“每晚我都一做完就走，今晚尾場啦，我講多幾句先走，好冇？係有啲感觸嘅。各位，我由90年開始做棟篤笑，我都係開show，97年回歸有做，跟住金融風景。到沙士嗰次，全場得一個人冇戴口罩我照做，嗰個人就係我，你話幾等錢使呢？全場掩住口咁笑，我有我自己講咁樣。跟住又有金融風暴，跟住又做做下打風落雨，冇得做，但係呢到一次，佔中！又有我份。我好坦白同大家講由第一日睇住電視睇佔中，我即刻諗到：嗯，我呢次應該做唔成咖啦。如果件事爆發得好大嘅時候，好難講。然後我可以話俾大家聽，我每晚預咗聽晚係冇得做，呢個唔係好得意嘅事，因為每晚都有啲事發生，每晚件事發生大都令我冇得做。我好簡單講個原因我就做唔到，如果有一晚有一只雞蛋碎咗，我就冇得做，我相信大家都冇興趣聽，我亦都冇心情做，所以能夠經過咁多晚做完，其實呢件事都發生咗十幾廿日，我覺得咩嘢促使今時今日仲做緊呢？可以做埋今晚，其實香港人係好愛香港。呢度咁亂嘅事發生咁多日，都冇碎過一粒雞蛋係好唔容易咖。我又舉個例一個BB仔，一邊扯住佢嘅手，一邊扯住佢嘅腳，大家都錫呢個BB仔，咁而家扯咗廿晚冇扯“瓜”佢，點解？因為大家都錫住佢，只要一方大力扯……一粒碎咗，後果好嚴重。
所以今晚最後一場提醒返大家，由愛開始呢個運動，無論政府或者市民，希望大家更加諗下呢個除咗單扯之外，如果一邊扯得好實唔放，另一邊我都好愛佢於是扯實啲就扯“瓜”佢了，所以要諗下跟住點樣“扯”呢？，嗰個愛係真正嘅考驗。希望大家有智慧，多謝大家！”
個人感言：
喺一場“遮打革命”風雨中，黃子華十一場棟篤笑《唔黐線唔正常》喺噚晚喺香港紅館終於完美落幕。
喺香港呢場風雨中，每晚子華做show都感慨萬千，發生咁嘅事仲繼續做，心情的確唔係咁好受。喺10號晚佢好感慨講咗一句說話：“可能到最後我哋咩都得唔到，但係我哋已經向全世界證明咗，我哋香港人，係光！明！磊！落！”佢講呢句話時候幾乎激動落淚。當時我都喺現場，雖然我唔係香港人，但聽到呢句話我令都好感动，字字鏗鏘，砸地有聲，令我更敬佩呢位男神，豎起大拇指俾無數個like佢。
子華同其它香港人一樣都愛香港，佢講嘅嘢一直企喺一個好中立嘅立場睇呢件事。佢表達意思好明確，無論大家企喺咩立場出發點都係愛香港，都唔想搞跨香港，都唔想大家受到傷害，都希望有方法完美解決呢件事，所以大家唔好再誤會子華撐邊一方。
香港站完結後，嚟緊開始佢嘅世界巡演，希望佢一路順風，保重身體，繼續good show ！2015年2月14日，佛山站約定你——黃子華。
加载中，请稍候......
加载中…