26-7-2015

蘋果即時

【條裙一樣喎！】林峯飲完林夏薇嗰餐 孖千語BB落夜場

http://hk.apple.nextmedia.com/enews/realtime/20150726/54017251

千語BB條裙已經出賣咗你!

 

 

 

凌晨唔換衫就跟住男友落夜場...

 

千語BB噚晚著呢條裙....(讀者提供影片截圖)

 

噚晚林峯堂妹林夏薇出嫁，凌晨時份林峯就同女友吳千語結伴出現喺美國歌手Chris Brown喺夜場Dragon-i嘅表演，佢離開會場時被記者追訪堂妹結婚一事，林峯就扮晒咩都唔知話:「梗係唔係啦。」

問佢有冇送禮，同千語及幾位年長親友現身夜場係咪算係婚後派對，佢就擰晒手，記者講到已經出晒報道，佢就諗咗一陣:「你哋收啲風咁詭異嘅。」其實佢女友吳千語凌晨著住條裙已經出賣咗佢哋，因為同佢喺出席噚晚林夏薇婚禮條裙係一模一樣，去完婚禮仲落夜場，真係精力旺盛。

【升呢人妻即蒲】林夏薇撇甩老公 孖林峯落夜場

http://hk.apple.nextmedia.com/enews/realtime/20150726/54017454

林夏薇噚日秘嫁金融才俊Jason，升呢做咗人妻。不過，婚宴後佢就即時撇甩老公，同堂阿哥林峯、吳千語，加埋一班親友大約10幾人，齊齊去Dragon-i開After Party。

着白衫短褲露腿嘅林夏薇，啱啱入場都有不停低頭篤電話，唔知係咪同新婚老公報告行蹤，但之後佢都玩得好High，仲一度企喺梳化椅隨着音樂起舞，但後來林峯發現咗記者影相，就即刻通知堂妹，林夏薇就同一個比較年長嘅女仕走後門鬆人，最後就睇唔到Chris Brown個騷。

林夏薇舉行完婚禮，就撇低老公去夜場玩。

林峯穿上Valentino波鞋連走兩場。

 

Valentino 拼色波鞋 $5,200

 

 

 

ON.CC

林峯為保秘密拒正面回應林夏薇婚事 (視頻)

http://hk.on.cc/hk/bkn/cnt/entertainment/20150726/bkn-20150726075011749-0726_00862_001.html

【on.cc東網專訊】無綫花旦林夏薇與金融才俊Jason喺山頂豪宅秘密舉行婚禮，林夏薇事前對婚事三緘其口，連一眾圈中好友都全不知情，淨喺見到堂兄林峯到賀，估唔到林峯中午出席完堂妹婚禮，夜晚就同女友吳千語去咗中環睇Chris Brown嘅表演，完騷後無耐，就見林峯同吳千語及一班朋友齊齊步出夜場，二人好大方咁任影唔嬲，不過因為現場太多記者，林峯為免影響其他途人，咁就一班人行咗去較靜嘅地方等車，期間問林峯係咪出席完堂妹林夏薇嘅婚禮，林峯起初仲想幫堂妹隱瞞答話：「我無收過消息喎！」不過當記者表示婚禮情況已經見咗街，林峯有啲尷尬咁話：「你哋啲消息都好詭異！」打圓場，之後林峰就面帶笑容保持緘默未有再回應記者嘅提問，最後同千語及朋友一齊上的士離開。

堂妹林夏薇低調出嫁，去完Chris Brown表演騷嘅堂兄林峯為咗保守秘密，唔肯正面回應堂妹結婚一事。

開頭林峯話無收過林夏薇結婚嘅消息。

不過知道消息已經見咗報，林峯個樣即時有啲尷尬。

之後就唔再肯回應任何提問，吳千語直頭擰歪面唔理。

林峯臨走前同記者揮手講bye bye。

林峰低調乘車到場祝賀堂妹林夏薇結婚。