23-10-2015

ON.CC

林峯現身中環睇脊醫：例行檢查啫 (視頻)

http://hk.on.cc/hk/bkn/cnt/entertainment/20151023/bkn-20151023180426843-1023_00862_001.html

【on.cc東網專訊】林峯下午在助手陪同下現身中環，戴上口罩和Cap帽的他步入診所林立的大廈，約四十五分鐘後步出，然後再往銀行處理私人財務時，林峯直認剛剛去睇完脊醫，不過並非整傷，他說：「例行檢查啫！冇傷到！」然後再往髮型屋整頭，面對記者拍照，林峯不忘chok王本色，等過馬路時一度雙手插袋，型仔地讓大家拍照。

林峯例行檢查睇脊醫，澄清沒有受傷。

戴上口罩和Cap帽的林峯同助手現身中環。

步出大廈時，佢對助手手指指，唔知去邊呢？

之後，佢又左望右望…

仲好chok咁雙手插袋等過馬路。

久未chok爆的林峯，雙手插袋一展chok王本色。

好chok呀！

林峯直認剛剛去睇完脊醫，不過佢就話唔係整親，只係例行檢查。

仲去咗髮型屋整頭！

壹周Plus

背脊有事？ 林峯叫保安趕走記者 (視頻)

http://nextplus.nextmedia.com/news/ent/20151024/286272

Chok到可以做亞太區最受歡迎男歌手，你估林峯真係流嘅咩！等林峯示範一下如何痛住Chok啦！呢日林峯話自己去睇脊醫，只係普通檢查。呢次我又信林峯喎，睇佢健步如飛咁喺中環穿梭，車都唔驚，就知佢個背脊無乜大礙啦。聽佢把聲，亦唔覺佢有乜嘢感冒呀之類病症，咁點解要戴口罩？應該係時裝一部份啦，戴咗口罩，你睇佢幾靚仔。咁靚仔，應該俾大家欣賞下啦，點解要急急腳上座大廈，仲要叫個保安去擋住啲記者呀？

蘋果即時

【fans只限於亞皆老街至太子道西？】林峯行中環 冇人認得

http://hk.apple.nextmedia.com/enews/realtime/20151023/54347407

高登巴打呢期日日開po話:「見到依家樂壇咁，突然好掛住林峯…」「林峯」喺呢句句子入面，可以秒改為「黃宗澤」或「徐子珊」。Any肥，林峯，真係miss you so much。

次次林峯現身都局住要回應千語BB，今日唔使。佢是日一身便服兼戴住口罩，同助手現身中環，佢先去咗砵甸乍街一間上樓嘅骨科診所睇醫生，大約逗留咗40分鐘左右先落樓，問佢係咪整親？佢話：「唔係，只不過係定期check吓。」

跟住峯峯又去咗銀行處理一啲嘢，之後去咗salon剪頭髮，一口氣處理晒所有跠嘢，忙得過馬路嗰陣都係咁篤手機。不過沿途冇乜人認得佢，難怪佢可以雙手插袋、行得輕輕鬆鬆——之前大台賜咗多個「亞太區」最受歡迎男歌手，俾網民解讀成「亞皆老街至太子道西」為之亞太區，依家林峯北上都吃得開，只係可能佢嘅fans唔喺中環區啩…

見林峯過馬路前，指手劃腳講唔停。

 

難得輕輕鬆鬆行中環

 

林峯今日現身中環，但佢一身便服look戴口罩，好多途人都認唔到佢。（攝影：畢紹基）