http://s9/bmiddle/001VJbj6ty6ReRfP5d6f8&690

1.  人生係個旅程嚟嘅，一個公關嘅旅程，做人冇公關，吃屎咖啦！——《旋風腿》劉青雲

2.  我第一次聽到壽司，我以為係一套恐怖片，長壽嘅僵屍，長壽嘅僵屍識輪回咪回轉壽司囉？

3.  你情願喺寶馬裡面發惡夢，我都唔要喺單車上發春夢；你情願喺寶馬裡面獨自一人，我都唔要喺單車上妻妾成群。但係同時諗到一個問題，寶馬係出咗單車嘅喔，咁你係哭定笑呢？

4.  你借錢俾朋友，你會認識到社會嘅黑暗；但當你唔借錢俾朋友，你就會認識到自己嘅黑暗。

5.  人類用咗800萬年由馬騮進化成近幾年先有iPhone，如果咁就世界末日，好明顯就係Samsung搞出嚟。

6.  一個被抄牌嘅人對住交通警，同一個病人對住死神講都係講同一句說話“俾多次機會吖！”

7.  事業嘅停滯，感情嘅無謂，養只狗都咁貴，揾多咗反而唔夠錢使。

8.  我人生最悲壯嘅一次，我返去攞車，然後我見到個擋風玻璃上面有三張告票。喺嗰一剎那我知道我應該出家做和尚，我已經冇能力同呢個塵世糾纏，一次過三張，我係連法號都諗埋，貧僧就叫做三張大師。各位，我嚟介紹，我師父，一燈大師，佢比較嚴重啲，佢撞咗交通燈。

9.  有LV兒孫成群，冇LV獨自一人。

10.  你係靚仔呢咖，不過人哋睇唔到喳~

11.  一山還有一山高，一B還有一B低。

12.  低買高賣好容易，但你就係做唔到，別人唔要你要，別人要你唔要，呢個違反人性囉；如果你做得到，呢個世界就冇剩男剩女啦。

13.  斯文敗類相反詞麻甩君子。

14.  先生我唔會同你吵嘅，你睇你老婆個樣咁惡，啫個嘴想襲擊樓上對眼咁嘅，啫你同佢生活呢，你應得你應有嘅懲罰。

15.  做人，最緊要對自己誠實，因為我知道，我幾時都呃緊自己。

16.  我哋做羊嘅，最紧要我哋要记住四句金句: 唔好问自由係点，最紧要冇乜风险，跟大队係唔使怕丑，除非你快过只狗。 喺人类里面能够离群，唔跟大队，又走得快过只狗嘅，係永远都有啲咁叻嘅人，永远都有啲咁卓爾不凡嘅人。

17.  朗父兩味，吃就死，唔吃就飛落大笪地。

18.  你唔睇都埋嚟買嚇，無傷大雅；冇胸都埋嚟圍嚇，無傷大雅。

19.  做兄弟，有斜陽，冇日出。

20.  當你一個人加咗人工之后都唔過八千，你加咗人工係衰過唔加，呢個就係黃子華定理。

21. 點解城市啲人會咁燥啊？因為你冇嘢係唔覺意嘅，你每一嘢都係特登嘅。係啊，即你唔覺意涉只手過嚟啊？唔見你唔覺意涉啲銀紙過嚟。你冇得唔覺意，咁即系咩意思啊？即系你系冇得講對唔住㗎。如果你行街，你踩到人地腳踭，嗰條友話，哇！你有冇搞錯啊！你應該講咩啊？你唔行慢啲。

22.    當所有人都接受一個故事而你唔接受，當所有人都有Buy你唔Buy，你就會俾全人類留低。我唔想俾全人類留抵，我愛人類，所以吃壽司。

23.  借錢俾朋友周轉有分自轉及公轉，借比佢時就叫自轉，但到還錢時就係公轉。
 
24.  因為鐘意特別嘅人都知道，你真係最歡迎嘅特別係特別得嚟唔好太特別。
 
25.  我阿爺，佢衡量一切嘅標準都係由“生”“死”同埋“膠”有關嘅，佢嘅價值觀係名符其實嘅“生死之膠”。

26. 貓係點樣諗嘢㗎？ 唔做就一定冇了，做都沒必有啊，而要好辛苦咁做返嚟嘅有，我情願冇啊。呢班友系充滿負能量啊。

27. 點解朋友唔好講錢？最受歡迎果首講朋友嘅係邊首歌？就係'朋友'囉，'朋友'點樣教你呀？人生如夢，朋友如霧，你借錢俾霧，咁一借咪散囉。而最緊要佢最後亦都提醒你，你為了我，我為了你，共赴患難絕望裡，俾錢借錢，系咪咁唱？唔系，系共赴患難絕望裡緊握你手，夠㗎喇，朋友。