26-1-2015

頭條日報

《衛子夫》「苦戀」周麗淇 沈泰片場開心果

http://hd.stheadline.com/ent/ent_content.asp?track=news&contid=317430&srctype=n

※林峯對沈泰評價亦Good，話唔介意收對方做契細佬。

※沈泰對林峯讚不絕口。

nowTV頭炮原創劇集《衛子夫》在內地熱播，成功開拓周麗淇（Niki）內地市場發展，更帶挈埋男友徐正曦在港的知名度。劇中飾演衛青的內地演員沈泰苦戀「平陽公主」周麗淇，前者坦承兩人在戲內有感覺，奈何戲外未能擦出愛火花。他笑說：「我唔知點解Niki揀徐正曦，問咗自己成晚都唔知輸乜呀。」沈泰為人好搞笑，唔怪得在片場成日令林峯同周麗淇笑到標晒眼水。採訪：方騫平攝影：沈灝南

《衛子夫》經已於now香港台播出，製作人梅小青除讚賞香港演員周麗淇、林峯演技出色外，兩位內地演員沈泰及李欣聰都被點名激讚，沈泰在《衛子夫》內周旋靚女群，分別同「平陽公主」周麗淇、「皇后」王珞丹、「沈葭」李欣聰有感情線，守護王珞丹、苦戀周麗淇同時被李欣聰苦戀，自從呢個劇在喺內地熱播後，沈泰成為男神之一，得到唔少粉絲追捧。

他坦承，希望藉住《衛子夫》在港播出可以打響知名度，然後好似徐正曦咁來港發展。記者取笑他拍感情戲時應該近水樓台追掂周麗淇，以「周麗淇男友」身份咪最快得到港人認識囉，他竟大笑說：「我都唔知點解Niki男朋友唔係我，佢同我講話唔會揀演員做男朋友（佢講大話，秋後算帳啦！）哈哈，我知，佢講大話，不過，佢同徐正曦都幾襯。」

雖然做唔成男女朋友，但就成為好兄弟，片場中跟林峯及Niki經常笑到收唔到聲：「好奇怪，我都唔知佢哋笑乜，林峯話未試過有拍檔咁好笑，佢好好人，好似大哥哥咁照顧人，會喺片場送風扇，我好想同佢上契呀。」李欣聰指沈泰的眼神夠搞笑，帶給大家唔少歡樂，至於林峯就解釋：「因為沈泰個人好認真，有時我同Niki講緊笑，佢就一臉認真追問：『真架？』太認真咪會輸囉。」林峯唔介意收沈泰做契細佬，但要求對方準備好金飯碗呢。