15-11-2015

 

ON.CC

碧咸重返奧脫福　夏柏舒芬「放蚊」撐場 (視頻)

http://hk.on.cc/hk/bkn/cnt/entertainment/20151115/bkn-20151115095121933-1115_00862_001.html

 

碧咸獲告斯，夏柏與羅密歐撐場，不過愛女就被睡魔急Call！（美聯社）

 

【on.cc東網專訊】 等到喇！「萬人迷」碧咸（David Beckham）近期應聯合國兒童基金會（UNICEF）邀請到7個國家踢波，昨日終於踢到番「老家」，現身英超球隊曼聯主場奧脫福球場，仲再着7號球衣兼以隊長身份出戰慈善球賽！

 

夏柏舒芬「睡魔急Call」

 

現年40歲的碧咸自掛靴兩年後重返前球會主場踢波當然係大事，他亦帶埋四個仔女包括13歲二仔羅密歐（Romeo）、11歲細仔告斯（Cruz）同4歲孻女夏柏舒芬（Harper Seven）撐場，夏柏冇得着波衫都襯到成身紅色衫賀爸爸，不過影大合照時就難抵「睡魔急Call」，密密於鏡頭前發吽哣兼打呵欠，唔夠身旁兩個哥哥醒神兼唔多畀面，夏柏舒芬連於球賽對巴黎恐襲一事致意時都「放蚊」，不過「細路仔唔識世界」應該未有人責怪，而夏柏扭眼訓仍然扭得淡定過人又可愛，輕易成為全場焦點之一！但早前被媽媽Victoria爆出愛踢波的她昨日全程未見興奮神情，就被外國傳媒笑指已對足球無興趣。

 

父子檔踢波

 

另一方面，碧咸的16歲大仔布魯克林（Brooklyn）不單到場支持，更親身落場父子檔踢慈善賽！碧咸有得落場晒寶刀未老之外，更有仔女見證兼享受埋天倫樂，難怪全程笑唔停，場面溫馨，可惜未見Victoria現身撐老公！

 

一落場就大晒寶刀未老！碧咸：咩叫生疏？（設計對白）（美聯社）

 

佢字典裏面似乎無「生疏」呢兩個字。（美聯社）

 

呢一幕「網中人」應該係意外或者係純粹搞笑！（美聯社）

 

父子檔落場，場面溫馨！（美聯社）

 

父愛滿瀉的碧咸一攬再攬。（美聯社）

 

手摸面安撫愛女Warm爆。（美聯社）

 

 

 

經典一刻！布魯克林入替老竇咸爺呀！

http://hk.on.cc/hk/bkn/cnt/sport/20151115/bkn-20151115012111676-1115_00882_001.html

 

【on.cc東網專訊】 曼聯傳奇球星碧咸喺奧脫福搞慈善賽，由英倫明星隊鬥世界明星隊，雖然法國名將施丹同韋拉疑因巴黎恐襲缺陣，但場波仍然好精彩，碧咸上半場使出七旋斬助攻戰友史高斯士哥，呢個畫面真係令人懷念呀！換邊後奧雲射成2:0，世界明星隊由約基破蛋，之後奧雲入多粒埋齋，幫英倫大軍贏3:1。

 

今場仲有另一經典時刻，下半場碧咸大仔布魯克林入替佢阿爸呀！現場掌聲雷動，場面真係超震撼，碧咸仲忍唔住錫一錫阿仔添！去到尾段碧咸重返球場，同阿仔並肩作戰，布魯克林有個角球傳畀老竇頂高咋，入咗就堅經典喇！

 

好滾動呀！（互聯網圖片）

 

http://hk.on.cc/hk/bkn/cnt/sport/20151115/bkn-20151115115934968-1115_00882_001.html

 

【on.cc東網專訊】 奧脫福搞慈善賽大把球星撐場，不過講到全場高潮，肯定係布魯克林喺75分鐘入替老竇碧咸，而且7分鐘後，領隊費格遜好識做咁，安排碧咸再次落場，結果佢兩仔爺同樣著住7號波衫，而且喺右路作出一系統配合，非常好睇。到咗比賽尾段，布魯林克處理角球斬得唔錯，雖然碧咸接應頂高唔能夠入波，但已經睇到觀眾過足癮，可惜佢話大仔唔會做球員喎。

 

賽後碧咸表示：「我對上1次喺奧脫福踢波係曼聯奪得聯賽冠軍，當時布魯克林得18個月大，佢騎喺我身上，依家已經好難做到。」對於布魯林克係咪會做職業足球員，身為好老竇嘅碧咸咁話：「佢最大愛好係攝影，我一直都同自己啲小朋友講，只要係佢哋有興趣嘅事，我都會支持佢哋去做。」

 

碧咸帶齊囝囝囡囡出席奧脫福慈善賽。(Getty Images圖片)

 

 

 

 

 

Harper公主：奧脫福慈善賽悶到喊囉

http://hk.on.cc/hk/bkn/cnt/sport/20151115/bkn-20151115201351994-1115_00882_001.html

 

【on.cc東網專訊】 奧脫福慈善賽星光熠熠，淨係睇碧咸囝囝布魯克林入替「咸爺」都值回票價啦，不過呢啲對於「Harper公主」嚟講，完全「冇意義」！話說「萬人迷」寶貝囡夏柏舒芬呢晚都有份做「球僮」，拖住爸爸同三個阿哥入場，點知入場後，呢位小球僮一路影相，一路打晒喊露，個口到擘大一大之餘，影影吓仲擰歪面避開鏡頭添！雖然公主形象盡毀，不過真係超得意呀！