頭條即時

千語拍戲冷親惜林峯無探班

http://www.stheadline.com/inews-content.php?cat=f&nid=955084

蘋果即時

獲贈林峯肖像雕刻唇膏 千語BB笑指似黃百鳴

http://hk.apple.nextmedia.com/enews/realtime/20150409/53616702

吳千語今日喺尖沙嘴出席牛仔服飾品牌活動，大會推出咗雕刻唇膏系列，做咗支千語肖像唇膏外，仲為千語製造神秘驚喜，做多一支佢男友林峯肖像嘅雕刻唇膏送比千語，千語收到時有啲驚喜同尷尬，但都肯擺男友支唇膏喺嘴邊影相。

司儀話呢個男仔肖像同佢關係好親密？千語即笑話係咪黃百鳴。事後，問千語係咪唔知情？佢話都睇過稿，都知佢哋想講邊個，問佢覺得似唔似？佢話：「唔係好似，話求其一個男仔都ok。」講到佢話似黃百鳴，會唔會好hurt男友？佢笑話：「唇膏咁細，好難話似，睇得出係男仔囉。」

千語話支林峯唇膏會自己keep，唔會送比男友，唇膏比佢都冇用，同埋搽咗就冇，問佢係咪都唔捨得搽？佢話應該唔會用，自己有咁多唇膏。

千語呢排喺上海拍電影《葉問3》，噚晚凌晨先返，一陣又要走，佢話上海好凍，帶唔夠衫都有少少作感冒，問佢男友有冇做佢人肉羽絨？佢話：「佢（男友）喺橫店，天各一方。」

講到林峯之前話會去探女友班？千語就話：「太遠喇，來回要六、七個鐘，暫時未嚟探班。」問佢期唔期待男友嚟？佢話都要拍完咗先，如果自己日日開早，都冇乜時間，因為佢拍戲現場都幾遠。

千語話拍完呢部戲，仲有個劇要拍，要留多三、四個月，佢話喺《葉問3》要被打，問佢男友咪要嚟監場？佢話：「自己都有啲驚，遲啲會拍比一班人打，應該係武行嚟，佢哋好恐怖，拳拳有力，好似仲要比人摑一巴，打嘅好似係譚耀文，但未開始拍。」

ON.CC

傻傻分不清楚！吳千語認唔到男友同黃百鳴？(視頻)

http://hk.on.cc/hk/bkn/cnt/entertainment/20150409/bkn-20150409132242329-0409_00862_001.html

【on.cc東網專訊】藝人吳千語出席時裝品牌活動，獲品牌高層贈送一款印有男友林峯肖像的雕刻唇膏，更指唇膏肖像本人與其有密切關係，但千語卻笑指肖像似其老闆黃百鳴，惹得全場大笑。問到事前可知道有此驚喜？千語表示：「事前都有睇過稿，又唔係真係好似，因為要雕刻出嚟，但睇得出個樣似一個男人。（畀林峯用？）佢唔搽唇膏，都唔會用到。（自己日日搽？）做擺設，唔會用。」

千語透露近日忙於在上海拍攝電影《葉問3》，特意乘搭凌晨機回港出席活動，晚上便要趕回上海繼續拍攝：「上海好凍，同香港冬天天氣差不多，帶唔夠衫所以感冒。（林峯有冇去探班？）佢喺橫店，大家天各一方，如果探班會好遠，至少要六至七個鐘，加上我嗰區又唔係喺上海區。（會逗留幾耐？）仲要拍完一套劇，大約三至四個月。」提到戲中多動作場面，千語表示自己會被打：「畀人打多，我自己都有啲驚。（畀咩人打？）戲入面嘅壞人武行角色，好恐怖，佢哋喺片場隨便就可以打個後空翻，拳拳有力，會畀人打一拳摑一巴，而譚耀文就會負責摑我一巴。（林峯好心痛？）遲啲先會拍畀人打，依家文戲多。」  

其實係千語收到印有林峯肖像嘅雕刻唇膏。

點知佢話似老闆黃百鳴多啲。

笑死人！

千語拍戲要畀人打。

男友一定好心痛喇！

千語連男友林峯同老闆黃百鳴都傻傻分不清楚？

林峯（資料圖片）