23-8-2014

ON.CC

吳千語唔想同林峯情侶檔：咁老土 (視頻)

http://hk.on.cc/hk/bkn/cnt/entertainment/20140821/bkn-20140821205634303-0821_00862_001.html

吳千語想同林峯夾時間去旅行。

吳千語話對住林峯會演唔到戲。

【on.cc東網專訊】影星吳千語今日在尖沙咀出席電影《王家欣》煞科宴。她表示自己有兩部戲已煞科：「之前返內地兩個幾禮拜，嗰套都煞咗。因為呢兩部係搭住嚟拍，所以呢段時間好辛苦。」而九月會開賀歲片的她就指今年好充實。問有否時間休息？她謂：「呢幾日都有休息，返到嚟香港好開心。返到屋企嗰種感覺始終唔同，喺第二度住酒店係另外一種感覺。（旅行？）考慮吓，都可以去休息吓。（夾林峯時間？）都可以咁講，同朋友去都OK。（想去邊？）想去陽光與海灘，可以同大自然近啲嘅地方。」問到會否準備三點式？她就指今年興着一件頭：「女仔一件頭都可以好靚嘅，當然係靚嗰種一件頭，唔係泳隊嗰種。」她又指自己不喜歡綁帶式泳衣，怕游得快會甩帶。

對住男友演唔到戲

問千語是否想男友加入自己公司？她坦言沒有意見：「之前有報道話我拉攏佢，其實我未識佢之前我老闆同佢都合作咗好多次，所以冇關係。我亦都冇去加意見，因為我覺得佢都同老闆咁熟，唔使去做到咁老土。（過嚟情侶檔。）唔需要嘅，做嘢最好都唔好一齊，我自己唔係好鍾意。純粹係我哋兩個個人唔鍾意，冇其他因素。」

問是否同戲也不會演情侶？她就指從未有人邀請過他們演情侶：「會好尷尬，我好怕尷尬。（留返屋企sweet？）唔知呢，我對住佢我演唔到戲。」

在戲中與黃又南演情侶的千語就大爆有咀嘴戲：「本身就掂一掂嘅，後尾就拍多咗個take，就係我強吻黃又南。第一次強吻人就畀咗佢。」她事後覺得好怕醜。

黃又南激讚千語專業又有型 (視頻)

http://hk.on.cc/hk/bkn/cnt/entertainment/20140821/bkn-20140821214254124-0821_00862_001.html

【on.cc東網專訊】藝人黃又南今日出席電影《王家欣》煞科宴。他表示近一個月前已完成拍攝，更指自己每逢拍完都不捨得劇組：「拍咗十幾年戲都仍然有呢種感覺，好似Last Day嗰日咁，大家都好唔捨得，希望下次可以再合作。」問是否愛上對手吳千語？他就笑言：「喺戲裡面愛上咗佢，戲入面一定要愛上佢，如果唔係大家喺螢幕上睇唔到有共鳴。（幾時抽離到？）我拍完就抽得走！」他又指千語其實好男仔頭：「有時仲型過我！佢話『唉呀！行啦！快啦！』，佢係好爽快、好爽朗。」

講到同場的千語話自己獻出首次強吻戲，又南就即時變得口窒窒：「千語真係好專業，未拍之前導演都話未去到（錫）就差唔多要收，但導演就話不如拍一個（錫嘅版本）。」怕記者寫錯的又南更講得好小心：「大家真係同一時間走去刷牙。」問是否真的強吻？他就坦言不是，亦僅於兩三秒：「佢主動埋嚟錫我，但冇強吻。（好唔好咀？）我媽咪好咀啲。」他更大爆媽咪趁自己瞓覺就入房錫自己：「我媽咪到依家都有錫我面豬登！」又南又表示導演在拍咀戲前都有問千語會否介意：「甚至乎問佢需唔需要打番公司，但係千語真係好專業。（佢有打？）佢冇。」他更講笑話自己Whatsapp林峯問點算，雖然僅屬吹水，但他就繼續搞笑扮林峯：「你咪咀囉！我去碼頭接你！」他又表示林峯有來探班兩三次：「我睇得出佢哋兩個真係Sweet！」更指千語跟男友同自己傾偈的語氣大為不同。然後又南又發現千語在旁邊聽他講甚麼，場面搞笑。

東方

http://orientaldaily.on.cc/cnt/entertainment/20140823/00282_041.html

影星吳千語前晚在尖沙咀出席電影《王家欣》煞科宴。問最近有兩部戲煞科的她有否時間休息？她謂：「呢幾日都有休息，返到嚟香港好開心。（旅行？）考慮吓，都可以去休息吓。（夾林峯時間？）都可以咁講。」更表示最想去有陽光與海灘的地方去旅行休息一番。

吳千語透露要夾林峯假去旅行休息。

太陽

千語強吻又南嗌怕醜

http://the-sun.on.cc/cnt/entertainment/20140823/00470_032.html

吳千語和黃又南合作的新戲《王家欣》前晚舉行煞科宴。在戲中與又南演情侶的千語大爆有咀戲：「本身就掂一掂嘅，後尾就拍多咗個Take，就係我強吻黃又南，第一次強吻就畀咗佢。」千語事後坦言覺得好怕醜，她又表示想和林峯夾時間去有陽光與海灘的地方玩。而又南則被問會否愛上對手千語？他笑說：「喺戲裏面愛上咗佢。」

蘋果

http://hk.apple.nextmedia.com/entertainment/art/20140823/18841332

前晚千語BB與黃又南在尖沙嘴出席電影《王家欣》煞科，未有預計被人影到與阿峯外遊的千語BB，當時稱終於完成手頭上的電影，直到下月才為賀歲片開工，當時她被問會否趁機去旅行時，千語BB稱可以考慮，再問是否度緊男友林峯的期？她說：「可以咁講，但同朋友去都好開心，我最想去陽光與海灘嘅地方，同大自然近啲！」相信她想不到朝早出發時會遇上記者，踢爆謊言！

獨對男友溫柔

千語BB稱不介意與男友同公司，不過問會否情侶檔演出？千語BB甚抗拒地說：「做嘢唔好，我對住佢演唔到戲㗎，唔會將感情拉埋工作度，冇必要。」黃又南亦稱林峯試過探兩三次班，他更笑說：「我試過唔係有心偷聽吳千語講電話，佢背住阿峯溫柔，對住我好man！」

■黃又南稱見到林峯到片場探千語，表現甚Sweet！

蘋果即時

拒與男友林峯情侶檔演戲  千語BB：我對住佢演唔到戲

http://hk.apple.nextmedia.com/enews/realtime/20140821/52820650

吳千語﹑黃又南﹑泰臣及Super Girls嘅李靜儀（Heidi），今晚喺尖沙嘴某火鍋店舉行電影《王家欣》煞科。

千語BB表示對新戲煞科好開心，因為佢拍呢部戲時，搭住另一部內地電影，三個月內趕起兩部戲，0依家有得休息下，嚟緊九月又開賀歲片，至年底為止計埋賀歲片，佢會拍多三套戲，千語BB話最開心係終於可以返屋企。

問到會否趁機去旅行？千語BB話可以考慮，咁係咪度緊男友林峯個期？佢話都可以咁講，但同朋友去都好開心，佢話最想去陽光與海地灘地方，同大自然近啲，咁準備好晒三點式？千語BB笑言：「今年興一件頭，但係靚嗰啲，唔係泳隊，以前我係泳隊時，唔鍾意冇帶或者綁繩款，呢啲得個靚字，唔實用，跳水嗰啲會甩。」

咁會否拉攏男友入公司？佢話：「自己冇畀過意見，佢同老闆（指黃百鳴）合作好多次，都好熟，自己唔mind同公司，但唔使咁老土啦。」會唔會情侶檔演出？千語BB聞言甚抗拒：「做嘢唔好，係自己唔鍾意，覺得個感覺唔好，佢（林峯）都係咁諗。」

咁若果真係要一齊拍戲呢？千語BB話：「都冇咁嘅人邀請，有嘅都應該唔得，因為自己好怕尷尬，我對住佢演唔到戲0架，唔會將感情拉埋工作度，覺得冇必要。」

另外，戲中千語BB與又南有親熱戲，係一場咀戲，佢話本身只係點一點，但導演要拍多一場，係千語強吻又南，千語BB話：「我第一次就咁畀咗佢。其實自己拍時有啲怕醜。」

千語BB拒與男友林峯作情侶檔演出，佢覺得感覺唔好。

頭先即時

千語想與林峰享受陽光與海灘

http://inews.stheadline.com/inews-content.php?cat=f&nid=887162

吳千語現身新片《王家欣》煞科宴，千語表示剛剛在三個月內完成兩套電影的拍攝工作，正打算放假休息與男友林峰旅行，她透露很想到一些陽光與海灘的地方享受一下，問她是否打算以三點式跟陽光玩遊戲？她表示自己小時候是泳隊成員，所以不愛綁帶的泳衣，只因她害怕游得快時泳衣會甩掉，所以這次只會預備連身泳衣。

又南強吻千語先短訊通知林峰

http://inews.stheadline.com/inews-content.php?cat=f&nid=887180

黃又南、吳千語主演的新片《王家欣》舉行煞科宴，戲中本來只有又南輕咀千語一幕，但後來導演加插一幕要千語強吻又南。當時他們二人除即時擦牙作準備，而他更即時傳短訊給林峰，解釋此事與他無關。

新報