27/1/2016  將軍澳邵氏影城「Heart Attack LF Live in HK 林峯演唱會」發佈會

 

ON.CC

戒鹽戒糖地獄式操肌　林峯邊沖涼邊嘔 (視頻)

http://hk.on.cc/hk/bkn/cnt/entertainment/20160127/bkn-20160127171455378-0127_00862_001.html

 

依家仲未係最激呀！咁最激嘅林峯會變成點呢？

 

【on.cc東網專訊】 歌手林峯為演唱會舉行記招，講到吳雨為他送上噴水巨型水柱的驚喜，受訪時他坦言真是嚇親，沒想到對方會想到如此驚喜。而講到他找來電影《激戰》為張家輝操肌的健身教練健身，問他操肌可辛苦？他謂一開始對方都驚會嚇走自己，所以比較輕鬆，但頭三日開始操時自己都試過辛苦到邊沖涼邊嘔：「其實最難嗰part係要控制飲食，我又為食，不過依家都未到最激。」

 

叫記者即場度手瓜

 

講到他演唱會海報手瓜起𦟌，問他手臂操到幾多吋？他則霸氣叫記者即場度：「因為我冇度，唔知，不過都唔係好大隻。（有冇15吋？）唔知，我諗接近啩，但操唔係最緊要，最緊要係個形，我本身都有啲肉，唔使食增加肌肉嘅奶粉，反而係要收乾個身，不過我提早幾個月操就係想身體習慣。（依家仲有冇操到嘔？）冇事。（想操到咩效果？）盡力，因為十幾年嚟都未試過有咁多時間操，所以都唔知可以操成點。（想要人魚線？）梗係希望啦，肌肉唔難操，最難係要收乾身，呢樣嘢就要戒口，依家陸續開始戒糖，遲啲連鹽都唔食得，依家都要食清蒸嘢。（係咪要騷肌？）咁我好怕熱嘅。」

 

千語受傷阿峯唔敢亂摸

 

講到女友吳千語很愛吃，那他豈不是不能跟女友吃飯？林峯表示已跟對方約法三章：「同佢講你食你嘅，唔好叫我食。」而講到兩人日前到了北海道旅行，他說：「我哋每年都會去一次滑雪，同埋細佬去。（但滑雪係咪整親？之前你同千語去睇脊醫？）我定期會睇，間唔中check一check，因有時可能坐嘅姿勢唔好，拉下啲筋。（千語係咪整親條頸？）佢係有少少擰親頸，滑雪嗰陣chok親肌肉，不過冇乜大礙。（幫佢按摩？）我唔敢亂摸呀，我又唔係叻，費事愈整愈傷。」

 

個唱未諗到玩乜

 

而講回演唱會舞台效果，他表示之前試過玩水和火：「今次睇吓仲有乜可以玩，不過依家都淨係開咗兩次會，未到last minute都唔知會點，依家可以提早成4個月開始諗，初步都有個形。同埋今次會跳好多舞，比之前多。（係咪用好多製作費？）我從來冇擔心製作費，多謝大哥（吳雨）、老闆咁全力支持，大家都希望可以畀有質素嘅嘢畀香港觀眾睇，所以每次開會唔會諗budget，而係睇有咩idea可以夾到。（即係冇上限？）係，多謝公司全力支持。」

 

而講到嘉賓，他則謂早半年前已經構思嘉賓：「希望請啲未請過、我亦非常渴望請啲嘉賓，但依家都未知。（請緊？）係，要睇下個期。」最後講到好友鄧智偉被《好報》踢爆跟高海寧秘戀，他即笑言：「嘩，真係唔知，我哋平時真係淨係傾工作同音樂，對於工作以外嘅生活唔會交流，所以評論唔到。（如果佢真係拍拖戥佢開心？）唔知呀，等佢自己講。」

 

林峯搵咗張家輝教練嚟同佢操肌。

林峯話希望今次可以兜口兜面唱畀fans聽。真係令人期待呀！

 

唔知今次個唱玩乜呢？

 

張海報嘅手瓜咁勁，佢就話唔知幾多吋，仲叫記者即場幫佢度度。

 

目測只少15吋啦。

 

除咗運動仲要戒口，為食嘅林峯都話辛苦。

林峯笑起嚟，勁Chok呀！

 

林峯多謝吳雨全力支持製作費。

吳雨（右）上台笑言林峯這次演唱會製作費令他heart attack。搞到林峯當場大笑。

 

粉絲全力支持。

 

林峯試過操到嘔，仲要係一路沖涼一路嘔。

 

 

 

後台突噴30尺高水柱　林峯嚇到O嘴！(視頻)

http://hk.on.cc/hk/bkn/cnt/entertainment/20160127/bkn-20160127161619374-0127_00862_001.html

 

林峯話今次演唱會佢鍾意玩驚喜，唔止想畀驚喜fans，直情想令佢哋heart attack。

 

【on.cc東網專訊】 歌手林峯穿上藍色大衣出席演唱會記者會，期間他在台上與司儀談天，講到他演唱會有港鐵廣告牌等一連串宣傳，之前他搭港鐵時大玩快閃活動，但期間不懂入閘，對此他笑言自己本身是路痴，能走出來已很好，亦謂喜歡搭港鐵。問到為何演唱會定名「Heart Attack」？他則謂：「因為演唱會我鍾意玩驚喜，今次唔止想畀驚喜畀fans，直情想令佢哋heart attack，令佢哋意想唔到。」他亦講到今次演唱會跟歌迷大玩近距離接觸：「依家仲研究緊，之前最高試過上panel位，希望今次可以兜口兜面唱畀fans聽。」他又笑言不怕唱到超時罰款：「盡量爭取每一晚都罰款。」而問到他可會除衫騷肌？他則謂：「本身怕熱同大汗，睇吓到時我熱唔熱，熱咪除衫。」

 

畀製作費嚇親

 

之後英皇高層吳雨上台，他笑言是次演唱會製作費令他heart attack：「不過都好耐冇睇到佢嘅風采，之前去韓國拍嘢又使咁多錢。」林峯則笑言跟演唱會比只是很少。

 

搞到濕晒勁搞笑

 

接着輪到吳雨為林峯送上驚喜，他遞電話給林峯，並叫他輸入4292016這串數字，林峯輸入完後，台後即噴出高達30尺高的巨型水柱，林峯見狀即嚇到O嘴，兩人即刻縮起，但背脊仍被噴到濕晒，吳雨抵死笑言：「搞到我濕晒！」場面搞笑。而演唱會贊助商及歌迷亦有為林峯送上禮物。事後為補相，台上再度噴出巨型水柱，搞到林峯要淋足兩次水。

 

林峯表示今次演唱會跟歌迷大玩近距離接觸。

 

林峯笑言不怕唱到超時罰款：「盡量爭取每一晚都罰款。」

 

林峯透露本身怕熱同大汗話，佢仲話睇吓到時熱唔熱，熱就會除衫騷肌。

 

嚟飲番杯先~

 

林峯同粉絲們影合照。

 

之後吳雨為林峯送上驚喜，他遞電話給林峯，並叫他輸入4292016這串數字。林峯好專心咁撳。點知台後突然噴出高達30尺高的巨型水柱，林峯回頭一睇。林峯（左）見狀即嚇到O嘴。林峯（左）同吳雨即刻縮起，但背脊仍被噴到濕晒。吳雨（右）抵死笑言：「搞到我濕晒！」場面搞笑。

 

齊齊乾杯~