21/1/2015  中環蘭桂坊「Unleash Entertainment 開幕大典」

蘋果即時

【連林峯都唔睇無綫？】《勁歌》總選收視跌7點 因為冇咗林峯？

http://hk.apple.nextmedia.com/enews/realtime/20150121/53357959

林峯（中）去撐莊冬昕（左）及鄧智偉（右）場。

 

 

鄧智偉同莊冬昕合資開娛樂公司，今日喺中環開幕，2013年鄧智偉劈炮離開無綫嗰陣，曾傳過係同拍檔林峯(《Chok》～ChokChokChokChokChok)一齊出去打天下開公司，0依家林峯真係唔撈無綫喇，但原來係簽英皇，主力賺人仔。

今日鄧智偉同莊冬昕新公司開幕，林峯幾忙都好，都要嚟賀一賀嘅，之後仲有合作添。林峯話:「呢間公司我冇份0架，但我遲下出新碟，同佢哋都會有合作，要準備錄音0架喇。」

鄧智偉就話今次投資咗七至八位數字，得佢同莊冬昕兩個partner，又謂歡迎任何股東加盟；咁會否叫林峯入股？「我諗佢遲啲都知間公司係點，到時睇下佢點諗囉。」

講起峯哥，過去年年威盡亞皆老街至太子道西，但今年一冇咗佢，《勁歌》總選咁啱就跌咗7點(新聞連結: http://bit.ly/1zw1kyB )，平均收視14點(約91萬觀眾)，最高17點(約110萬觀眾)。

問峯哥係咪一冇咗你即刻冇咗7點？佢笑笑口話:「唔關我事，我今年冇去係因為去咗華鼎獎，同埋我今年冇歌。」又謂:「其實依家邊個台都好，收視都係會跌嘅，因為依家網上會分薄咗囉。」

《勁歌》總選賽果儼如英皇x星夢之夜，其他唱片公司好似全部消失晒咁，當然星夢嗰班得力於何哲圖同余詠珊兩公婆，收穫更加豐富啦。問林峯點睇賽果？佢話:「我冇睇喎，冇留意。」記者話佢知都係星夢同英皇掃獎，林峯就齋講自己公司同事:「係呀，好似祖兒，軒仔(張敬軒)呀我都有恭喜佢。」

咪住先，唔睇《勁歌》總選賽果？唔通依家連大台前第一小生都唔睇TVB？林峯即急急澄清:「唔係，之前喺TVB做嗰陣都冇時間睇。」

講到話啲得獎歌好多都冇乜人識，林峯話:「唔係呀，我識《使徒行者》首主題曲呀!」幽默到呢…

相關新聞:
開放《勁歌》總選　冇約照入圍 TVB跪低　求星撐場
http://bit.ly/158A2kc

《勁歌》益自己友 收視破新低 謝安琪失金曲金獎 轟無綫不公
http://bit.ly/1Eqgzbn

http://hk.apple.nextmedia.com/enews/realtime/20150121/53357799

鄧智偉係同莊冬昕(即係「食軟雪糕雪糕雪糕」嗰個)合資開娛樂公司，今日喺中環開幕，六嬸方逸華、樂易玲同林峯都有出席。

明報即時

《勁歌》收視大跌 林峯：唔關我事[21:14]

http://ol.mingpao.com/cfm/star5.cfm?File=20150121/saa04/ma421140.txt

《勁歌金曲頒獎禮》收視跌7點，林峯今日出席活動時笑說：「不關我事，我當晚參加『華鼎獎』，而且我沒有入圍歌曲，沒有新歌，我一年沒有出碟。」

林峯坦言沒有看《勁歌金曲頒獎禮》，又否認離開無綫便不看無綫節目，「即使我以前在無綫工作也沒有時間看劇集，自己劇集也不看，沒有時間」。

林峯笑說《勁歌金曲頒獎禮》收視大跌跟他無關。

ON.CC

撐鄧智偉做老闆　林峯冇入股

http://hk.on.cc/hk/bkn/cnt/entertainment/20150121/bkn-20150121181940098-0121_00862_001.html

【on.cc東網專訊】藝人林峯出席好友鄧智偉的娛樂製作公司成立記者發布會，談到林峯是否股東之一？林峯直言未有入股，但新公司很多拍檔都是好友，所以特地來撐場，將來亦會有更多合作方式：「其實不嬲都有合作開，所有嘢未搞，未簽新公司前已經有聯絡開。」

他又透露很快會有新歌，其中一首歌更是這間製作公司為他所寫，談到今年勁歌頒獎典禮少了他，收視跌了七點，林峯說：「嗰晚我去咗華鼎獎，加上今年冇新歌。（有留意賽果？）冇睇。（一離開就唔睇無綫？）唔係，以前拍劇太忙都冇時間睇自己拍嘅劇。」但林峯亦笑說知道金曲金獎是自己有份主演的《使徒行者》主題曲《越難越愛》。

問到會否覺得收視成績不理想？林峯直言現在平均收視都比過住低，因為網上平台分薄了，應該要再加上網上點擊率。講到下年出新碟再撐場？他表示今年應該會出碟，3-4月則會拍內地電視劇，希望有時間宣傳。

林峯今年冇歌，所以冇去勁歌。

林峯透露今年會出碟，3-4月到大陸拍劇。

林峯（中）現身撐好友鄧智偉的公司成立。

鄧智偉莊冬昕開公司：歡迎入股

http://hk.on.cc/hk/bkn/cnt/entertainment/20150121/bkn-20150121183213953-0121_00862_001.html

【on.cc東網專訊】音樂創作人鄧智偉為新成立的公司舉行記者會，他表示與同是音樂創作人及歌手的莊冬昕創辦這間公司，目的是以娛樂去宣傳不同品牌，在過去的一年裏，他到過世界各地聯絡品牌代理，而第一個計劃是波鞋推廣，該品牌即將在北京、上海、杭州三地開設分店。

否認林峯入股

問可會簽藝人？鄧智偉說：「唔會，我哋會做Training（訓練），大家見到我哋有三間Studios（錄音室）同一間排舞室，主要係幫佢哋做訓練，基本上都係一個、一個計劃咁做。」

問投資了多少？鄧智偉直言與莊冬昕分別投資了七、八位數字。至於林峯可有入股？鄧智偉說：「傳啫，出面好多傳聞，大家有興趣可以入股，（會叫林峯入股？）睇下佢點諗啦！」

鄧智偉（左二）與莊冬昕（右一）強調林峯（右二）不是股東，但歡迎大家入股。

鄧智偉（大圖左）與莊冬昕（大圖右）開公司，圈中猛人現身支持，當中包括林峯（左小圖由上至下）、無綫高層樂易玲、歌手何雁詩、TVB非執行董事方逸華（右小圖由上至下）、金牌電視劇監製劉家豪梅小青夫婦和藝人林盛斌等。

頭條即時

林峰否認投資新公司成老闆

http://inews.stheadline.com/inews-content.php?cat=f&nid=929763

林峰出席活動，否認有投資鄧智偉與莊冬昕創辦的新公司《Unleash Entertainment》，成為公司老闆的傳聞；但新碟會交由這間公司製作。對於《勁歌》總選收視大跌，他稱不能作準，因網上重播會分薄收視。