无锡小吃花样多，           一碰哭，二碰哭，

小笼馒头味道好。           三碰碰着个鸡蛋壳。

人人吃得肚皮饱，           勿哭勿哭我勿哭，

大包小包带了跑。           再哭就是鸡蛋壳。

从前头，有个老伯伯，走到八士桥，买着一碗八宝饭，用落八千八百八十八块八角八分八厘八……

笃笃笃，卖糖粥，三斤胡桃四斤壳，

吃仔你个肉，还仔你个壳。

啥人要？啥人要？我要，我要。

你要啥个粥？我要桂花粥，我要赤豆粥。

你姓啥？我姓黄。啥个黄？草头黄。啥个草？青草。啥个青？碧咧清。啥个碧？毛笔。啥个毛？三毛。啥个山？高山。啥个高？年糕。啥个年？1960年，大饼店里好生意，一只大饼卖三年。

阿大阿二挑荠菜，阿三阿四裹馄饨，

阿五阿六吃馄饨，阿七阿八舔缸盆，

阿九阿十哭勒一黄昏。

无锡是个好地方

无锡是个好地方，几句闲话讲不完，

锡惠公园穷闹猛，一家罗门去白相，

爬爬山，吃吃茶，看看国宝大熊猫，

惠山脚下宝贝多，那泥阿福名气大，

崇安寺，南禅寺，王兴记个小笼包，

风味小吃样样有，无锡排骨油面筋，

还有阳山水蜜桃，真正甜得不得了。

  太湖风光穷漂亮，蠡园、梅园、鼋头渚，

灵山大佛名气大。蠡湖新城也要去，

 哥搭个喷泉穷极棍。一喷喷到一百米。

   说来说去说不完，无锡是个好地方。