SCENE TWO

 

(小明, NICOLE, MAX and NADIA)

明: 馬小明 N: NICOLE M: MAX NA: NADIA

 

客廳。一部唱片機。地上有淩亂的唱片。

唱片機播著音樂。

 

小明正在尋找他想要的唱片。

 

NICOLE從睡房走出, 差點被地上的唱片摔倒

 

 

 

N: 啊! WOW~~~

明: 啊!  踼親啊?

N: WOW! 仲咩咁亂架?

明: 仲以為你會訓晏啲TIM!  咖啡?

N: 唔…間屋亂成咁

明: RELEX! RELEX!

N: 啊!  我諗我都係返番去訓

明: 啊~喂!  我叫左阿MAX過黎喎!

N: MAX!? 點解啊?

明: 我過意唔去啊!  佢過緊黎架喇!

N: 我唔想見到佢啊!

明: SORRY…

N: 我講真架, 小明!

明: 聽埋呢隻聽埋呢隻…

(音樂從唱片機播出)

N: 你仲砌緊你張荒島清單啊?

明: YA!

N: 你搵到你最鐘意嗰本書未架?

明: James Joyce 《Finnegans Wake》, 冇人睇得明

N: 你睇過未架?

(小明留心地聽著唱片機播著的音樂)

明: 唔好玩啦!  唉…真係天亡我也喇!  又唔係… 你仲記唔記得我同你去新加坡, 裡面有個廣場嘅, 個廣 場係專賣榴槤

N: 唔記得

明: 你記得嘅, 嗰陣時我寫緊馬克思個戲架呢!  個廣場有隊樂隊隔三、四個字又玩返同一首嘢架喇!  我仲 係個酒店度係咁嗌佢—

N: 係泰國啊新加坡…

明: 係咩啊?

N: 咩係咩啊?

明: 首歌啊!

N: 係點樣架?

明: 我點知啊!

N: 你仲同邊個去過泰國呢?

明: 唔好玩啦!  我聽日要做全香港最多人聽嘅訪問啊!  我要有8首歌帶去個荒島度啊!  而家…得五首, 同 一本冇人睇得明嘅書

N: OKAY!  你唔知首歌叫咩名又唔記得個音樂係點, 咁姐係你唔係好鐘意嗰首歌啦!  咁你仲做咩要帶呢 首歌去個荒島呢?

明: 咁係因為我係唔洗帶8首我鐘意嘅歌去個荒島架MA N: 聽講係要架喎

明: NO. 我係要帶8首同我人生轉捩點有關嘅歌

N: 哦…我都係你人生嘅轉捩點啊! (哈哈哈~~) 你同我去泰國嗰陣你最鐘意聽……盧冠廷嘅《天邊一隻雁 》

(NICOLE開始找尋唱片)

明: 係譚詠麟啊盧冠廷…

N: 根本就好容易咋MA, 你是但搵8首經典金曲, 然後講下你嗰陣時做緊啲乜嘢, 咁咪得囉! 有咩問題啫?

明: 啫係我原則上呢…係一個知識份子形嘅編劇家, 姐係如果我話比人聽我當年寫緊馬克思個戲嘅時候, 係度探討緊人生係幾咁偶然同必然, 而我全程就係度聽緊譚詠麟嘅《天邊一隻雁》, 啫係會唔會唔係好夾 呢? 啫係會唔會令啲人誤會馬克思好鐘意聽譚詠麟呢? 唔係喎…阿珊珊係有呢隻歌架喎, 古典得黎又幾 義大利…嗰陣佢仲未染髮佢應該記得

N: 佢係邊度啊?

(NICOLE找到一張唱片, 把唱片放到唱片機播放)

明: 係屯門騎馬啊! (聽到唱片的音樂) 啊!  你真係利害啊你!  你點知架? N: 咁你而家有6首歌啦!  同埋嗰個唔係榴槤場, 係溜冰場啊!

明: 啊…聽聽下都唔係好得, 你覺唔覺啊? 好似係個商場啲公廁度咁

(門鈴響起)

明: 阿MAX黎喇!  點啊? 比唔比佢入黎啊?

N: 唔比! 話我唔係度!

明: 你唔係度係邊度姐? 佢知你係度架MA! 一係咁喇!  我話你唔想見佢, 話你頂佢唔順 N: ……我去換衫啦!

(小明去開門)

明: 喂!

M: 喂!  嘩!

明: 啊…歡迎!

M: 係..係…你好你好!

明: 係…歡迎!  好耐冇見啊!

M: 你啊!  成日都唔出現啊!  特登嘅!

明: 刻意嘅! (故意大聲地對著睡房說) NICOLE唔係度!

明: 你幾好嗎?

M: 幾好, 你呢?

明: 幾好!

M: 嘩!  咁咪好囉!

明: 真係好喇!

M: NICOLE好唔好啊?

明(小聲地): NICOLE唔係幾好啊! (站起) 咖啡或茶, 紅酒定綠酒? M: (呃…)綠……(酒!?)

(小明走到廚房)

(MAX拿起枱上的書)

M: James Joyce 《Finnegans Wake》

(MAX看了看這本書,  見貎似艱深, 便放下)

(NICOLE從睡房走出來)

M: HEY!

N: HEY!

M: 好嗎? 愛人!

N: 你比我放返日假都得掛?

M: OH—

N: 講笑咋!

(小明從廚房拿了一盆飲料出客廳, 看到NICOLE走出了客廳)

明: 唉啊!  穿崩喇! NICOLE叫我話佢唔係度架MA!  啊!  阿MAX, 好耐冇見, 你幾好嗎? (眾笑)

明: 你知你地啲演員架啦!  要時不時問候下你地架MA, 如果唔係會以為我冷落左你地架! M: 我啱啱講起話你成日都唔出見

N: 如果套戲係你寫嘅你都唔會出現啦! (對小明)喂!  你唔係以為一支咁嘅橙汁就可以打發我啊MA?

明: 橙汁係比我嘅, 等我FEEL得陽光海灘啲! (一邊倒酒一邊說) 喂! 阿MAX, 我而家覺得我好不羈好放 縱好浪漫! 你覺唔覺啊? 因為我而家係心靈荒島嘅難民, 我就黎做幕前喇!

 

M: WOW!

明(給了一杯酒Nicole): 嗱!  老婆!

N: Thank You!

明: 係呢!  尋晚點啊?

N: 一如以往, 故作有高潮!

明: 姐係我現任老婆係好有幽默感架!  哈哈哈哈!  哈哈哈哈!  哈哈哈哈! 但我係講緊我尋晚套戲啊! N: 我都係講緊尋晚套戲啊!  而我覺得我係唔應該做小明嘅戲!

M: 啊!  咁我又唔係幾同意!

N: 你梗係啦!  你又唔係佢老婆!  嗱!  阿MAX又明!  人人都明!  啊~ 佢係佢老婆, 所以佢咪攞到個角色黎 做囉! 最緊要啊!  我又係會拉住個行李周圍去架MA, 呢個係我黎架MA! “喂!  就係佢喇!  佢係屋企呢, 肯 定都係好似舞臺上咁架!” 咁你就才華四濺, 我就成身濕曬囉!  嗱!  佢又要才華四濺喇!

明: 究竟, 尋晚, 係點呢?

N: 唉!  眼怨啊!  台下觀眾席, 空洞洞架!  三分二度喇我估!  唉啊!  唔好意思啊!  你係咪要聽呢啲架呢?

M: 唔係架唔係架, 琴晚係OKAY架, 啲笑位好準下, 最尾嗰場, 和好如初, , 非常感人!  不過啲觀眾話呢 咩電子錶啊! 陀飛輪啊! 嗰段唔知我UP緊咩, 咁不如試下搵一場我地CUT左佢—

明: 唔好意思啊阿MAX, 你頭先講開台下係三分二係觀眾, 定三分二係空位先? 

N: 想創你啦小明! WO~~ 為人生飲杯!  為《紙牌人生》飲杯!

M: NICOLE--

N: 唉…阿MAX, 你就做你呢個才華四濺嘅建築師, 我就做我呢個人肉台詞提示器, 我嘅存在就係為左

提你講台詞啊下!  你啲笑位好準架!  我啲  “唔係啊嘩!” 位都好準架! 啲觀眾一路睇我就一路  “唔係啊嘩!”,

跟住冷笑一聲  “唔係啊嘩!” 就走曬喇! “唔係啊嘩!” 佢勾佬得黎原來係冇佬架!, 跟住就冇曬興趣睇我喇!

我啊! 係小明幻想出黎嘅好老婆, 一個好太太, 有一個擺左PASSPORT嘅煲, 同埋為左個老公係從來唔

會講錯說話架! (作狀的聲線)“唉啊!  你咁唔開心我好遺憾, 不過如果你仲諗到野, 你應該知道要講啲乜

嘢!”

 

M: NICOLE—

N: 收聲阿MAX!  如果佢係有個情人而唔係淨係得本臨時PASSPORT呢, 咁就真係有戲做喇! 明: 啊啊啊!! 晨早樓樓咋喎, 不如轉個話題好嗎?

N: 仲早啊!  已經太遲喇!

明: 你睇下!  佢就真係才華四濺, 我就成身濕曬!  但係…係我遺傳左佢嘅

N: 咁梗係啦!  冇左你我咪好似你啲角色咁囉! “唉啊!  你飲唔飲嘢啊? 倒杯嘢比你飲ya!” 係小明嘅眼中 女人唔係飲嘢就係用黎提台詞, 好喇!  呢句係提你架喇, 到你講嘢喇小明!

(小明無言) 

M: 係呢!  珊珊呢?

N: 邊個啊?

M: 你個女啊?

N: 哦…女!  唉啊!  你離左題喇!  重點係精警嘅對白, 你係唔可以提細路架! 你一提細路啲台詞冇曬深度, 小明係唔會做呢啲嘢架!  佢冇時間做呢啲研究架!

明: 正確!

N: 嗱!  你出臺嗰陣!  淨係一個人拉住個行李, 嘩!  幾有型!  加個細路, 走難咩? M: 其實都唔係個個要有細路架… 好似我同NADIA咁。

明:  阿MAX, 你係唔需要咁架, 阿NICOLE係無非有一次我同佢講,  有啲女人就淨係適合端荼遞水— (NICOLE立刻站起來)

明:  嗱嗱嗱!  就係好似而家咁喇! (此時小明剛喝完手上的飲料, 他把杯遞向NICOLE) 添啲嘢啊!

(NICOLE發怒)

M: 等我黎啊!

N: 夠有啲男人淨適合端荼遞水啦! 你又唔寫下佢地? (MAX幫大家倒酒)

M: 黎黎黎…

明: MAX! THANK YOU! 你要真係勝做七級浮屠

N: 啊! 精景嘅對白下! “你返黎嘅時候仲帶埋凡高嘅向日葵枱布送比你阿媽!” 啊!  你話如果你發現我有婚外情你 會唔會講得出呢啲枱布嘅笑話呢可? 我諗就唔會囉! ?? 佢要CALL白車黎救返佢啲經典金句囉可? 小明可? (一陣 靜止) 冇人答我? HEY!  有冇人係度啊? 講個笑話啦!

明:  你頭先話咩?  你話如果我發現你有婚外情, 我識唔識得嗰位幸運兒啊?