之好”。

很舒服，瞎适意；很遥远，瞎远；很坏，瞎坏；很复杂，瞎复杂；很难，瞎难；很容易，瞎容易；很慢，瞎慢；很快，瞎快；很聪敏，瞎聪敏；很笨，瞎笨；很能干，瞎来山；很大，瞎大；胆子很小，胆子瞎小；这个“瞎”字在上海话中用得很多，嘅个“瞎”字勒垓上海闲话里厢用得瞎多！

哦，还可以嫡恁用：瞎嗲瞎嗲；瞎来山瞎来山；瞎衰惰瞎衰惰；瞎远瞎远；考试瞎难瞎难......

上海闲话讲：“夹闭仔眼睛瞎来来”意思为：“闭上眼睛胡搞一气”。瞎七搭八；七里缠了八里；搞七廿三都是形容胡搞!

普通话讲：“多余”，上海闲话讲：“瞎起劲；瞎操心”。

上海人常常自己谦虚：“弄得勿好，瞎弄弄嘅”；“画得勿好，瞎画画嘅”。

吾嘅篇博客写得勿好，瞎写写嘅，要是大家欢喜，吾瞎开心！

http://s9/mw690/001fmAWVgy6K3wx7KJ238&690