http://s4/mw690/001VJbj6ty6SqhEZ1Pt73&690

1.   我哋以前去旅行就要去機場搭飛機去旅行，而家方便啦，我哋要去旅行就去機場。

2.   世界上最強嘅抄股票方程式，升，唔放！跌，唔放！幾時放？唔跌！凶兆！

3.   世界上最厲害嘅降頭，Number降！咩叫Number降？就係一日有人俾個Number你，你對呢個Number除咗知道佢係一個Number，你一無所知，但係你成副身家丟落去。

4.   我細個都話我大個唔同女仔玩咖，人人都經歷呢個階段，大個咪俾女仔玩囉。

5.   買股票點解咁禪吖？因為四大皆空，四隻最大嘅基金都沽空，色即是空，空即是色，識同唔識都沽空。呢個時候，你會發覺唔需要出家都可以叫做“貧僧”。大家應該明白點解香港無端端“佛誕”會變咗做公眾假期，因為喺香港地“貧僧”多過佛教徒。

6.   提醒你自己世界上有一種狀態叫做“負家產”，一種好抽象嘅痛苦狀態。所謂“負家產”嘅意思想就係你要背負著呢幢“冚家產”供佢一世。

7.   保險一個被岐視崇高嘅職業，賣保險係緊一份保障，但係呢一份保障唔係普通嘅保障，係一個對人生無常的保障。基本上賣保險嘅人所講嘅同釋迦牟尼係一模一樣，佢哋係大師嚟咖。下次你哋面對呢啲保險從業員俾返個大師應有嘅尊重俾佢哋“大師，我哋有緣無分。”

8.   所謂嘅潛能，你就真係要潛落去，揾下自己有冇才能，唔潛一定冇，潛都未必有，其實潛能同尋寶係好相似。

9.   呢個世上咩工都有，除咗一份包唔炒嘅工係冇嘅。

10. 甘草演員真正嘅定義就係，佢係一個唔係好介意唔做演員嘅演員

11. 點解《鐵達尼號》咁浪漫？因為喺鐵達尼號呢個大郵輪上面，你係乜野都唔使做嘅除咗談情! 淨係談情唔使揾食，你話幾浪漫! 淨係唔使揾食已經浪漫死啦!

12. 男人係愛情裡面最重要嘅要求就係“新鮮”！而女人對愛情最大嘅要求就係“保鮮”！男人對愛情就要不停地揾一吻新鮮嘅物件，而女人就要不停咁要求同一個物件保持新鮮。

13. 而《鐵達尼號》之所以咁偉大，就係大家都過唔到七十二小時，根本唔俾機會果個男人覺得個女人唔新鮮。浸瓜佢！

14. 如果你唔知人生目的係乜嘢，你嘅愛情過唔到“鐵達尼極限”。

15. 上網嘅最大好處就係你可以同自己發生關係，有別於現實，你上網，做邊個都得，任你縱橫馳騁，所以上網的最高境界唔係Cyber Relationship，係Cyber 自己tionship。 

16. 人生三大矛盾，你明唔明呀？ 搵食啫！犯法呀？ 我想咖？

17. 有時諗下點解呢個世界咁多矛盾呢？ 我諗不外其實因為我地解決唔到一個最大既問題就系，我地唔知自己幾時死呀。 我覺得如果我地知道我地聽日就玩完呢，可能一切問題都唔系問題。

18. 你向呢個人生嗌回水，你覺得人生做乜值咁貴啫？人生有咩最肯定，就係“見票即收”。當然你生存時候想嗌“回水”,但係你知道就嚟玩完，使埋佢。

19. 無論我地將來有幾長，係得一日或者一個世紀，最緊要做人係要積極。

20. 當你生活上有啲迷茫，你唔知點生活，睇下人哋點死，可能對你有啟發。

21. 可以我哋生存嘅時候，大家唔好妄想我哋會變得咁聰明，我哋一日唔死一日都傻傻地，即係可能生存根本註定咗一個“拾下拾下”嘅過程。

22. 人生係好奇妙咖，乜嘢都係角度，你嘅心放係邊一度啫。 如果你嘅人生永遠係咁樣，大你唔覺大，細小小哇攞我命呀！ 你人生永遠唔快樂。 只有調翻轉頭，你嘅人生會快樂好多。係咪？