22-8-2014

頭條網

回歸再做花旦王 佘詩曼讚林峯離巢大個仔

http://hd.stheadline.com/ent/ent_content.asp?track=news&contid=298269&srctype=n

※阿佘拍《使徒行者》拍得好操勞，因為動作場面不斷。

※跟三哥合作是阿佘的心願。

陳法拉同林峯先後逃離TVB，在外飄泊兩年的佘詩曼卻「鳥倦知還」，重返「娘家」坐回頭號花旦位，重用程度達到要乜有乜，回歸作《使徒行者》除拍住前首席小生林峯外，仲跟三哥（苗僑偉）合作，電影版《衝上雲霄》是TVB終極重頭作，阿佘當然擔任要角。如此得寵，阿佘忍唔住展露滿足笑容：「公司對我好，係我返黎既最大原因，我真係冇乜要求，更加唔認同啲人批評無綫霸道同冇人情味，我撐TVB！」

由佘詩曼、林峯及苗僑偉等主演的重頭劇《使徒行者》將於下周一晚九點半開始播出。

阿佘飾演一位既粗魯又貪錢的臥底警察，要混入社團做蠱惑女，打打殺殺在所難免，爆樽同用摺凳打人是閒事，色誘林峯才是重點。

不過，阿佘強調色誘場合會用輕鬆搞笑手法帶出，鹽花是零。她又形容拍到此劇好大滿足，因為監製文偉鴻將角色設定得好立體，感情描寫亦好豐富，愛情、親情同義氣情應有盡有，「演員控制唔到收視，但可以享受到過程！」阿佘聲稱唔會期盼再做視后，只要觀眾鍾意睇，劇集製作得好就足夠，畢竟得獎要天時、地利、人和配合。

TVB好有人情味

對於林峯離巢，過來人阿佘指阿峯已大個仔識打算，「可能佢好快會返黎，之前我孤注一擲決定外闖，除左想擴闊眼光，主要係因為有危機感，萬一觀眾睇到悶先識得走就會太遲，家陣返黎因為公司畀到好好條件我，自由度又好大，又可以同未合作過既人合作。喺我眼中無綫好有人情味，作為政府，大公司都好，其實點都會左右做人難，啲人與其怪責唔公平，不如做好自己，咁咪會快樂好多囉！」

採訪：方騫平　攝影：陸旻昱

化妝：Katherine Lo 髮型: Paul（Hair） 服裝：N12H（costume）

場地提供：Opera House Italian Restaurant and Bistrot