10-9-2015

蘋果即時

【項少龍約嬴政隊酒】曾傳不和 重拍《尋秦記》古仔約林峯食飯 有人冧咗… (視頻)

http://hk.apple.nextmedia.com/enews/realtime/20150910/54189304

送林峯上車!

 

唔知係唔係趕去見千語BB呢?

 

 

青雲、鎮宇先行離去。

 

古天樂同林峯當年拍劇集《尋秦記》時傳出不和，有指古仔唔鍾意林峯喺外型同膚色都刻意模仿自己，不過十年人事幾番新，最近傳古仔計劃明年開拍《尋秦記》電影版，拉攏原班人馬包括林峯做「嬴政」，噚晚本報記者發現兩人約埋飯局，古仔似足大佬咁搭住林峯膊頭，兩人仲着住款式類似嘅兄弟鞋，友誼萬歲。

噚晚大約9點幾，記者喺古仔投資、位於銅鑼灣嘅名廚食肆，首先發現劉青雲架保母車泊喺樓下，一粒鐘之後，見到青雲、吳鎮宇同張達明先行離去，三人都飲到面紅紅，低調嘅青雲見到記者，表現得唔多想影相，鎮宇就笑笑口打招呼，由於兩人都住西貢區，青雲就送埋鎮宇返屋企，達明一個人截的士走，抗癌勇士達明雖然外型仲好瘦，但精神唔錯，塊面仲紅過關公，似乎都飲咗唔少酒。

直至11點，古仔就搭住林峯膊頭行出嚟，兩人同樣飲到紅都面晒，一身名牌嘅古仔，着住Thom Browne外套襯Dsquared塗鴉牛仔褲，腳踏價值$5,300元Valentino波鞋，多年前被傳過刻意模仿古仔嘅林峯，呢晚着住對波鞋款式，咁啱又同古仔對鞋鬼咁似，真係心有靈犀嘞！

記者問點解咁齊人嘅？古仔鬼馬話：「唔齊人，得兩條友啫。」問佢哋係唔係傾大計？古仔隨口講：「係呀，好大計。」飲咗酒嘅林峯就call的士走，原來古仔特登送林峯落樓搭車，兩上分別前仲互拍一下，表現得老友鬼鬼。

11-9-2015

蘋果

師徒團聚密密斟 古仔、林峯搭膊傾大計 (視頻)

http://hk.apple.nextmedia.com/entertainment/art/20150911/19290288

【銅鑼灣】古天樂同林峯當年拍劇集《尋秦記》時傳出不和，有指古仔唔鍾意演自己徒弟嘅林峯喺外形同膚色都刻意模仿自己。不過最近有傳古仔計劃拉攏原班人馬下年開拍《尋秦記》電影版，前晚本報記者發現兩人約埋飯局，古仔似足大佬咁搭住林峯膊頭，兩人仲着住款式類似嘅兄弟鞋，友誼萬歲。

前晚大約9點幾，記者喺古仔投資、位於銅鑼灣嘅名廚食肆，首先發現劉青雲架保母車泊喺樓下，一個鐘之後，見到青雲、吳鎮宇同張達明先行離去，三人都飲到面紅紅，低調嘅青雲見到記者，表現得唔多想影相，鎮宇就笑笑口打招呼，仲上咗青雲車返屋企。達明就一個人截的士走，抗癌勇士達明雖然外形仲好瘦，但精神唔錯，塊面仲飲到紅過關公。

送落樓搭的士

直至11點，古仔就搭住林峯膊頭行出𨋢，兩人同樣飲到面紅紅，一身名牌嘅古仔，着住Thom Browne外套襯Dsquared塗鴉牛仔褲，腳踏價值$5,300元Valentino波鞋，多年前被傳過刻意模仿古仔嘅林峯，呢晚着住嘅波鞋款式，咁啱又同古仔對鞋咁似！

記者問點解咁齊人嘅？古仔鬼馬話：「唔齊人，得兩條友啫。」係咪傾大計？古仔隨口話：「係呀，好大計。」飲咗酒嘅林峯call的士走，原來古仔特登送林峯落樓搭車，兩人分手前仲互拍一下，表現得老友鬼鬼。

採訪、攝影：徐錦池、羅德光

■古仔做東，好客氣咁送埋林峯上的士。

 

■兩個人十幾年前合作過《尋秦記》，嚟緊有機會再續師徒緣。劇照

■甚少夜蒲嘅青雲（右）有啲尷尬，同鎮宇一齊返歸。