微博地址  http://weibo.com/1905895522/A1un7amKV

    唔知各位男士会唔会有哩种感觉，倾家荡产，终于娶到个老婆，不过之后噶日子，你发现你娶番黎噶唔系老婆，而系债主，你要不断咁揾钱去供哩个“家”，无浪漫、无恩爱。

    你唔明，点解人地娶老婆用少少钱，生活有滋有味；你娶老婆倾家荡产，之后仲要好似欠咗你老婆咁。都唔明当初为乜要沟姖。

    讲啱晒，你的确系沟错女。不过你沟错女唔系你一个人造成噶，而系从你出生之前，哩个沉重噶结果已经开始积累。

    点解你会沟错女？因为你高估咗你自己咯。

    相信出世之前，你爸爸妈妈就要俾你最好噶，产科医院要去间高级噶；读幼儿园，就要读一间好噶；读小学就要读重点；顺利考上重点初中，再逼一逼你，上埋重点高中；之后唔使讲，肯定要你考本科啦，你明明系差少少噶，不过你爸爸妈妈唔甘心你以后做大专仔，宁愿使一笔钱都要买分供你读本科。

    到哩一刻，其实你爸爸妈妈做噶一切，都无问题，问题在于，你知唔知自己咩料。

    你读本科，就真系觉得自己系本科生，毕业前响学校沟女，你沟一个读本科噶女朋友，你觉得大家都咁高咁大，沟师妹，完全无问题。其实你真系低人一班，只系你一直都无意识到。当姖一毕业之后，姖就会发现，原来外面噶世界有好多好过你噶男人都想沟姖。姖会发现，越有社会经验噶男人越有魅力，有好多经历过摧残噶男人，有少少冷酷不过内心正直，而你哩个学校认识噶男朋友，表面正人君子，但系总系觉得唔知咩时候你会变得卑鄙。之后你俾女飞，恭喜你，痛苦结束，孤独一小段日子之后，希望你会搵到一个你配得起噶女人。

    你稍微有少少自知自明，业后之后你先开始沟女。顺利成章咁，你都系沟番你“附近”噶人，就系你生活圈子可以接触噶人，例如同学，同事，某啲聚会认识噶人。你觉得自己系本科毕业生，所以沟番个大专或本科学历噶女人绝对无问题。

    不管男女，每个人都会自视过高噶，男人本科毕业，觉得的自己老婆同你一样学历，入得厨房出得厅堂大方得体，好正常。女人大专毕业，有一技之长，经济独立，唔样衰，就会觉得要搵到一个可以提升现有生活条件噶男人做老公先叫正常噶，搵个大家一样资质噶男人，好泄底。

   如果你父母或者你噶自我感觉系90分，你噶伴侣只会俾你80分，如果你觉得你伴侣有80分噶话，你噶伴侣就会觉得自己有90分。同等社会级别噶人结婚，一定会觉得自己比对方高级，觉得“我同你结婚系你噶幸运”。

    你沟女，沟到女，唔代表咩咖，你只系暂时可以同哩个女人建立情侣关系，唔等于你配得起，但系好多男人唔明，觉得，我已经沟到你，你咁好，我打死都唔放手啦。之后你会一直因为自己沟到条级别较高噶女朋友得到优越感，人地都会羡慕你，你就更加唔可以离开哩种优越感。

    直到结婚之后，你为左满足哩个高级别噶女人，你就要努力揾钱啦，但系你又唔系好有本事噶男人，就要牺牲浪漫去揾钱咯。慢慢你就会走进哩个境况。。。。。。你挂住揾钱，唔得闲同你老婆谈情，你老婆觉得你对姖唔好，变成债主咁噶面口。

    你老婆似债主。。。因为你沟错女。。。因为你以为自己配得起。。。

    不过哩个结局基本上系死局，唔单只无得解决甚至系无得避免。

    你沟咗条好女，肯定唔会因为姖太高级而放弃噶，反而会因为姖高级而抓得更实。每个男人都希望搵到一个可以展现自己社会级别噶另一本。

    名词解释：对于一个人的 轮廓描述 泛指 - - - - - 样貌、身材、学历、道德记录、品味、兴趣、生活环境、家庭环境、职业、知识面、个人修养，的评价。 - - - - -

    一个人噶学历、社会背景、社会级别都只系“轮廓描述”，恋爱过程好唔好，都唔系话你沟到条女高分就会爱得好，你沟条名媛又好，你沟只猪乸又好，两个人噶过得好唔好，都系从零开始计分。唔好以为沟条高分女就等住享受高分爱情。

    作为男人，你要清楚一样嘢，你老婆系唔可以帮你提升生活级别噶，反而你仲要牺牲更多噶生活资源去供养你噶“爱情”，你沟到条女无论几高分，只会影响你噶恋爱过程，唔会因为你条女高分你就变得高级，反而你俾女飞之后认识到自己有乜不足就真系可以帮自己加分。

    男人沟女，唔好咁贪心，因为女人多一个优点就多一样烧钱，你要知道，姖每一个优点都唔系属于你噶，而系属于姖自己噶，姖用哩啲优点吸引到你，同样会吸引到其他男人。如果你钟意靓女噶，咁就唔好沟个波大噶；如果你钟意波大噶，就唔好沟个学历高噶；如果你钟意学历高噶，就唔好沟个脾气好噶；你钟意脾气好噶，就唔好沟个识揾钱噶。。。。

    不过大家又唔需要咁灰心，你希望个女人有好多优点，不过又唔会变成风险，都唔系无办法噶。如果姖系同你一齐之后，你令姖变得靓女、波大、有学识、脾气好、识揾钱，咁哩啲优点变成风险噶可能性就会少好多。但有哩种能力噶男人真系好少呢。

     作为男人，如果你觉得自己真系一个有90分噶男人，就唔好沟一个90分噶女人，你沟一个60分噶女人，然后姖同你一齐之后，慢慢提升到80分，咁先叫有本事。每次见到有人话结婚用咗好多钱，点惨点惨，我都会好鄙视哩个男人噶。无人叫你沟个咁矜贵噶女人，你沟个乡下婆，绝对轻松啦。

    读名牌大学毕业搵到分好工，讲明你无辜负到间学校。读间垃圾学校都可以出人头地，咁先真正叫做有本事。

    倾家荡产买个花樽返嚟，只系叫做你够豪；买件缸瓦返嚟令佢具有陶瓷嘅价值，叫做有本事。

    讲完男人，讲几句女人先。

    你系唔系觉得，结婚前，佢对你好好，结婚之后，佢就对你好冷淡，其实男人系唔系得到之后就会唔珍惜。

    啱一半啦。

    男人得到之后，系会有一种“试用期通过”噶懒散，不过系得到之后，而唔系结婚之后。

    要睇清一个男人有几衰，好容易。同居，半年内，记住，唔系要半年，而系半年内，你绝对可以睇清晒哩个男人。通常同居一个月就可以知道哩个男人系一个咩人，就算系天下最会隐藏噶男人，同居半年已经系隐藏极限。

    如果你同一个男人同居半年，都觉得佢过得去，就嫁啦。如果你话结婚之后佢就变得唔爱你，其实跟结婚无关，不如你试下留意一下，自己系唔系变到对两个人噶关系爱理不理咁呢？又或者系，你结婚前已经知道佢噶缺点，你希望佢会改，但系佢无改，所以你就用一啲好消极噶方法去逼佢呢？或者你地根本就无了解就结婚咯。

    两公婆结婚几年真系会无激情噶，不过无激情同对你衰系两回事，无激情系必经阶段，对你衰系因为本性尽露。

    记住啊，女人系无可能改变一个男人噶，就算只系要个男人抹干净支脚先上床你都改变唔到，女人用一生去改变一个男人，最后只系改变左自己。男人噶改变，系佢自己改变自己，从来唔会俾个女人改变。你对佢有乜唔满意，请人打佢一餐效果更佳。

    教多女人们一招。

    初相识，个男人对你非常好，好到视你为生命噶全部。哩种男人要小心，因为佢初相识就用最好噶嘢对你，之后佢一定要有收获噶，或者佢噶爱系烧得旺冷得快，之后就要你苦苦经营。而且哩种男人会附带一个天赋叫做“我得唔到噶嘢都唔会俾人得到”。哩种男人会点对你，唔使我多讲啦。

    初相识，对你平平淡淡，关系越稳固，对你就越好，哩种男人就要得过。

 
如果想睇其她“性知识恶补小学堂”文章，就点击↓
http://blog.sina.com.cn/s/blog_7199a8620101c66t.html