哩篇文章，我写比你睇，写埋俾你D男同学睇。

    你只系细我三个月，你读书多过我，你大学就快毕业，学校知识噶嘢，你一定会叻过我好多，不过社会经验，我真系你噶前辈。

    我知道你好想出人头地，我知道你觉得自己好有理想，我知道你刚刚失恋。

    大学生，通常系有一份可以满足个人生活噶工作，唔会好出色，不过D知识又俾人用得着咁，哩个就系“大学”可以俾到你噶嘢，其它噶，同“大学”毫无关系。

    唔知点解，每一个毕业噶大学生，总会有两种极端，一种就系好自卑，觉得咩都唔敢，求其有份稳定收入噶工作就算；另一种就系觉得自己好叻，一定会有一番作为，你系后者。

    我承认，你真系好叻，同好多读完大学噶后生仔一样，知识方面真系高人一等，你同我讲统计学，我完全望尘莫及。不过个世界唔系话你叻，D蠢过你噶人就会听你话，你会做原子弹，人地可能只会安排你去拧螺丝，仲笑你拧得慢。我打个低俗少少噶比喻，我可以系别人眼中噶性感女神，但系如果遇到强奸犯，个强奸犯唔会因为我系性感女神就对我温柔D，奸完可能仲会对住我柯尿。所以，你叻，人地反而更有冲动踩多你几脚。

    你话个社会好丑陋，个个人都好现实。我16岁就接触个社会，一开始都觉得系丑陋，不过今时今日，我反而觉得好有趣。人地衰，你就可以做好人，大家就会中意你，你做好人先会值钱，当你有足够强大，你就可以做一个真正噶大好人，到时候，你会希望个世界多D衰人，你终会多谢D衰人俾机会你做好人添。你就当系玩网游打怪咯，如果无D丑陋噶怪俾你打，你就无得升级，同埋，如果个个都系NPC，你仲玩鬼玩马咩。

    你话世界充满欺骗，我反而觉得无所谓，欺骗你一次，你就知道乜系真乜系假，唔好咩？

    你话你发现你身边噶人都戴住假面具，你话你唔中意戴住假面具做人。从来无人强迫你戴假面具，你唔想戴，随时可以唔戴，哩个面具系你自己要戴噶，唔好搞到自己好似好惨咁。不过哩个世界，真系唔需要讲真话。骗子老千厄人钱厄人身体，当然系应该受到惩罚，但系普通情况下噶谎言，一个人唔想讲真话，有两种原因，1~保护自己；2~保护别人。哩个世界噶人分两种，一种系距唔想停D难听噶真话；另一种系无办法承受真话。好多人讲野中意：“有果句讲果句”，你以为咁就叫好真？其实只系想诋毁别人之后帮自己加一个免责声明。人地戴假面具，好可能系希望你对住距噶时候会舒服D。

    如果每一个人都系有果句讲果句，哩个世界就会好似一部跟住程序运行噶电脑咁无聊。

    你毕业啦，你第一份工应该收入可能3000蚊-5000蚊啦（我做11分兼职都无你咁多钱啊！）。

    而你哩一刻唔好再挂住自己读书成绩有几好，你要学习噶就系点适应哩个社会。你工作，你公司噶人一定会为难你，哩个系潜规则，或者系一个历练，锻炼你点建立人际关系。你会承受好多打击，做乜都唔顺心，又无边个人帮你。人磨练会越战越强，所以磨练方面噶嘢就唔多讲，我反而担心你会受唔到诱惑。

    你哩个时候肯定希望做一个孝顺仔，感谢父母，你会俾好多家用。几好，你好乖，好多人都希望自己可以孝顺，因为个个同强调要孝顺，但你哩个年龄噶孝顺，通常只系做俾长辈睇，好难真正咁享受到孝顺噶满足感。

    其实家姐好支持你响工作第一年，家用俾少D，摞D钱去灯红酒绿，认识一班猪朋狗友。你毕业，不过对于社会，你只系一个初哥，你可以自己养自己，无问屋企人要钱已经好叻，回馈父母，再过两年都可以。

    我见过有好多男人，好乖好孝顺，点知乖左十几年，突然间面对好大噶诱惑，（虚荣和性快感方面的诱惑）上左瘾，之后就判若两人，这是很悲哀的，我唔希望我噶堂细佬会咁。

    你要学会点样免疫哩个世界噶诱惑，诱惑唔到你，就好难有人可以欺骗你。你读书噶时候无钱，好多娱乐场所都唔可以去，如果哩个时候有人愿意出钱满足你，并且哩个人有心利用你，你已经衰左，万幸噶系，你已经逃过哩一劫。

    依家你有钱，你有主动权，你去啦，玩到癫都可以，你可以使钱沟女，饮酒，打机，去漫展乱买纪念品，有咩系因为以前无钱所以唔可以做噶，今日你可以在能力范围内尽情去做，就当系帮自己打翻一只预防针，哩D都系你用劳动换取回来的金钱，你有权享受。就算比人厄钱，最多都系激到你发癫，不过唔会对你生活有咩影响。

    之后你会好空虚，之后你会发现过去令到你痴迷噶野今日已经无所谓，你先会知道要上进，哩种境界下噶上进心，比起刚毕业噶时候得道气咁话要上进实际好多。因为你玩过，满足过，挫折过，失落过，你先会只自己系一个咩人，需要咩。你亦都会感觉到孝顺可以带俾你噶满足感。

    你失恋，你话姖钟意钱多过钟意你，因为姖跟左一个比你有钱噶男人。首先你要明白，一个人钟意钱系一件再正常不过噶事，你唔好开口埋口就话人贱，否则哩个“贱”字最后只会烙在你身上。而且据我所知，姖并唔系为左钱去傍大款或者攀富二代，姖只系跟左一个比你大三年有稳定收入噶男人。至于姖同距系唔系真心相爱我就无办法验证啦。

    你话你爱姖，细佬啊，每个人都会爱上另一个人，唔好以为哩个世界只有你先会去爱，既然个个都会爱，咁你觉得你噶爱仲有咩优势呢？如果你爱姖，你就要想办法令到姖都爱你，如果无办法或者唔努力，自己一个人自己玩感性，咁你噶爱只不过系一种自私噶意淫。

    你好有前途，有理想，有上进心，绝对系潜力股。哩D嘢对于你自己黎讲绝对系财富，但系对于其她人，真系毫无意义噶。有理想，边个无理想呢？乞丐都有理想啦。你有上进心，你就用哩份上进心去努力打造你自己，不过如果你用“上进心”作为沟女噶筹码，真系会笑大人个口嘎。你系潜力股，家姐都承认你系，我相信姖都知道你系，你话姖目光短浅，其实人地目光长远就真。你系潜力股，人地就同你一起，姖又点保证你变成一只实力股之后，仲会唔会依然咁爱姖呢？但此时此刻，有个实力股真系好爱姖，如果你系姖，你点选择呢？

    嗯嗯~系啊，最后噶最后，姖无选择你噶原因都系因为钱。你希望一个女人唔中意钱，或者唔会将钱作为择偶噶重要因素，咁才华呢？样貌呢？你又有几多啊？我作为一个女人去观察你，你只系一个小气大男人噶醋坛子，你最后可以拿得出来噶就系一句：“我好爱你！”其实姖咁靓女，好爱距噶人大把啦。

    欲望太高能力太低，理想太多功能太少。哩个系失败者噶通病，并且系一个痛症。

    沟女，我见过无数个成功案例，我身边噶姊妹一个一个咁搵到男朋友，根据我经验总结，沟女真系好简单，无非就系三步。当然唔系靠钱，一只猩猩就算有钱都沟唔到女噶。

    成功咁沟女，唔同时期需要噶系三样野：

    1 刚接触噶时候，你要俾到姖优越感。就系姖觉得你俾其他人出色，有钱可以洗一种优越感，大方、幽默感、靓仔、会弹琴、好打、有正义感、有爱心、果断、等等等等，总之就系你俾其他人叻就得，如果样样你都唔叻，可以献殷勤，姖都会觉得有优越感。

    2 姖俾你吸引到，你就要追求，哩个过程需要刺激与浪漫。同你一齐，可以玩到一D平时无办法玩到噶嘢，做爱可以系其中一项，不过去旅游、高级餐厅食饭、接送上班、送礼物、甜言蜜语等等等，你花心思去创造开心幸噶福事件更加重要。

    3 关系稳定之后，姖需要噶系安全感。姖会开始为你着想，怕你乱花钱，怕你辛苦，你就可以开始发挥你噶上进心，俾距见到你发愤图强噶一面，努力工作，有稳定收入，然后制定一个比较经济噶相处方式，去边度食饭、几时去拍拖，俾距知道你噶实际情况，一齐面对同享受。（如果你大把钱，纯想玩女人无打算一生一世，这一步可以省略）

    就系咁简单，高帅富矮丑穷都适用。如果有个男人做到，我又想拍拖噶话，我一样会受沟。

    不过好多人唔愿意按部就班，一沟女就话自己要做孝顺仔要照顾距老母，又话自己几有前途咩咩咩，你有几千万身家人地都无兴趣啦。人地想享受拍拖啊，唔系用自己噶青春与爱去买股票啊！

    最后，如果你已经做到以上我讲噶，你再沟女，你会发现，原来拍拖并唔系好似以前咁，要生要死，破釜沉舟，重色轻友，拍拖系生活最值得享受噶一部分。而你以前，好大程度，拍拖唔想分手，系因为面子。

    你噶前度同左你师兄拍拖，可能系你师兄俾你更早一步做到以上噶事，注意，系做到，唔系知道。

http://s15/mw690/7199a862gccef84a2066e&690

    如果对文章有任何疑问，可以加我QQ提问。不过你要自己想办法找到我的QQ，基本上，你在我的博客看几篇文章点几个链接就能找到.现在提供两个连接，任意一个都可以找到我的QQ，自己选择啦。

（要进入文章的原文才能点下面的链接的）

想找我的QQ就点击这里吧...看完文章就找到啦

 我的QQ就在这里，点击进去看我的文章吧…