8-11-2014

 

ON.CC

澳門大玩親民送抱抱　碧咸自拍神器同粉絲影相 (視頻)

http://hk.on.cc/hk/bkn/cnt/entertainment/20141108/bkn-20141108191058192-1108_00862_001.html

 

碧咸現身澳門出席活動，期間表現親民，毫冇架子，仲向《on.cc東網》送上親筆簽名添。

 

【on.cc東網專訊】萬人迷碧咸（David Beckham）現身澳門為最近完成翻新的四季名店開幕，吸引逾百名巿民圍觀，一身西裝打扮的碧咸甫現身，巿民即歡呼尖叫。

 

送皮褸畀男Fans

 

碧咸在台上接受謝婷婷男友戴尚安訪問後，便邀請拉斯維加斯金沙集團零售業務高級副總裁David Sylvester一齊試飲由碧咸代理的威士忌，三人更以自拍神器跟巿民玩自拍，其後碧咸送出由他設計的皮褸給一位男幸運兒。對方大讚碧咸靚仔，又指五歲起已是碧咸粉絲，碧咸聽罷即時攬攬對方。

 

以Romeo為傲

 

碧咸表示兩年前曾到澳門，大感澳門改變迅速，每次都很享受當地食物，又大讚澳門人友善。碧咸工作百足咁多爪，問到如何分配時間？他稱家庭一定放在首位，為向子女樹立好榜樣，所以更要努力工作。

 

談到現年12歲的二仔Romeo最近成為Burberry聖誕廣告男主角，碧咸即面露慈父樣說：「我以佢為傲，覺得佢好有潛質。（係遺傳自你定太太Victoria?）應該係太太。拍攝前我同太太都有畀意見，多謝品牌畀呢個機會，我覺得好幸運，Romeo都好開心，我以佢為榮。（可以成為你哋接班人？）我好鍾意佢嘅演出，做得好好，好完美。不過小朋友嘅諗法成日變，我哋要做嘅係畀愛佢，由佢自由發展。」

 

細個做花童拒着西裝

 

被視為Fashion Icon的碧咸自稱愛購物，但並非購物狂：「我尤其喜歡同小朋友一齊購物，男仔比較易，但女仔就唔同，我個細女雖然得3歲，但個衣櫃已經好可觀。」碧咸自認是一個很有條理的人，但就不會早一天就安排好第二天的衣着打扮，他喜歡時裝，有自己一套，記得小時候做花童時，他拒絕穿西裝，堅持由自己配搭。他又指自己的穿衣風格受到男星Steve McQueen影響，至於他最鍾愛的時裝item是8年前購買的一對靴，他笑言視之為自己的另一個小朋友。

 

另外，碧咸還特地為《on.cc東網》送上親筆簽名。

 

碧咸所送出嘅皮褸，係咪特別有品味呢？

 

戴尚安（左）訪問碧咸。

 

碧咸有問必答，仲大爆只得3歲嘅囡囡個衣櫃已經好可觀。

 

戴尚安（左起）、碧咸及副總裁David Sylvester一齊試飲由碧咸代理的威士忌。

 

一齊玩自拍神器。

 

碧咸真係好靚仔呀！

 

碧咸囡囡已經三歲大喇。（資料圖片）

 

碧咸二仔Romeo最近成為廣告男主角，碧咸都話以仔仔為傲呀！（資料圖片）

 

碧咸親筆簽名真係好難擁有！

 

 

 

澳門見萬人迷　戴尚安訪問碧咸婷婷好羨慕！

http://hk.on.cc/hk/bkn/cnt/entertainment/20141108/bkn-20141108191118021-1108_00862_001.html

 

【on.cc東網專訊】謝婷婷男友戴尚安（Sean）為澳門活動開幕禮擔任司儀，在台上訪問萬人迷球星碧咸，Sean透露今次已是第三次訪問碧咸，他大讚對方好人：「作為同性，我都覺得佢好有魅力，好靚仔又成功，仲要係四個小朋友嘅爸爸，難得係至今都保持住咁友善。佢都啟發咗我要喺慈善方面做多啲貢獻。」

 

Sean表示婷婷也是碧咸粉絲，幾個月前婷婷亦見到碧咸本人及合照，當婷婷知道Sean今次要跟碧咸做訪問時都有祝他好運。

 

Sean有得訪問碧咸，婷婷都好羨慕。

 

唔止婷婷羨慕，係全世界女人都羨慕呀！

 

仲用自拍神棍相添。