http://s4/mw690/001VJbj6ty6Qghuaab143&690

1.    十年舐四次嘢，人生有幾多個十年吖

2.    我宜家系比較闊達，同一個錯誤犯佐4次，而家我嘅座右銘係咩呢？輸少當贏,唔系輸咗少少當贏,係輸淨小小都當贏。

3.     總之做人唔好要求太多，唔好要求吃得招積，我但求死得舒適。

4.     我哋人類嘅本性係乜嘢吖？波唔吹爆，唔哎呀！

5.     金融泡沫就係俾你哋啲唔係好夠運嘅人，忽然間覺得自己有運行了，你忽然間覺得自己有運行了，你就舐嘢了。

6.     梵古白金卡，一卡在手，喪禮無憂。

7.     男人就等於苦茶一樣，好難啃但係有益吖嘛。

8.     男人點樣接受自己老婆醜?睇慣咗，唔覺囉。

9.     孔明學得人娶老婆，條女醜到跌落河。

10.  夜半訴心事，何需太高清。三國數英雄，九十JQK。

11.   每個年代都有啲好新既嘢出現，帶來一啲新既好處，同時一啲新既問題。 我地唔可以要啲新既好處唔要啲新既問題。只能夠鼓勵啲新既問題，我覺得，比較有幽默感。

12.   一個黛玉葬花式嘅女人，即係一個女人喺額頭度掛住個牌“內有惡犬。”此犬很敏感，即係明知一個人咁敏感你都夠膽去搞，所以咪咁淒美。

13.    黛玉葬花同機場阿嬸同樣都係名垂千古，佢哋嗰種脆弱，嗰種敏感，都並非我哋呢啲凡夫俗子所能夠明白。

14.    好多女士好多時對一個男士唔滿意，就系因為覺得個男士對佢唔夠呵護備至，唔理佢。 但女士們你知唔知道，好多男士對一啲女士好滿意，就系覺得個女士佢唔理我。

15.    唔結婚冇人理，呢啲叫淒涼。結咗婚冇人理，嗰啲叫做自由。

16.    你問百份之九十九嘅老夫老妻啊，你嘅相處之道系乜嘢？ 都系畀呢個答案畀你。忍呢，忍下忍下好快就過噶喇。乜嘢過咗？人生囉。 咁忍嚟做咩？ 嘿你都唔明，你地未結婚嘅，你放咗工好無聊嘅你人生，我地結咗婚好充實嘅，我地 一放咗工就開始忍佢，放假仲充實，忍埋佢全家。

17.    治亂世，用重典，結錯婚，慘過輸錢。

18.    歷史系無任何教育意義既。

19.    買勞力士嘅人，大部分都唔係靠勞力揾食嘅人士。

20.    勞力士咁好，係因為有當鋪。

21.    我最鐘意睇一個勞力士廣告，你睇到佢嘅表面，你就諗起錶芯（標蔘）。

22.    喺一本二手車書介紹私人飛機，呢本唔係叫二手車書，係叫貧富懸書。

23.    乜嘢叫做天真？真正嘅天真當你相信呢藝人形象，就係嗰個藝人，呢個叫做天真。

24.    呢個係乜嘢年代，你偷睇咗人，你唔同人講聲對唔住，你起碼同人講聲多謝。

25.    一個人寫日記係寫俾自己睇嗰啲叫做日記，但係當一個人寫日記寫俾人哋睇，叫啲叫做傳記。而家你識寫字打字就可以寫傳記，而寫得傳記你就覺得我係一個傳奇。