■迷人的朱古力 Martini

華洋街坊有酒為歡

從早餐開始吧，首先要幫襯勁玩得英國老闆 Steve的 the Coffee Place，歐陸咖啡，英式鬆餅，朝 7晚 7，雖然這間鬼佬水準茶餐廳只有兩個位，但原來隔籬間 the Place酒吧才是正場， Steve把吧頭拉上黑幕，「無眼睇」就乜都得。其實 5時後在 the Place飲酒一樣大把嘢食，因為歡迎外賣堂食，至於最重要的生啤，也有 Beck、 Hoegaarden、 Stella等，相比旁邊的 the Pier的生啤名冊﹕ Hoegaarden、 Boddington、 Guiness、 Stella和生力生啤，雙劍合璧，熱門生啤齊全，滿足！兩間酒吧為鄰， the Pier老闆是念化學美國留學回來的 Bryant，熱情好客，華人客較多，亦有自家出品美食、特色飲品。其實 the Place和 the Pier都是鬼佬勢力範圍，還有一間酒吧+私房菜，不過遇上傳奇狂廚，街坊話少惹為妙！

靚景美食　平過快餐店

對正大海的「西環碼頭」飯店，招牌避風塘小炒，裝修亦有晒碼頭格局，不過對出有無敵海景伴碟，更靚得要命，何況這兒的小菜甚有水準，鑊氣十足，也算是對佔領了「西環碼頭」有個交代！轉入正街，「食晒——鬼佬小廚」大熱天時開住冷氣可以中門大開，接受海風陽光洗禮，為之驚艷，意式薄餅，攻陷鬼仔鬼妹，還有石板烤肉亦是王牌，菜譜都是歐洲和北非風味，令人想起赤柱風情。士多旁的 Pizza-Q薄餅外賣老闆是「滿街飛」，著名街坊楊先生，「名牌」呢！除了酒肉，最後當然要去去谷祖琳小姐的小甜谷，她年前已經落地生根，令一街熱鬧不少，單單佢嗰啲避世明星死黨，已夠晒魅力，靚仔靚女特別多！這天她又新推了「楊枝甘露套餐」，計計條數，果如陳經理所說，「仲平過快餐店，谷祖琳倒本經營呢！」