10/10/2015  沙田馬場「六福珠寶賽馬日」

 

蘋果即時

http://hk.apple.nextmedia.com/enews/realtime/20151010/54299734

 

「六福珠寶賽馬日」今日假沙田馬場舉行，出席藝人包括佘詩曼、徐子淇父親徐傳順、子淇好友陳君宜、楊張新悅、朱晨麗、港姐冠軍麥明詩、羅霖、楊思琦、陳爽、周美鳳、林峯及寇鴻萍一家等。

 

 

 

 

【舉三指發誓】林峯強調未結婚 與千語BB崇尚低調：結咗先出聲

http://hk.apple.nextmedia.com/enews/realtime/20151010/54299812

 

林峯以六福珠寶代言人身份，去到沙田馬場出席「六福珠寶賽馬日」，本身係馬會會員嘅林峯話，對馬匹研究未夠深入，暫時唔會做馬主。

 

林峯女友吳千語同楊穎（Angelababy）份屬好友，林峯指Angelababy原先搵吳千語做伴娘，但千語喺韓國拍緊嘢，劇組唔放人，所以無緣出席。

 

林峯被問到娶千語BB會唔會好似黃曉明咁大排場，林峯話：「每個人對另一半都係至高無上，每個人鍾意嘅方式都唔同，我哋崇尚低調少少，會同屋企人分享，最緊要舒服，可能結咗遲啲先出聲。」

 

被問到0依家結咗未？林峯話：「梗係未。」佢仲舉起三隻手指做出發誓姿勢，佢話就算係要擺酒招呼親友，屋企人都會好開明，佢又話千語性格男仔，絕冇公主病。

 

 

 

 

【菊姐國邦離無綫】林峯讚係中流砥柱：佢哋崗位好緊要

http://hk.apple.nextmedia.com/enews/realtime/20151010/54299877

 

無綫除咗鬧小生花旦荒外，就連資深「綠葉」都相繼離巢，噚日陳國邦心灰意冷，喺網上向無綫遞辭職信，而關菊英今日出席活動時，亦透露於七月時，已同無綫結束八年賓主關係。

 

早已離開無綫嘅林峯，今日喺馬場出席活動時，對於陳國邦心灰離開無綫，林峯話：「同佢合作多年，好欣賞佢演技，聽聞佢舞台劇有得發揮，佢絕對係演技派，我哋會一齊研究，佢教我好多戲劇上嘅嘢。」

 

講到陳國邦指自己未有機會演男主角，林峯說：「我又唔係好清楚，作為演員真係要有發揮嘅角色，唔一定做男主角，我以前做過男二，都有發揮。」

 

至於關菊英亦離開無綫，林峯說：「佢哋全部係中流砥柱，一路都缺乏中間一層演員，佢哋起咗成個劇嘅功能作用，佢走之前佢哋每個走4個廠，無論任何戲劇，功能演員都係襯托成件事，佢哋崗位好緊要，淨係得主角演唔到。」

 

另外，今日有唔少明星紅人出席馬場活動，無綫都有派員採訪，當佢哋採訪完其他明星名人後，林峯就剛剛到達，但無綫方面已經收隊，冇再採訪林峯。

 

林峯想低調結婚：結咗唔會即刻公布 (視頻)

http://hk.on.cc/hk/bkn/cnt/entertainment/20151010/bkn-20151010164141185-1010_00862_001.html

 

【on.cc東網專訊】 藝人林峯出席馬場活動，他表示因有朋友是馬主，故間中亦會來臨馬場，並謂支持馬場慈善事務。問到有否做馬主的意念？他說：「要對馬匹再認識深啲，研究多啲先，未必係近期嘅事，或者會同人夾。」

 

談到有否留意黃曉明及Angelababy的億元婚禮，他表示：「有留意。（會唔會對女友吳千語都咁公主？）每個人對另一半或身邊嘅女朋友都係至高無上，但每個人鍾意嘅方式唔同，我哋崇尚低調，同屋企人分享，最緊要舒服。（即係唔出聲就結婚？）可能遲啲先講番，未必會第一時間公布同宣揚。（咁依家結咗未？）未結，我發誓（舉起3隻手指）。（爹哋有頭有面，係咪會擺豪門婚宴？）如果有呢一日，都係招呼親朋戚友。（擺好多個地方？）我相信屋企好開明，會畀我自主權，兩個人兩個家庭，自己閂埋門傾掂。」

 

撐千語bb冇公主病

 

繼而問到千語bb有沒有公主病？他即說：「梗係冇，佢好男仔性格。（你係佢王子？）你問番佢，我同佢哋（黃曉明及Angelababy）唔熟，baby同bb好熟，本身一早邀請佢做伴娘，但bb喺韓國拍緊嘢，劇組放唔到人，好可惜，但點都好，祝福佢哋。（你鎖定遲啲結婚搵邊個做伴郎未？）未諗咁詳細，搵錢先，做好工作先。」

 

讚陳國邦係演技派

 

問到可知無綫藝人陳國邦已離巢，與對方相熟嗎？他說：「都熟，同佢太太都熟，合作多年，我好欣賞佢嘅演技。（佢好似話心灰意冷唔續約！）唔知，一排冇聯絡，知佢做緊舞台劇有得發揮，佢絕對係演技派，我哋有傾過戲劇上嘅嘢，佢教我好多，相信佢追求到佢要嘅嘢。（但好似話佢上唔到位做主角！）我唔係好清楚情況，我覺得作為演員要搵到有發揮嘅角色，我以前都做過男二，唔係主角，但有發揮。（最有發揮係邊個角色？）我可唔可以話個個都有，自己搵嘅啫，如果角色冇發揮或挑戰都唔會接。（關菊英都走！）係咩，咁多，佢哋係中流砥柱，依家最缺乏嘅就係中間嗰一層演員，起到成套劇嘅作用，我走之前，知道佢哋一日走4個廠，要好好珍惜佢哋。（係咪話之後會出現斷層？）無論任何戲劇，功能演員好重要，對成套劇起咗作用，每個post都好重要，如果只係得主角係演唔到。」

 

林峯話想低調結婚，未必會第一時間公布同宣揚。

 

林峯仲發誓話依家係未結婚嘅，粉絲們應該都會信佢嘅。

 

林峯話對另一半係至高無上架！

 

 

 

明報即時

仿曉明Baby辦童話婚禮？林峯：我們祟尚低調 (19:45) (視頻)

http://ol.mingpao.com/php/showbiz3.php?nodeid=1444476498905&subcate=latest&issue=20151010

 

林峯今日在沙田馬場出席活動，談及黃曉明Angelababy（楊穎）前晚在上海舉行的童話婚禮，林峯被問到結婚會否仿效曉明Baby時說：「每人都當另一半和女朋友是至高無上，但喜歡的方式不一樣，我們比較祟尚低調，最主要跟家人分享，舒服最重要。」林峯續稱，將來倘若結婚未必會第一時間公布；現已結婚？林峯即說：「當然未！發誓。」

 

林峯亦談及決定離巢的陳國邦，林表示曾與陳國邦合作，陳是演技派演員，至於陳暗示因當不成主角離開TVB，林峯說：「我不太清楚，但作為演員，最重要是找到有發揮的角色。以前我也演過男二，不一定是第一主角，反而發揮更適合自己。」

 

Image 2 of 6 - 林峯（左圖）表示祟尚低調，不會仿效黃曉明（右圖左）與Angelababy（右圖右）辦童話式婚禮。（鍾偉茵攝、資料圖片）

 

Image 3 of 6 - 林峯說，將來若結婚未必會第一時間公布。（鍾偉茵攝）

 

 

 

頭條即時

林峯視千語同樣至高無上

http://hd.stheadline.com/news/realtime/ent/1016754/

 

林峯罕有現身馬場擔任頒獎嘉賓，對於內地小生黃曉明豪花億萬迎娶Angelababy(楊穎)，阿峯指女友吳千語亦屬至高無上，但本身崇尚低調，結婚未必第一時間宣掦出去。

 

問林峯結了婚未？他說：「當然未。」記者要求他發誓，他即豎起三隻手指力證未婚。問他會否擺下豪門婚宴？他說：「招呼親朋戚友先。(擺幾個地方？)顧好自己先，家人好開明，給我自主權，兩個人的兩家人會『閂埋門傾』。」(攝影：譚志光)

 

林峯豎起三隻手指力證未婚。