微博地址 http://weibo.com/1905895522/AbnRPq8d4

    总是听见这么一句话“讲钱就无意思”。我真系唔明，明明就系好中意钱噶人，居然可以讲得出“讲钱就无意思”哩几个字。

    有时候，粉丝同我倾几句，然后话叫我送写真，我话写真要俾钱先得，就会话：“如果要俾钱就变味”。

    其实大家有无认真咁思考过，点解我地日日都为钱而出卖自己噶劳动力，每日都追求钱，但系又一直认为，要俾钱噶野都系虚情假意噶，唔需要俾钱噶野就系真情实感噶？

    因为大家都无认清“钱”系乜。

    钱，就系一货币方式存在噶劳动成果，简单啲，钱就系劳动成果。我解释一下“交易”同“友谊”噶意义。

    你耕田，种啲米出黎，米就系你噶劳动成果。你俾啲米你朋友，换棵菜，唔等于哩段友谊就系虚情假意，反而系大家尊重对方，所以公平交易。

    好多人同我倾，倾啊倾，一讲到买写真要俾钱，就会觉得：“原来你系为咗要我买写真先同我做朋友噶。。”如果你要饿死，作为普通朋友，我可以请你食饭，如果你感情好迷茫，我可以同你倾多几句，但系买写真就真系要俾钱啊。

    如果你觉得大家系朋友，咁我问番你，普通朋友之间互相尊重系唔系好基本噶呢？如果做唔到互相尊重，你就下下用“朋友”两个字去索取，朋条毛咩。写真系我噶劳动成果，钱系你噶劳动成果，就算系两个陌生人，交换劳动成果都要公平，更何况系朋友之间。你同你朋友交换劳动成果，就系为咗人地俾劳动成果你，你就唔使俾劳动成果人，你咁同我交朋友，我宁愿少个朋友多个陌生人算啦。

    除咗买写真，如果要我教你解决某些问题，我都会收钱，“方法”都系我噶劳动成果，而且我系唔会存在“朋友价”哩样野噶，朋友价本来就系好搞笑噶，我当你系朋友，我就收少啲；你当我系朋友，你系唔系要俾多啲呢？搞来搞去，不如按原价。

    两个人的友谊，根本不是通过交换劳动成果的时候谁占谁的便宜而体现的，而是通过交易的时候，两个人是否做到不需要防备。一对真正的好朋友，做生意噶优势就系，交易噶时候可以唔惊比对方搵笨，只要唔需要提防对方，其实已经可以节省好多开支。

    例如：

    两个黑社会大佬，一个出白粉一个出钻石，搵个场，大家带齐人马先可以交易噶，啲兄弟出黎行行企企煲支烟都要車马费啦。如果系好朋友就唔同，两条友求其去边个屋企交易就搞掂，咁就乜鬼也朋友价都响番度啦。

    所以，如果你话你想同我做朋友，你买唔买写真，玩唔玩付费答问题都无所谓，但系你涉及到劳动成果交易，你讲得出“朋友”两个字噶，就唔好提防我，如果你又话当我系朋友，又叫我唔好收钱，又话信唔过我，我就真系好唔明白哩个“朋友”仲有乜实质意义。

    有时会听到哩句话：“我好想买你噶写真，不过我怕买你写真之后，会影响我地噶关系”。

    大佬啊，你耕田，用啲米同隔离乡里换棵菜，会唔会影响你地噶关系啊？我觉得关系会越来越好咯。你唔俾钱，就系真友谊，你俾钱，我就系为咗钱，咁哩个世界无人系真感情啦。你问你阿妈摞钱，你唔系真心做你阿妈个仔，你系为钱。你揾钱俾你女朋友，你女朋友唔爱你噶，系为咗钱。

    朋友哩个话题可以讲好多好多，不过如果将“朋友”同“钱”扯上关系，我地可以咁理解：

    人类发明“钱”哩样野，就系想大家交换劳动成果噶时候方便；人类社会衍生“朋友”哩样野，就系想大家交换劳动成果噶时候更安全，而唔系边个搵边个着数。哩个米就系“朋友”响“钱”里面噶实质意义咯。

    如果朋友之间，一定要有一方去优惠另一方先叫朋友，咁哩段友谊先至真系变味。

    不过在实际交易中，很难用到这套理论，因为交易的时候，谁都没把谁当朋友。

 http://s8/mw690/7199a862gx6D1HAbdr107&690写真封面，用来放在页脚做装饰吧，如果你对我的写真有兴趣，就点击这里啦 ↓

 http://blog.sina.com.cn/s/blog_7199a8620101g1q7.html