12-12-2014

頭條網

千語BB禁露 林峯無鴨做 吳君如愁爆

http://hd.stheadline.com/ent/ent_content.asp?track=news&contid=312239&srctype=n

※林峯和千語BB一向愛得癡纏，女友一聲令下，廿四孝男友梗聽話。

吳君如去年首次監製的電影《金雞sss》以約4,200萬元的票房，仍然保持今年華語片賣座冠軍。不過《金雞》系列暫時落幕，改由金鴨頂上，君如冧掂好友古天樂出錢又出力，攜手炮製賀歲片《12金鴨》。雖然有古仔坐鎮，話明《12金鴨》，主角梗係仲有11隻金鴨啦！早前指剛收一億加盟英皇娛樂的林峯，有傳經好友古天樂拉攏下有望騷肌做鴨王，連佢自己都話曾接觸過君如，不過據悉林峯女友吳千語大力反對，一聲「禁露」，林峯即刻Say no，搞到君如大亂陣腳。日前，君如湊女shopping都黑口黑面，呢鋪君如真係要再碌爆人情卡先搞得掂！

採訪 : 張詠森

《金雞》系列票房好，吳君如食髓知味改以舞男為主題，再任監製拍《12金鴨》，導演繼續係鄒凱光。據悉，鐵定有古天樂和盧覓雪外，落實主演鴨仔的仲有劉浩龍和Baby John(蔡瀚億)，早排有報道指余文樂、周柏豪、彭于晏、黃秋生等會做鴨，不過至今仍未落實。

唔畀女人摸

上月底已roll機的《12金鴨》，鴨仔名單未定，主角林峯又甩底，搞到君如頭痕。據知情者透露，林峯日前強勢加盟英皇，會歌影視三棲發展，雖然佢有興趣大膽做鴨，不過套電影入唔到大陸，公司當然唔like，最重要係千語BB唔畀露，知情者爆：「千語同林峯詐嬌，話唔想男友俾其他女人又攬又摸，激咀床戲更加唔可以拍，女友打翻醋酲，峯峯咪推戲囉。」林峯唔演，君如急call好友幫手。

同阿女玩捉迷藏

日前下午5時許，剪左個新髮型拍新戲的君如湊，女去中環太子大廈濕平。黑超君如零化妝無笑容，與8歲半的女兒陳是知先去二樓睇時尚擺設，拖實其女兒的是Juno(麥浚龍)的中英混血兒女友戴庚玲(Janine)，估計做model、part-time教英文的Janine可能係陳是知的英文補習老師。睇睇吓，手拎狗仔公仔的陳是知突跑出店外，Janine見狀尾隨追出，做母親的反而見怪不怪，繼續睇野。之後小妹妹拖住Janine上三樓玩具店睇書，君如收到Janine來電亦上三樓的店舖睇廚具，此時鬼靈精的小是知就拖住Janine姐姐四圍跑，同母親玩捉迷藏，小是知見母親間中去書店門外搵女，就匿埋在牆邊，君如見阿囡匿得咁高興，故意扮搵唔到，然後再入店睇家品，十分鐘後才獨自離開，到地下會合女兒走人。

※當日素顏吳君如發現記者後，又遮面又低頭避鏡。

※古天樂(左二)去年有份拍《金雞sss》，今年就用錢又出力，更脫衣做鴨王。

※金裝劉浩龍、黑實姜皓文、白淨baby john日前開工，君如扮老翻G Dragon神秘現身，為baby john慶祝28歲生日。

鴨王候選人

http://hd.stheadline.com/ent/ent_content.asp?track=news&contid=312240&srctype=n

搵齊12金鴨一啲都唔容易，所以君如日前去台灣搵大隻新丁外，仲有?過其他男藝人好友。

※彭于晏 唔使操，隨時晒肌。

※黃秋生 《金雞》系列好友，演出機會大。

※周柏豪 余文樂 豪恨演。

※鄭中基 《金雞》系列笑匠，應無走雞。