微博地址 http://weibo.com/1905895522/zf1uiyuXR

    应该叫你前夫可能正确D。我睇完你写噶哩篇《男人噶自白书-我想同你离婚》http://weibo.com/1905895522/zeArrvLnc，真系超搞笑，我居然响网上见到你篇嘢。

    哩个世界真系奇妙，平时我地都无乜两句，离婚之后更加无野讲。我无念到你居然会睇哩个人女噶嘢，无念到我地居然仲有机会长篇大论咁倾心事，相信哩个已经系我地唯一噶共同兴趣。

    你求神保佑哩篇嘢唔好火起，求神保佑你D朋友无机会睇到我哩篇嘢，否则，你一定会为你噶毒舌而羞愧。

    我开始讲啦。

    当初我嫁给你，只有21岁，真系几傻，其实当时有几个条件俾你好噶男人追紧我，你都知，当时你好似只死狗咁，我居然鼓励你继续沟我，哩种情况下，你沟到我噶难度系初级，所以你沟到我唔好以为系你本事，只系你好彩。当时我仲青春无知，睇得青春偶像剧多，上脑，觉得爱情真系好万能，就跟左你。

    同期追我噶男人，距已经有楼抓响手，其实距唔差噶，不过我钟意玩反叛，就系钟意同屋企人顶，屋企人话好我就话唔好，就跟你咯，念番转头，系你条友仔搵我笨。如果你问我有无爱过你，傻啦，如果我唔爱你，我点会跟你啊？我点会俾你上我张床啊？无办法啦，青春无敌，恋爱大过天，贞操都俾埋你。

    你屋都无，就话要娶我，好彩我屋企够大，多你一个唔多，响我屋企住足4年，一分钱都唔使俾，真系食我噶住我噶，你话要我同你生仔，我先叫你买楼，对你都仁至义尽拉呱？

    你刚刚大学本科毕业，一个月搵4000蚊，收入都无问题噶，跟你10年，你工资先得8000蚊。你有好多次升职机会，但系你每次考核都唔及格呢，都唔知你大学4年学乜春噶。不过都好彩，你公司考核唔及格唔会减人工噶，仲每一年都根据工龄加人工。加左10年，你终于有八千几蚊。其实我都应该满足啦，广州市，几多人月入都唔过5000，你都算白领系中产加小资。

    当然啦，你今时今日咁寒酸，都怨我老豆衰咯，每年加得果几百蚊工资过你，如果我老豆肯加你工资加到一万，咁你就月入过万咯。

    我觉得你分人好无上进心，成个细路仔咁，觉得一个月有几千蚊就可以过日神，剩系识得玩，以为乜都唔理就叫潇洒，觉得人地努力搵钱就系满身铜臭，自己阔佬懒理就叫不食人间烟火，你以为你系张无忌啊？系啊，我当初同你行状元坊系几开心噶，不过人会成长噶，如果你大把钱，然后同我行状元坊缅怀初恋滋味，我当然钟意啦，弊在你系无钱所以只可以同我去状元坊呢，我点开心得起啊？不如叫我老窦每个月俾番4000蚊工资你，等你缅怀番刚毕业果种新鲜感啦，好唔好？

    我点解要逼你买楼？你知唔知当初我嫁俾你，我同屋企人搞到几僵，我老豆老母唔想你自卑，先无俾面色你睇，不过就俾面色我睇咯。我就系唔想我个仔以后会好似你咁，沟女，连屋都无，要我个未来媳妇受屋企人气。我几希望我可以生个女，乜都唔使念，可惜啊，偏偏就系合晒你心意，生左个仔，你父亲知道自己有个男孙，开心到啊，但系我就唔知道要点先可以等距出人头地咯。

    我当然希望个仔可以读间好D噶幼儿园啦，靠你？距以后点沟女啊？虽然话时代不断变迁，以后都未必要有层楼人地先肯嫁，不过有一样嘢系永远都唔会变噶，就系男人如果无本事，条女素质就无保障。除非你个仔同你一样咁好彩，咁啱搵到个好女仔，咁啱个女仔又反叛期，咁啱姖又蠢到俾我个仔生米煮成熟饭，咁啱个女仔又好单纯咁相信爱情咯。将心比心，我都系女人，我都唔想个仔搵我未来媳妇笨，我都想婆媳关系相处融洽。距老豆有本事就话靠老豆，老窦无本事，距只可以靠自己咯，唔读好学校，你当我孟母啊？我点教得掂啊？

    我老窦带你同D朋友食饭，念住可以带协你，唉~~你就乱鬼咁讲野，又话D老板点搵人笨。。系咯，你买楼首期用左60万，最衰我老窦啦，住房公积金俾得果30万你咁少，如果比够100万，咁大家都唔使烦啦。

    你觉得同我老窦打工无前途，你可以炒我老窦啊，其实你以为我唔知你未试过转工咩，不过人地话一个月只可以俾你两千几蚊，而且人地D员工做野搏命过你，你想升职都几难，你就唔肯啦，嫌钱少啦。男人要能屈能伸，你呢，屈又唔屈得，伸又唔伸得。依家你米几好咯，做玩具设计，你系你班同级别噶同事里面工资最高果个，人上人，打工皇帝咯。

    你可以话我唔知足，你如果知足噶，你为乜唔番乡下耕田啊？返乡下，一个月1000蚊就够生活啦。你一个月搵蚊2000蚊，衣锦还乡添啦。但系你呢，厕所塞左都唔肯自己通，嫌肉酸，要叫人通，食嘢嫌三嫌四，中午果餐去大家乐都话cheap，加班从来唔肯熬夜，如果熬一次夜就要放两日假，话要去散心充电，你好意思话你个肚腩系过劳肥？肚满肠肥就真！其实你米一样唔挨得苦，如果要你过果种一个月得3000蚊收入仲要养老婆噶生活，你过得到先算啦。

    你唱歌好听，又搞笑，不过你就好沉迷，以为自己可以做歌星，同普通人比较，你系唔错，不过你有种就去参加比赛啦，同专业比，你无得比。我就系唔想你一直都觉得自己唱歌好听，识搞笑就以为可以有幸福，你事业有成，唱歌好听，识搞笑就话好有趣，你乜都唔得，只可以话你噶优点系好过无。你识设计玩具，系你噶专业，以前我觉得你叻系因为我唔知道我老窦手下咁多叻人，你公司，我老窦求其四五千蚊请个大专生都叻过你。

    我讲讲我为咩唔肯俾你插。哩度我同你讲一声对唔住先，因为我真系发现自己性方面好冷淡，自从生左个仔，我就变到无性欲，而且脾气都变差左。我生仔噶时候要开刀，之后唔知点解，你一插我就痛，我都唔想。我拒绝性，唔等于我拒绝你整个人。而且你噶前戏好公式化，我同你一样，唔系机械人，我有心情，你就可以基本动作完全程，我无心情，唔该你令我有心情再搞啦。

    你噶前戏同你噶职业技能一样，哩十年都无进步。希望你明白，正常情况下，你可以在3分钟内获得噶满足，我需要10分钟，如果无心情就更不堪。我凑仔其实都几疲劳，如果你可以俾多D时间帮我分担家务，少D打机睇电影，我可能会有精力同你做爱。可惜，我做家务凑仔，你就睇A片，我点有欲望俾你搞？你打飞机我都觉得你恶心。

    我每日都希望你会打电话同我讲：“老婆，今晚我买送煮饭，你休息一下啦”。我想你主动做家务，我希望你会觉得我做家务辛苦，你会知道其实你都有义务做家务，可惜，你一直都未试过。你要我开声，我又希望你会开声，算咯，大家都觉得自己无错，各执一词，意见不合，法庭见咯。

    你话你同事幸福啊？我仲觉得距老婆幸福添。你知唔知距老婆系咩人啊？距老婆小学都未毕业，而且个样你都有眼睇啦，凤姐咁咖，又无文化，大字都唔识多只，成口乡下话，皮肤砂纸咁粗，身材牛咁壮，耙牙唔齐，讲野九唔搭八，成面都系污迹，沟通困难，不过人地个老公就买靓衫俾姖着，教姖点保养D皮肤，买靓靓文胸等姖身材变索，姖老婆越变越靓，距老公一个月搵四千蚊，每个月俾一千蚊老婆寄返乡下，姖老公陪姖行状元坊姖梗系开心啦。

    你当初沟我，我都几靓女，娇滴滴，你以为女人天生就咁靓啊？我屋企有钱等我唔使熬我先有得咁靓女。如果我都咁困难，而你又靠自己搵到四千蚊个月，带我适应大城市又照顾我个贫困老母，我都会当你神咁拜。当初仲笑人地个老婆丑，依家就羡慕人地个老婆好。人地老公食得咸鱼抵的渴，老婆猪乸变索货，你呢？如果我好似你同事个老婆咁丑，你会沟我？你望都唔会望多我一眼啦。

    人地老婆脱胎换骨，我系堕入红尘啊。。。

    你以为我睇唔穿你个低能大脑念乜啊？

又要老婆靓，又要礼金便，
自己有性病，要条女干净，
想叼贵价閪，又无钱叫鸡，
碌嘢臭到呕，想人摆落口，

搞前似只狗，射完嫌人丑。

    哩个如意算盘个个男人都识打，打唔响米濑条女唔体谅咯。。。。

    你要离婚，咁就离婚啦。其实我已经同个仔做过基因鉴定，好不幸，鉴定结果居然系你亲生仔，唉，我真系好希望鉴定到唔系你亲生，因为一直对我有意思果个XXX又系刚刚同老婆离婚，而距个女基因鉴定发现……算啦，人地噶嘢我唔想讲太多。

    多谢你一直都咁热情响床上服侍我，如果撇除一切现实压迫同岁月催人老噶因素，单纯在床上，如果你系我第一次认识噶炮友，我觉得你都算系过得去，可惜你玩左10年都毫无新意呢。我只可以咁评价你：生活上你不是一个好丈夫，床上你也不是一个好炮友。

    同我姥爷奶奶讲，虽然我唔肯同你地同住，不过我都钟意几中意你地，问心，你地供完个仔读大学真系唔简单。无论我个仔以后跟边个，你个孙永远系你个孙，只要你地觉得闷，我都会开车带个孙去你屋企陪你地。我可以煮饭俾你两老食，不过我手艺无你个仔咁好，只系识得煮云南小瓜炒肉片，番茄鸡蛋汤，希望唔好介意。

    你话我嫁俾你系希望得到物质保障？你米笑死我啦，边个保障边个啊？我知道两公婆讲钱伤感情，不过你都同我离婚，仲有乜感情伤到你啊，你同我离婚之后，记得打好你份工，年尾考核快到了。

    妖姬葵的话：

    此文章非妖姬葵本人所写，但我很同意作者的观点，所以把她的文章稍作修改之后贴出来。

  如果对文章有任何疑问，可以加我QQ提问。不过你要自己想办法找到我的QQ，基本上，你在我的博客看几篇文章点几个链接就能找到.现在提供两个连接，任意一个都可以找到我的QQ，自己选择啦。

想找我的QQ就点击这里吧...看完文章就找到啦

 我的QQ就在这里，点击进去看我的文章吧…