29-11-2014

東方

吳千語 「峯」戀無悔

http://orientaldaily.on.cc/cnt/entertainment/20141129/00282_003.html

吳千語是獨女，故希望將來會生最少兩個孩子。

藝人吳千語（Karena）在新片《青春鬥》中將刁蠻、任性的角色演繹得淋漓盡致，她接受《好報》專訪時坦言自己在現實中絕對沒有港女病、公主病和o靚妹病，故演出時亦有難度。自公開與男友林峯拍拖後，不時被指對男友要求多多，她否認傳聞並說：「實在太誇張，報道太層出不窮，但我每次逐一澄清，下次銀碼會愈寫愈大，所以我選擇唔再澄清。」回想當日男友單方面公開戀情，吳千語不悔「被公開」：「我明佢（林峯）點解要公開，當日圍繞我們之間的負面新聞太多，就係因為你愈唔肯去講清楚，報道就會一篇一篇咁出，所以公開係一件好事。佢喺一個合適時間做了一件適當嘅事。」吳千語表示欣賞男友做事低調和上進，她說：「佢脾性比較慢，我反而急進，係一個緩和。」談到婚姻，她認為適婚年齡是35歲前，但現在並非合適時候。

28-11-2014

東方

http://orientaldaily.on.cc/cnt/entertainment/20141128/00282_055.html

直腸直肚的千語自言唔識轉彎抹角，得罪人都唔知。

吳千語在新片中飾演性格直率的千金，她坦言現實中說話也不轉彎抹角，與男友林峯相處當然也不例外，遭對方寸「唔靚」的她又稱不愛花言巧語。直腸直肚的千語更笑林德信是「獨孤精」，並大爆拍檔將戀情收得好埋。

林德信（Alex）、吳千語及盛君早前合拍新片《青春鬥》。演純情怕醜仔的Alex，為追求「女神」盛君而加入武術隊。他笑言因角色只得18歲，故未有親熱戲而感失望。現實中，在外地留學的Alex表示，到高中才與女學生同班，又指當時身邊男同學性格全變：「佢哋個個有目標，但我就覺得要真實啲，所以繼續踩板、打波，唔會重色輕友，結果追唔到女仔。」不過，千語則爆Alex不如角色般保守：「戲裏同我有乜講乜，但現實佢收得好埋，把口撬極都唔肯講另一半，係我遇過數一數二口密嘅人。」她又謂常與對方分享私人事，Alex卻嫌煩懶得覆短訊，難道是怕女友詐型？Alex則笑稱拍攝兩個月，跟千語日見夜見已講太多，千語卻笑他是「獨孤精」：「佢好享受個人時間，會自己一個做運動。」

不愛花言巧語

而飾演千金小姐的千語，於片中為「大師兄」徐正曦加入武術隊。她自言直率性格與現實相似：「我講嘢唔轉彎抹角，有時得罪人都唔知，對熟嘅朋友講嘢好直接，有時冇理到人感受。有次朋友試褲我話佢好肥，有啲朋友接受到就覺得好好，因為我會反映真實意見，但唔熟嘅人就會尷尬，依家會講少啲嘢免賴嘢。」

她又指未曾得罪男友林峯，自己也不介意別人對她坦白，問是否男友沒甚挑剔？千語說：「同佢相處最直接，唔使轉彎抹角。（男友話過你？）佢都係個直接嘅人，唔好睇就會話唔好睇。佢都話過我着衫唔靚，其實我鍾意聽啲真實意見，唔鍾意人成日讚我，話我着咩都好睇。」