1/12/2015  銅鑼灣Time Square《Heart Attack》MV首播

 

ON.CC

銅鑼灣宣傳新MV　林峯被圍場面勁墟冚

http://hk.on.cc/hk/bkn/cnt/entertainment/20151201/bkn-20151201202006379-1201_00862_001.html

 

呢個快閃活動，真係冇搞錯，因為夠晒熱鬧，好彩唔係就咁搞普通記招咋。

 

【on.cc東網專訊】 歌手林峯到銅鑼灣舉行《Heart Attack》快閃MV首播活動，吸引大批歌迷到場支持，MV播放期間，現場更有小歌迷表現得手舞足蹈，十分可愛。MV播完後，主角林峯現身，旋即被歌迷和途人圍堵，引起小混亂，場面墟冚。

 

問到可有被墟冚場面嚇親？林峯表示反而很開心：「好耐未試過出活動前會緊張，今次成個形式貼緊大眾，其實今次本身係想好似之前咁正式開press con，但今次個MV、成件事都係自己同工作人員落手落腳有份策劃，策劃咗就嚟一年，始終兩年幾冇出新歌，所以想特別少少，而且可以等多啲人知道呢件事，所以今日就喺條街度，同大家一齊睇MV首播。（但有啲亂？）呢度係有啲尷尬，但我相信大家都好守秩序，依家都唔太混亂。」

 

唔一定同千語慶生

 

講到他將於本月8日生日，他表示當日應該要工作，問到當日可會在香港？他謂：「未知，12月要做好多商演。（都要慶祝架）唔一定正日。（女友吳千語同你一齊慶祝？去旅行？）睇吓有冇時間，不過佢依家喺泰國拍戲。（咁咪冇得一齊慶祝？）唔緊要。（你會唔會飛去搵佢慶祝生日？）咁又唔使嘅，我都有工作在身，同埋都想專注番音樂。（佢飛過嚟香港？）等佢做完嘢先。」

 

為質素放棄攞獎

 

講到現時才派歌豈不是趕不及頒獎禮奪獎？他表示：「每個頒獎禮有佢哋嘅計分方式，趕唔切都冇所謂，因為本身如果想趕得切就要早兩個月派歌，但做唔切，我想質量好啲，所以唔趕。（四個頒獎禮都唔去？）應該趕唔切。」他亦講到共做了4首新歌，現時每首歌都拍了MV，希望每首歌可以plug一段較長時間，預計三至四個月後出碟。

 

另談到有指《使徒行者》開拍電影版，但就沒有林峯份，改由佘詩曼、古天樂、張家輝擔大旗，問到他覺得此組合如何？他表示：「呢個組合都ok，但最緊要嘅靈魂人物係監製，有佢喺度我都好有信心。（都有指TVB想搵番原班以網劇形式拍《使徒行者2》？）再傾，睇吓個期。」

 

訪問完後，有歌迷向林峯送上蛋糕及生日禮物，氹得他十分開心。

 

由於年尾大家都好忙，所以林峯今年生日未必同女友吳千語過。（資料圖片）

 

林峯嘅粉絲數目雖然就咁望唔算多，但勝在夠熱情，令到現場好熱鬧。

 

林峯都未現真身，粉絲們已經狂舉機。

 

呢位小粉絲，仲要手舞足蹈，萌到哩。

 

林峯雖然被圍，但係都好開心。

 

呢個蛋糕雖然好巨型，但係就有啲看不透，到底佢係蛋糕定係麵包定係冬甩呢？

 

林峯都好奇怪，係咁研究個cake。

 

除咗cake，當然仲有禮物啦。

 

原來係香檳一支！林峯繼續表現出佢嘅驚喜。

 

仲有仲有巨型生日咭。

 

林峯睇嚟歎為觀止喎。

 

 

 

明報即時

無緣參演《使徒行者》電影版 林峯：OK (21:59)

http://ol.mingpao.com/php/showbiz3.php?nodeid=1448974924321&subcate=latest&issue=20151201

 

《使徒行者》電影版即將開拍，有傳電視版主角林峯被踢出局，無緣參與電影版，林峯今日出席新歌MV發布活動時回應說：「OK，上次都提及過《使徒行者》最重要的靈魂是監製文偉鴻，有他參與的話就好有信心，希望電影能夠成功。」

 

對於無綫計劃跟內地傳媒合作拍攝《使徒行者》網劇版，有意原班人馬上陣，林峯說：「再傾，到時視乎檔期及英皇的意願。」

 

在電視版與林峯合作無間的佘詩曼今晚在另一個場合表示，本月中將為《使徒行者》電影版開工，問及林峯無份參演會否感到可惜？佘詩曼說：「睇你點睇，有新元素都係好事。」

 

林峯（左）在電視版《使徒行者》與女主角佘詩曼（右）合作無間。（《使徒行者》劇照）

 

快將生日的林峯今日出席新歌MV發布活動，歌迷特意送上蛋糕。

 

林峯（右）無緣參演《使徒行者》電影版。

 

林峯今日出席新歌MV發布活動，半百粉絲捧場。

 

 

 

蘋果即時

生日冇千語BB陪 林峯：之前之後慶祝囉

http://hk.apple.nextmedia.com/enews/realtime/20151201/54490548

 

林峯推出新歌《Heart Attack》，今日就去到銅鑼灣時代廣場大電視進行mv首播，阿峯踩落鬧市玩快閃宣傳，大班粉絲包圍。12月8日係林峯嘅生日，fans帶同禮物同蛋糕預祝林峯生日，送上一枝香檳燈，寓意發光發亮。

 

林峯透露已經差唔多兩年冇推出新歌，今次選取喺鬧市宣傳希望普羅大眾對佢嘅認識。而女友吳千語身在泰國工作，唔可以返嚟同林峯過生日，大家就建議佢飛往泰國探班過生日，林峯笑住話:「唔使咁嘅，等佢專心工作，或者之前之後慶祝囉。」

 

無綫有意開拍一套網劇，傳聞有意找林峯，佢聽到之後好冷淡咁話:「再傾再傾，睇個期點同英皇意思。」另外，林峯表示稍後會參與內地及本地樂壇頒獎禮，雖然歌曲趕唔到入圍，但都好樂意支持出席。

 

林峯生辰嘆女友千語難相陪

http://hd.stheadline.com/news/realtime/ent/1033339/

 

林峯傍晚到銅鑼灣戶外大銀幕下，舉行新歌《快閃》MV首播，吸引數十名粉絲及大批市民圍觀，更一度引起混亂，連他也顯得有點驚慌。不過他表示難得跟普羅大眾直接接觸，相當開心。

 

本月8日生辰的阿峯，獲粉絲準備了汽球、香檳和巨型漢堡包為他提早慶生。問到生日當天能否跟女友吳千語共度？他自言有工作，女友亦在泰國拍戲，且希望女友專心工作，未必會飛到當地一起慶祝。

 

另外，談到無份拍《使徒行者》電影版，林峯表示由佘詩曼、古天樂和張家輝出演亦OK，最重要是有該劇監製這位靈魂人物參與。有指TVB計劃開拍網劇版，更屬意原班人馬演出，他表示若屬實也要視乎自己的檔期和公司是否同意。(攝影：林子棠)

 

林峯開心近距離接觸粉絲。