4-8-2014

 

ON.CC

林峯超市做阿四　千語撒嬌冧番 (視頻)

 

林峯和千語BB拍拖逛超市，林峯樂於做阿四。

 

【on.cc東網專訊】近期常離港工作的林峯，與女友吳千語拍拖到中環超市掃貨，出名錫女友的林峯推購物車擒高擒低、擔擔抬抬，做「阿四」仲笑騎騎。

戴帽及黑超的林峯，進入超市即「自動波」推住購物車四處選購，兩人睇完零食、又睇調味料，不一會已揀購了大堆食品。行經乾糧貨架，千語BB睇中貨架底層食品，林峯二話不說便踎低揀，而千語BB則從旁指指點點，之後搭下男友膊頭撒嬌，冧得林峯笑到四萬咁口。

林峯搬搬抬抬千語手揈揈

其後兩人又去廚具部，最後買了即食麵、杯麵、餅乾及調味料等兩大籃貨品往排隊付款，林峯當然負責埋單，更做埋阿四攞戰利品，然後搭升降機往停車場取車，兩人見到記者拍照即笑笑口打招呼，而手揈揈的千語BB臨走前還向記者揮手道別。

 

林峯千語BB專心研究，旁若無人。

 

千語BB搭林峯膊頭撒嬌。

 

林峯踎低幫千語BB攞嘢。

 

林峯與千語BB排隊畀錢。

 

千語BB風騷向記者揮手說再見。

 

林峯攞晒啲嘢唔畀千語BB攞，真係好有風度。

 

新聞鏈接 http://hk.on.cc/hk/bkn/cnt/entertainment/20140803/bkn-20140803231018116-0803_00862_001.html

 

 

 

太陽

千語搭膊頭撒嬌 林峯乖乖做阿四

 

林峯與吳千語昨日拍拖到中環超市買餸，甫進超巿，林峯即「自動波」推住購物車四處選購，兩人睇完零食，又睇調味料、生果及飲品等，不一會已揀選了大堆食品。當行經乾糧貨架時，千語BB睇中貨架底層的食物，林峯即踎低揀，而千語BB則站在旁邊指指點點，其後又搭膊頭撒嬌，氹得林峯笑到四萬咁口。

 

其後兩人排隊付款，林峯付款後還做埋阿四，拿着兩袋戰利品，搭升降機到停車場取車，步出時見到記者拍照，兩人即笑笑口，而手揈揈的千語BB臨走前向記者揮手Say Bye。

 

千語搭膊頭，林峯即時冧笑。

 

林峯踎低為千語揀食物。

 

手揈揈的千語情深地望住拿着兩袋戰利品的林峯。

 

新聞鏈接 http://the-sun.on.cc/cnt/entertainment/20140804/00470_018.html

 

 

 

東方

林峯金剛貼身服侍 齊做阿四 (視頻)

 

近期常離港工作的林峯，昨日與女友吳千語拍拖到中環超市掃貨，出名錫女友的林峯推購物車擒高擒低、擔擔抬抬，雖然全程做「阿四」，但仍笑到四萬咁口。

 

無綫當紅小生林峯與吳千語相戀以來，出雙入對，愛得癡纏。近期常離港工作的林峯，昨日就抽空陪女友到中環超市買餸。約下午4時，戴帽及黑超的林峯，與同樣戴住黑超的千語BB現身超市，甫進店內，林峯就「自動波」推住購物車四處選購，兩人睇完零食、又睇調味料等，不一會已揀選大堆食品。

 

撒嬌得米冇怨言

 

期間行經乾糧貨架時，千語BB睇中貨架底層食品，林峯二話不說便踎低揀，而千語BB則從旁指指點點，之後搭下男友膊頭撒嬌，就氹得林峯笑到四萬咁口。其後兩人又去廚具部，最後買了即食麵、杯麵、餅乾、調味料等兩大籃貨品往排隊付款，林峯當然負責埋單，更做埋阿四攞戰利品，然後搭升降機往停車場取車。兩人見到記者拍照，即笑笑口示好，而手揈揈的千語BB臨走前還向記者揮手道別。

 

廿四孝男友林峯同千語BB掃完貨，當然體貼地負責拎晒戰利品。

 

貴為男神的林峯踎低為千語ＢＢ揀食品，又有咩所謂？

 

新聞鏈接 http://orientaldaily.on.cc/cnt/entertainment/20140804/00282_026.html

 

 

 

星島日報

細心陪女友掃貨 麒麟臂攞戰利品 林峯夠Man又好溫柔

 

跟TVB約滿後，現處於休息狀態的林峯，難得偷來半日閒，就跟女友千語BB拍拖！昨日二人又溫馨出巡，一齊殺入超市掃貨，原來這位廿四孝男友，為陪即將到內地開工的女友儲糧，確實羨煞旁人。

 

昨日下午4時，只見戴住黑超的林峯與素顏的千語BB，在中環ifc拍拖兼入超巿掃貨，眼利的峯峯即時發現記者，兩人更風騷地Say Hi，問峯峯是否來拍拖Shopping？他卻解釋，「佢就鈬返內地開工，所以要入定鱓貨鎹！」

 

果然，兩人有齊計畫及目標掃貨，先行主力購買乾糧、粉麵等食品，其間更要職員出動幫手，但依然找不到心水貨品，不過無損兩人興致，全程更有商有量，十足「夫唱婦隨」，當然更不時送上幾幕打情罵俏，叫人羨煞當場。

 

掃貨惹衝突

 

由於峯峯孖實千語BB在超巿掃足成個鐘，圍觀途人和傳媒愈來愈多，千語BB即時要戴上黑超遮蓋素顏，兩人的掃貨真人騷，更搞到保安跟傳媒一度引起衝突。

 

峯峯此時即搞笑向本報記者說：「嘩，出特刊都得啦！（係出微電影呀！）」兩人最後在保安護送下，友善向傳媒道別離開，千語BB見峯峯拿兩袋太重，企圖幫手，但Man爆的峯峯當然Say No。

 

※廿四孝男友峯峯陪女友入超市掃貨。

 

※買了一大車乾糧，千語BB即補充：「佢（峯峯）都有份食！」

 

新聞鏈接 http://hd.stheadline.com/ent/ent_content.asp?contid=175203&srctype=g

 

 

 

頭條網

內地開工怕餓親BB 林峯陪千語儲糧

 

視頻 http://pop.stheadline.com/content.php?vid=12560&cat=f

 

跟TVB約滿後處於休息狀態的林峯，無綫做跟「7愛」女友千語BB拍拖是指定動作，昨日兩人又再溫馨出巡，一齊殺入超巿掃貨，原來二十四孝男友峯峯陪內地開工的BB去儲糧，真係死人。採訪：張詠森

 

昨日下午近4時，戴住黑超的林峯與素顏的千語BB，在中環ifc超巿現身，眼利的峯峯即時發現本報記者，兩人更風騷say hi，問峯峯是否來拍拖shopping，他卻解釋，「佢就返內地開工，去入定貨！」

 

有商有量

 

果然兩人有晒目標掃貨，主力買乾糧及粉麵類食品，其間更要職員出動幫手，但依然找不到心水貨品，不過無損兩人興致，全程有商有量，又不時打情罵俏。由於兩人在超巿掃足成個鐘，見途人和傳媒愈來愈多，千語BB即時戴番副超遮住，兩人的出現更搞到保安跟傳媒一度衝突。峯峯即搞笑向本報記者說：「嘩！出特刊都得啦！（係出微電影呀！）」兩人最後在保安護送下，友善向傳媒道別離開。

 

※離開時，峯峯除負責埋單，更晒兩大袋戰利品，千語BB當然笑得甜啦！

 

※千語BB起初素顏入貨，對美貌充滿信心。

 

※職員出手搵貨，依然找不到心水的麵線。

 

※女友顧住講電話，二十四孝男友峯峯仍專心選購。

 

※買了大籃乾糧，千語BB即向本報記者補充說：「佢（峯峯）都有份食！」

 

新聞鏈接 http://hd.stheadline.com/ent/ent_content.asp?track=news&contid=296024&srctype=n