25-11-2014

東方C1

林峯1億簽英皇 打開影帝路 (視頻)

http://orientaldaily.on.cc/cnt/entertainment/20141125/00282_001.html

林峯將會練大隻，準備以打仔姿態闖影壇。

林峯正式加盟英皇，並親認收一億賣身做親生仔。昨日的加盟記者會上請來六大導演坐鎮，英皇在未來將安排林峯在影壇搶灘，目標洗走「CHOK」氣，打造林峯成為新一代武打男星，「打」開影帝之門！而林峯亦指將會練大隻準備大展拳腳，積極為一億搏命，即使要全裸示人亦在所不辭，全面配合英皇的「裸你命一億」計劃！

本報早前獨家披露林峯以一億賣身英皇三年，昨晚英皇終於舉行記招宣布林峯加盟，老闆楊受成、天后容祖兒、一眾資深導演及音樂製作人均有出席。而古天樂、鄭伊健、楊千嬅、吳尊、周麗淇、吳君如、蔡卓妍等好友送上短片祝賀，唯獨林峯女友吳千語BB未有影蹤。

坐林寶堅尼出場

林峯坐在車牌為「EEG」的林寶堅尼辣跑出場，穿黑西裝的他Chok爆登場，英皇兩大高層吳雨及霍汶希上台恭賀林峯時，他親認以一億簽約英皇：「真係好多謝老闆楊受成先生，我咩都交晒畀佢，令自己呢一億簽得值！」

隨着林峯強勢加盟，「英皇四大天王」正式誕生，由謝霆鋒、林峯、古巨基及張敬軒帶領公司擴大版圖。正所謂一山不能藏二虎，更何況現有四天王，所以在分配資源方面，令吳雨及霍汶希相當頭痕。據內部消息指，公司將安排四天王兵分四路發展，貴為上市公司老闆的霆鋒會繼續專心打理自己的業務，基仔集中拓展大中華市場，軒仔則專注音樂。

新加盟的林峯獲安排繼續歌影視三棲，以電影作主打，所以記招請到袁和平、陳木勝、郭子健、莊文強、麥兆輝及岑建勳六大導演撐場，其中不少導演擅長武打戲，可見英皇誓要為林峯建立「打仔」形象，在影壇叱咤「峯」雲，而袁和平亦開口叫林峯練大隻備戰，為林峯奪影帝鋪路。

渴望走入大銀幕

受訪期間，林峯被問為何女友缺席？他說：「工作嘛，係分開嘅。其實今日開心又緊張，尋晚緊張到『落枕』。」他坦言要為加盟價一億而搏命，談到有傳在吳君如新戲中飾演「鴨王」，他說：「有聽過傾緊呢個計劃，但聽得最多都係傳媒講。其實我對大銀幕都渴咗好耐。（問准千語？）工作唔會過問。」

林峯續說為電影可豁出去，問可介意全裸示人？他說：「睇吓係咩片，有文藝氣息嘅可以考慮。（袁和平叫你操大隻？）自問我都唔難練大隻嘅！」

林峯坐林寶堅尼出場，夠晒威勢。

六位導演現身支持林峯。

英皇老闆楊受成率新加盟的林峯和眾英皇高層及嘉賓一起祝酒。

大批粉絲到加盟記招現場撐林峯。

祖兒想見識雄風

http://orientaldaily.on.cc/cnt/entertainment/20141125/00282_002.html

容祖兒昨以「英皇一姐」身份歡迎林峯加盟英皇大家庭，她大讚林峯是個好演員，拍劇捱了多年現在繼續靚仔，狀態甚佳，是個全能藝人，祖兒說：「依家佢都唔會囂，對女友好好，古語有云，錫老婆先會發達，值得參考，佢係我男神。」最搞笑祖兒祝林峯「再創高峯」時，說錯成「再創雄風」，笑爆全場，她笑說：「佢嘅雄風我未必感受到。」

祖兒將客串演出電影《鴨王》，問可會跟林峯有床上戲？帶病的她喪咳說：「吓？我客串咋，未知，我受唔到，呢排哮喘唔使試，林峯行出嚟已經雄風凜凜。」在旁的Mani即糾正她笑說：「係威風凜凜呀。」祖兒坦言最想見識古天樂的「雄風」，她笑說：「個個都想，要揀個有body嘅，古仔好似好得，想知道佢三角褲下面係咪白色，哈哈，我都係講笑啫。」談到林峯以一億身價做英皇親生仔，祖兒說：「佢應該嘅，（你都有一億？）咁又冇，（你有幾億？）我有冇都要數吓，我有排先同公司約滿。」

容祖兒覺得林峯對女友好，應該會發達。

蔡卓妍催請食飯搞好關係

http://orientaldaily.on.cc/cnt/entertainment/20141125/00282_004.html

林峯不少圈中好友都錄了片段，恭賀林峯加盟英皇後大展拳腳，其中蔡卓妍催林峯請食飯，叫他搞好與同事的關係。

蔡卓妍：聽講你加入我哋大家庭，仲攞咗一億喎，你擺喺度都冇用啦，請食飯啦，搞好啲關係。

苗僑偉：我一步一步咁見到你演技愈嚟愈好，你已經係我心目中嘅「視帝」。

周麗淇：一年前我哋因為拍《衛子夫》而相熟，但好遺憾我哋只係演姊弟，而唔係情侶。

吳君如：又有一個「皇峯」誕生啦，希望你成為娛樂圈嘅王者「峯」範。

英皇男星粒粒勁

http://orientaldaily.on.cc/cnt/entertainment/20141125/00282_005.html

英皇娛樂的男藝人粒粒皆星，不是影帝就是炙手可熱的當紅明星，足證英皇娛樂為巨星搖籃。

1999年首次拍片就成香港電影金像獎最佳新演員，2010年再奪金像獎影帝。今年演的英皇電影《一生一世》，在內地上映六日票房破1.6億港元。今年主持的內地綜藝節目《12道鋒味》亦大受歡迎。

去年12月憑《救火英雄》獲澳門國際電影節最佳男配角獎，今年演的古裝內地劇《古劍奇譚》開播，因而受關注，最近更擊敗韓星李敏鎬及鹿晗等奪亞洲最具人氣男神獎。

2009年加入英皇後多次獲十大勁歌金曲及最受歡迎男歌手等大獎，2012年成為首位獲邀出席美國《Billboard Music Awards》的中國歌手。

吳千語祝男友早日封帝

http://orientaldaily.on.cc/cnt/entertainment/20141125/00282_003.html

藝人吳千語昨日雖然未有出席男友林峯的簽約記者會，但她亦向男友送上祝福和恭賀，她透過電話訪問時表示：「我都知佢今日簽約，正式加盟新公司展開工作嘅新一頁，祝佢事業蒸蒸日上，向着自己理想繼續進發，希望佢可以有更好嘅成績。」

對於男友成為新公司的力捧對象，更出動六大著名導演現身撐場，可謂六大導拱照，吳千語得知後說：「咁公司都好重視佢，希望佢喺電影上有更大嘅發展空間。（想唔想佢做影帝？）咁當然係一件好事，希望佢可以向呢個目標進發。」

吳千語希望林峯可繼續向自己理想進發。（資料圖片）

太陽

動作導演撐行林峯做影帝 (視頻)

http://the-sun.on.cc/cnt/entertainment/20141125/00470_020.html

林峯昨晚正式成為英皇「親生仔」，多位以動作電影為主的導演出席盛事，相信英皇有意打造阿峯成為動作演員，實行要他「打餐飽」！

林峯昨晚舉行記者會宣布正式加盟英皇娛樂，老闆楊受成、英皇行政總裁吳雨、經理人霍汶希（Mani）、容祖兒（Joey）、陳志雲及多位電影導演到場支持。開場時，阿峯坐白色林寶堅尼現身，落車後即時多謝楊生，又指心情非常緊張，前一晚更瞓到落枕！活動期間播放了多位藝人的祝賀短片，包括鄭伊健、楊千嬅及吳君如等，大部分都想阿峯請食飯。其後，一眾導演上台祝賀。而壓軸上台的吳雨被問到是否以一億元簽林峯？他笑說：「一億咁少，佢都唔止呢個價啦！」

拍戲冇底線

阿峯受訪時表示希望第一步先出唱片，因已有年多未有推出新碟，問到會否參演君如的電影《鴨王》？他透露公司正接洽中，但亦渴望再拍電影，並願意為戲豁出去：「好似《色，戒》咁有文藝氣息嘅我接受到！」

英皇早已有謝霆鋒、古巨基及張敬軒等一線男藝人，故阿峯加盟後，資源分配問題令吳雨及Mani非常頭痛！

資源冇問題

據悉英皇內部已有圓滿的方案，首先霆鋒已榮升老闆，所以不會擔心資源問題。而基仔將會主力發展內地市場，軒仔則專注做音樂。新加入的阿峯本身在電視圈和樂壇已有一定成績，今後更會打入大銀幕，實行歌、影、視三棲，相信英皇亦會全力協助阿峯登上影帝寶座！

一眾導演如麥兆輝、陳木勝、袁和平、莊文強及郭子健等均以拍動作電影為主，由此推斷阿峯極有可能向動作演員之路出發，可見一億身價並不是可輕易「袋落袋」，公司名副其實要佢「打餐飽」！

林峯獲安排在煙霧下坐林寶堅尼Chok爆登場，排場盡顯架勢。

 

導演麥兆輝（左起）、郭子健、袁和平、陳木勝及岑建勳等將全力協助林峯在影壇再創佳績。

 

 

 

祖兒讚林峯「雄風凜凜」

http://the-sun.on.cc/cnt/entertainment/20141125/00470_021.html

 

「英皇一姐」容祖兒代表公司歡迎林峯加盟，對林峯讚不絕口的她揚言視對方為男神，她說：「佢係全能藝人，又唔會囂，對女朋友又好，俗語有云，錫老婆會發達，值得參考！」帶病出席的她恭祝林峯「再創高峯」時，誤說成「再創雄風」，令人捧腹大笑，她幽自己一默說：「佢雄風我未必感受到！」將客串電影《鴨王》的祖兒問到跟林峯可有床上戲？她喪咳地說：「吓？我受唔到，呢排哮喘！（試佢雄風？）唔使試！佢喺機場行出來已雄風凜凜！」在旁的霍汶希忍不住笑說：「係威風凜凜呀！」祖兒笑言如若見識男星雄風，首要條件是對方有Body：「古仔好似都得！想知道佢三角褲下面係咪白色（膚色），哈哈！我都係講笑啫！」談到林峯以1億身價加盟，她指自己沒有，記者打趣問：「你有幾億？」她說：「我有冇都要數吓，但我仲有好耐先約滿！」

 

祖兒口快快講錯林峯「雄風凜凜」，又想見識古天樂的「神秘三角」。

 

 

 

千語BB想男友向影帝出發

http://the-sun.on.cc/cnt/entertainment/20141125/00470_022.html

 

吳千語雖然未有出席林峯的記者會，見證男友簽約的重要時刻，但她亦隔空向男友送上祝福，她受訪時說：「係，我都知佢今日簽約，正式加盟新公司，工作上正式展開新一頁！」並祝願林峯事業蒸蒸日上，繼續向理想進發更創佳績。對於公司出動香港六大導演親臨以示支持，全力配合林峯在影壇的發展，她說：「咁公司好重視佢，希望佢喺電影上有更大發展空間。（做影帝？）咁當然係一件好事，希望佢可以向呢個目標進發。」

 

未有親臨打氣的千語BB，寄語男友在影壇上發光發亮，邁向影帝之路。