141124  香港會展「林峯 x EEG《A Time For LF》再創高峯」記者會

 

ON.CC

再創高峯講錯再創雄風！祖兒封林峯做男神 (視頻)

http://hk.on.cc/hk/bkn/cnt/entertainment/20141124/bkn-20141124204145055-1124_00862_001.html

 

容祖兒祝林峯「再創高峯」，竟變成「再創雄風」。

 

【on.cc東網專訊】容祖兒以「英皇一姐」身份歡迎林峯加盟英皇大家庭，她大讚林峯在舞綫是個好演員，非常捱得，當年祖兒也為無綫拍過劇，她說：「拍咗一套得番半條人命，林峯咁多年依然咁靚仔，狀態好好，係個全能藝人，到依家都唔會囂，加埋有拖拍對女友好好，古語有云，錫老婆先發達，值得參考，佢係我男神。」

 

講錯「再創雄風」

 

最搞笑祖兒祝林峯「再創高峯」時，說錯成「再創雄風」，笑爆全場，她笑說：「佢嘅雄風我未必感受到。」當她送林峯裝滿寫住「LF X EEG」紅色氣球時，再次說錯：「再創雄風。」令大家發笑。

 

想揭開古仔三角褲

 

據知祖兒將客串電影《十二金鴨》演出，跟林峯會有對手戲，問兩人可有床上戲？帶病的她喪咳說：「下？我客串咋，未知，我受唔到，呢排哮喘。（試吓佢雄風？）唔使試，林峯喺機場行出嚟已雄風凜凜。」Mani在旁即糾正她笑說：「係威風凜凜呀。」

 

問到最想見識那位男星的「雄風」？祖兒說：「個個都想，揀個有body嘅，古仔好似好得，想知道佢三角褲下面係咪白色，哈哈，我都係講笑啫。」

 

衛子夫請錯老夫子

 

祖兒希望林峯可帶她見識電視劇，勇闖橫店，她說：「佢套老夫子好得。」其實應該是「衛子夫」，她表示自己好捱得，談到林峯一億身價做英皇親生仔，她說：「佢應該嘅。（你都有一億？）咁又冇。（你有幾億？）我有冇都要數吓，我有排先同公司約滿。」

 

容祖兒大讚林峯是她的男神。

 

祖兒歡迎林峯加入英皇。

 

聽見祖兒祝自己「再創雄風」，林峯即刻哭笑不得。

 

峯峯被祖兒氹得笑到見牙唔見眼。

 

祖兒笑言接受唔到同林峯拍床上戲。

 

吳雨（左）及Mani祝林峯再創高峯。

 

祖兒與林峯

 

祖兒笑言想知道古仔三角褲下係咪白色。

 

 

 

蘋果即時

【方丈份人...】林峯加盟英皇 無綫唔採訪

http://hk.apple.nextmedia.com/enews/realtime/20141124/53162757

 

林峯離巢無綫後正式加盟英皇，今日喺灣仔舉行記者會，現場所見大台並冇派記者到場採訪。記者會除邀得陳志雲擔任司儀外，容祖兒亦以大師姐身份代表旗下各藝人出席，而老闆楊受成、吳雨、袁和平、陳木勝、麥兆輝同岑建勳等電影人也現身撐場，場面墟坎。

 

林峯駕白色林寶堅尼、由性感車模陪伴進場，祖兒喺台上恭賀林峯，佢話：「恭喜你再創雄風（高峰）。」引來全場爆笑，祖兒直言好佩服林峯拍劇咁耐，好捱得，佢話：「我記得當年拍劇真係得番半條人命。」

 

林峯同吳千語愛得痴纏，今日加盟為點解冇叫女友嚟支持？林峯話：「工作都係分開啲好，其實噚晚自己都好緊張，仲瞓捩頸。」問佢收咗一億酬勞是否要更博命？佢話：「當然要啦！自己已經ready，第一炮會喺音樂上先，大哥話我仲差一隻碟。」而吳君如亦有錄片賀林峯加盟新公司，片段中君如更要林峯拍《12金鴨》一片，林峯話：「自己都有聽呢個傳聞，知道有嘢接洽緊。」會唔會考慮全裸？佢話：「睇吓咩片，呢套係喜劇，角色設定上要落心機。」若然真係接拍《12金鴨》，問千語BB會否反對？林峯話：「工作上嘅嘢我哋互相全力支持。」佢又話之前拍劇冇時間做自己想做的事，依家可以全心全意作準備。

 

祖兒將會客串《12金鴨》一片，講到會唔會有床戲一嚐林峯嘅「雄風」？佢笑住話：「客串啫，我受唔到，呢排哮喘。」祖兒笑指唔需要試都知林峯雄風勁，佢話：「佢平時喺機場都雄風澟澟。」除咗林峯，祖兒笑言也想見識古天樂嘅雄風。

 

林峯簽約英皇：準備搏殺[21:59] (視頻)

http://ol.mingpao.com/cfm/star5.cfm?File=20141124/saa04/ma221590.txt

 

林峯今日簽約英皇時說：「我已準備搏殺，不論是歌影視哪方面。」有指吳君如邀請林峯拍《金鴨》，林峯則稱一切未定，「我覺得最重要的是，電影本身是喜劇，角色的設定要下心機，屆時跟吳君如談，要構思一下」。

 

林峯表示，已準備在歌影視三方面「搏殺」。