2月14情人節，喺呢浪漫嘅日子，四千寵愛在一身棟篤教主男神黃子華，與我們共度咗一個愉快歡笑嘅晚上。雖然，聽聞子華上半場離場發生咗啲少少驚嚇情況，但幸好有驚無險。我奉勸各位父母盡量唔好帶小朋友入場，一來會滋擾子華演出，二來子華某些內容唔係咁適合俾小朋友聽。睇香港場時候，香港城市售票網嘅門票上有注明6歲以下恕不接待，但係大麥網售門票就無注明呢點。希望大麥網日後售子華內容地場門票時候會所改善。以下係觀眾互動情節

講到富豪想返到三十年改變嘅時候…… 

子華：“一個人有返三十年嘅說話，好想有好多嘢改變喺咪？當時阿富豪……”（停頓）

子華：“嗰個細蚊仔喺邊？個BB仔。”

（傳嚟一班細孥仔回應）

細孥仔：“呢度！”

子華：“喺邊度？喺呢度。”

細孥仔：“呢度，呢度！”

子華：“OK，上半場OK嘅，下半場有啲嘢係唔聽得咖，其實上半場show都有啲佢都唔聽得咖，你哋自己執生啦。”

子華：“一陣間睇下點樣……”

（傳嚟細孥仔回應，太遠聽唔清）

子華：“係一個細孥仔答我吖？唔好懶醒喔，你係咪坐緊大肶吖，照樣計你飛咯啵。”

(觀眾笑聲掌聲)

子華：“唔係計你飛，希望你唔明我一陣講啲乜嘢，一陣間你媽媽就頭痛了。一陣間先算啦，我哋唔好睇咁長遠，OK?”

（言歸正傳）

 

唱到“黎明請你不要來”的時候

子華：“黎明請你不要來，就讓十二點一到，發生兩重意外，全公司都執曬笠，全廣東冇電到，凈係凈係出糧，冇有異常……”

（全場掌聲叫encore）

子華:“呢樣係好重要嘅條件呢嘅。”

（全場encore聲不斷）

子華:“喂，阿強冇嚟咖。OK,我就記得佢嗰四句啫”

子華:“第二……”

（全場encore聲不斷）

女觀眾：“我哋嗌encore吖嘛”（聽得唔係咁清楚，我估大概意思係咁）

（又再次哄笑）

子華:“咁又係，你又有人權嘅，我有我唔encore，你有你嗌encore係無錯嘅。你繼續嗌……”

（有部分觀眾叫encore）

子華:“你哋一路去廁所都可以一路嗌咖。encore！冇所謂咖呢度。佛山嘅人容忍力好高咖，你隔離嗰個唔知做咩啫？做乜嗌encore?入嚟小便都咁興奮。”

（言歸正傳）

阿爺買偉哥

子華：“係囉，你唔使吃偉哥你攞啲嘢返嚟做乜嘢吖？”

觀眾s：“俾你吖！”

子華：“場場都有咁嘅頑皮嘅人。『攞返嚟做咩吖？』『俾你吖。』我發覺呢一場特別奇怪，我明明聽到得一兩個人喺度嗌『俾你吖』跟住好多人聽到加入『俾你吖！』似乎好興奮。即係下次繼隊除褲啦回水，仲有偉哥！俾你！我真係要回水了”

（言歸正傳）

 

子華唔嚟江門做show嘅原因

子華：“一個人飲咗一罐可樂，準確啲佢係連埋個罐飲埋。我再準確啲，佢唔係用個口，佢係用咗廣東離呢度唔係好遠嘅一個旅遊名勝飲咗”

子華：“有冇人由嗰度嚟咖？”

觀眾s：“有！”

子華：“都幾好笑吖，江門人，我都覺得係有少少尷尬。所以我唔夠膽去江門做show，因為嗰度太享受了。我哋香港以前有個廣告專係去江門旅行，『直入江門玩足七日。』唔係我作出嚟咖啦，係真。我細細個都覺個廣告拍得好大膽啫。”

子華：“講返嗰個朋友嘅X光片，佢用肛門飲咗……對唔住了，呢啲小朋友你解釋俾佢聽了。個小朋友返屋企又喺度用個肛門飲嘢，你真係敢膽帶小朋友嚟睇我，真係~膽大包天，呢啲笑膽包天。你哋返去同佢解釋，返到去『媽媽，人哋都係咁飲』”

 （言歸正傳）

 

講到工作嘅熱情 

子華：“如果點解你工作唔夠熱情應該點樣？”

觀眾甲：“殺咗阿爸。”

子華：“殺咗阿爸喔，咁講吖嘛。”

子華：“你係咪同阿世伯一齊嚟咖？”

子華：“我希望嗰個BB仔唔知我講緊咩啦嚇，呢啲三四歲學嘢學得最快。”

子華：“爸爸，我唔係好夠熱情，你自行了斷啦。唔係咁嘅意思，OK。而係世伯邊度走，你就做邊行。”

（言歸正傳）

講到生仔放假 

子華：“生仔，有冇假放？”

觀眾s：“有”

子華：“放幾耐？”

觀眾s：“三個月。”

子華：“三個月。”

觀眾s：“98日……一年……半年……”

子華：“你係咪玩我吖，三個月，然後嗰個98日，你呢個月平均幾多日吖？平均有32日半咁樣吖？” 

觀眾甲：“開刀加多十五日。”

子華：“開刀又加多十五日，我又學嚇嘢哦”

子華：“一般就三個月，一般就98日，開刀又加多十五日，咪變咗一百零幾日囉。幾歹都開刀啦，係哇。”

子華：“但開咗一半，佢自己生咗出嚟，又減返七日嘅啦喔”

子華：“大家揀唔揀開刀呢？三個幾月。咪止，你自己覺得夠唔夠先”

觀眾s：“唔夠！”

子華：“唔夠係嘛，開多次刀囉。”

子華：“喂，開多刀都係百零日大家覺得唔夠。我喺香港，香港都係三個月度啦，冇分開刀與唔開刀，行行下街跌咗出嚟都係咁多，香港好似冇呢樣嘢。”

子華：“我去加拿大，加拿大佢話我聽，生仔點？幾耐？”

觀眾s：“一年。”

子華：“一年，生仔放一年。我記起我外婆有十個仔女，如果我外婆去到加拿大，然後揾份工，返完第一日工，十年後見了。”

（全場爆笑）

子華：“啊！真係吖，你係咪即刻想去加拿大咧？我去到加拿大仲要開刀添吖。哇~真係放假唔知放到幾時。”

子華：“好了，返翻嚟現實。（子華笑場了）佢都係得一百零幾日啫，喺咪。但永遠都覺得唔咁夠。”

省略……

 

想同子華生仔嘅女粉絲

子華：“邊一隻真身同女士們相處咖？舊年，係邊個吖？”

觀眾s：“黃子華！”

子華：“我得短暫相處過過係OK，一長啲呢咧，你又想生仔咖啦。好快又生一堆。”

女觀眾：“我同你生吖！”

（全場起哄~）

子華：“我想同我生吖，我第一次聽到。喂，照一照佢。”

（全場嘩然）

子華：“係邊個？邊個，你企起身俾大家睇嚇”

(一個坐東區VIP前排女觀眾企起身)

子華：“襯唔襯吖？覺得幾襯，多謝你。我覺得你同我咁上下樣直程，多謝你吖。”

子華：“呢啲咪講夫妻父子咩都一個相，依家加多一個樣，黃子華咁嘅樣”

子華：“響度個老婆，同我戴緊假發咁囉，我仔又係，鏟青嗰個頭就係我個仔。”

子華：“死了，講緊咩呢？……”

（觀眾s提水，言歸正傳）

 

臺山話旺財唱歌

子華：“第二呢，襯我仲有把聲添，我想唱首英文嘅傷心嘅情歌，”

觀眾s:“好！”（全場鼓掌）

子華：“可以嗎？”

觀眾s:“可以！”

子華：“來囉，麻煩。”

（子華一攞起吉他，觀眾又再次起哄）

觀眾甲：“用臺山話唱吖”

子華：“呢啲人類真係麻煩啦，我都唔知呢啲係咪臺山話，又屈我。我都話明英文嘅情歌囉，點樣臺山嘅英文吖？大佬！”

觀眾s:“哈哈……”

（省略……）