16-11-2014

壹蘋果馬網

林峯拉頭馬有後着 (視頻)

http://hk.racing.nextmedia.com/art_main.php?showdate=20141116&sec_id=3403908&art_id=17140532

Chok樣男神林峯（右二）昨日罕有於沙田馬場出現，仲有拉頭馬，原來他應幟哥黃永幟邀請入場，事關幟哥的老友大地團體名下馬「大地王者」有機會贏，而馬兒最終在黎海榮胯下爆14倍W。第一次拉頭馬的林峯表示將申請做馬會會員，並希望好似好友幟哥咁成為馬主。

蘋果即時

林峯現身馬場 拉完假馬 再拉真頭馬 (視頻)

http://hk.apple.nextmedia.com/realtime/racing/20141115/53131667

http://hk.apple.appledaily.com/sports/art/20141116/18936686

峯峯謙稱跟幟哥入嚟見識下，感受一下跑馬嘅刺激。被問到有冇興趣好似郭富城咁做馬主時，峯峯話自己都好想一試，因為覺得好新奇，啲純種競賽馬亦好魁梧好有線條，好想擁有一匹。不過峯峯笑言自己仲未係馬會會員，但即將會申請。咁就奇喇，係人都知峯峯老竇林國華有「廈門李嘉誠」之稱，峯峯自己亦咁有地位，照計應一早入咗馬會。據知馬會好希望多啲頂級藝人做馬主，如果馬會知道峯峯有興趣，分分鐘遞份表格畀佢申請。

講番幟哥，家陣擁有「搖錢樹」、「為食仔」兩駒，佢隻團體馬「搖錢樹」本月9號上陣勝出，當日幟哥冇入場，錯過拉頭馬，好在「大地王者」呢日爭氣，戥下朋友開心，仲可以同林峯一齊影頭馬相，算係最佳補償。

林峯(右二)想做馬主但仲未係馬會會員

大地王者

 

林峯(右)與黃永幟

 

 

 

 

東網馬經

http://racing.on.cc/racing/new/20141116/rjnewa0002x0.html

 

值得一提，著名藝人林峯與熾哥黃永熾陪同「大地王者」馬主大地團體一眾成員拉頭馬，林峯透露希望自己日後有機會成為馬主。

 

 

 

ON.CC

【星閃閃】林峯連拉兩次頭馬

http://racing.on.cc/news.html?id=20141115151516

今日沙田樂聲盃賽事，吸引型男峯哥林峯入場，佢去到會員席時見到隻馬雕塑，立即同幟哥黃永幟預演拉頭馬。去到第二場賽事，「大地王者」贏馬，峯哥又同幟哥有份拉頭馬，一副清爽型仔造型嘅峯哥，惹來唔少女馬迷尖叫，好似置身紅館一樣。峯哥一日拉足兩次頭馬，真係威威呀！

林峯同幟哥先拉馬雕塑。

再拉「大地王者」頭馬。

【男生圍】邊個夠佢Chok？

http://racing.on.cc/news.html?id=20141115184800

Chok，香港潮流用語，意即刻意地耍帥，此潮語2009年開始在香港被廣泛使用。要數Chok王鼻祖，謝賢是也，及後其子謝霆鋒完全繼承此衣鉢。近代Chok王寶座，林峯異軍突起，與霆鋒分庭抗禮。Chok王，已成為林峯的代名詞。

林峯雖然被猛烈陽光曬住，但阻唔到佢Chok樣。

峯哥嘅笑容夠晒陽光。

【男神駕到】林峯想帶千語BB拉頭馬

http://racing.on.cc/news.html?id=20141115173508

今日馬場唔止有意國男神，喺跑道上奔馳，我哋香港都有男神代表入場，佢就係...林峯！平時好少見峯哥入馬場，雖然千語BB唔似跟得夫人咁跟到實，但佢一樣著得靚靚仔仔見人，一入場就同幟哥拉馬雕塑，熱熱身先。

咁究竟林峯入場為啲乜？佢話入馬場學下賽馬，身邊亦有好多馬主朋友。至於會唔會試下做馬主，峯哥話養馬嘅話要先對馬匹加深認識，佢本身都有興趣。林峯仲話好快就成為馬會會員，最緊要向幟哥學下嘢。咁又真係喎，林峯落到沙圈好專心聽大家講解馬匹，當然唔少得係同粉絲合照。

其實林峯入場係為咗支持幟哥，第二場「大地王者」贏咗之後，佢哋就唔使拉雕塑馬，成棚人落咗凱旋門拉頭馬，個個笑笑口，睇嚟收穫都唔少。峯哥話第一次拉頭馬，希望下次有機會帶埋千語BB入嚟拉頭馬。

計我就話，如果峯哥仔養馬嘅話，最好改隻馬名叫千語寶寶，咁女朋友仔一定冧到爆呀！

林峯第一次感受拉頭馬滋味。

林峯錫晒千語BB。

新報

【快樂賽馬】林峯學定拉頭馬

http://www.hkdailynews.com.hk/NewsDetail/index/549179

著名飲食業老闆黃永幟（左），與影視紅星林峯（右），入前場先預演一下拉頭馬的情況，果然跑馬期間，兩者老友的「大地王者」勝出，立刻有實踐的機會，據聞林已申請成為馬會會員，希望盡快做馬主。

由前練馬師梁定華領軍的「大地王者」，馬主大地團體班齊人馬入場打氣，結果爆出14倍冷門取勝，而這駒也正是梁定華賽日大力推介的冷馬貼士。

明報

林峯有興趣做馬主

http://ol.mingpao.com/cfm/star5.cfm?File=20141116/saa01/mbd1.txt

甚少在馬場現身的林峯，昨日卻罕有地現身馬場，「男神」入到馬場當然受注目，他亦樂意與粉絲合照。何解男神會出現？莫非有心做馬主？林峯原來是來捧幟哥（黃永幟）場，因幟哥有份養的「大地王者」出賽，而且跑到冠軍，自己入場即為幟哥帶來鴻運，所以幟哥邀他齊齊拉頭馬。問林峯會否效法郭富城、張智霖等成為馬主？他坦言都有興趣，加上有不少馬主朋友，不過他對馬的認識實在太淺，故一定會多些了解才做馬主。不少網民即為其「新馬」起名，叫「千語BB」就最貼切了。

同場還有譚詠麟等入場，大家更合照留念，還被不少馬迷形容他們是財神；不過，阿倫說無論入馬場是否贏錢，朋友難得碰頭聚會，已是開心事了。

苗僑偉(左二)、譚詠麟(中)、林峯(右二)及黃永幟(右一)等友人在馬場碰頭，除了交換貼士亦可交流養馬心得。

林峯（右二）跟幟哥（右一）入馬場為其「大地王者」打氣即贏第一，所以落凱旋門齊齊拉頭馬慶祝。