18-5-2014

蘋果

宋承憲新片冧莊票房冠軍

http://hk.apple.nextmedia.com/entertainment/art/20140518/18723652

■宋承憲昨日現身《人間中毒》小型見面會，一進場就得到觀眾歡呼支持。

由男星宋承憲主演的話題三級片《人間中毒》在韓國上映四天，至昨日已累積近33萬入場人次，連續成為單日票房之冠，力壓同期上映的荷李活大片《哥斯拉》及玄彬新片《殺王者》。

為答謝觀眾支持，昨日宋承憲、溫朱萬及林智妍等就現身首爾東大門Megabox戲院舉行小型電影見面會。活動上宋承憲表示電影是他出道至今的最大挑戰，希望大家欣賞，贏得粉絲歡呼支持。結束活動前，眾演員們更拋開身份，照安排坐在地上與粉絲合照，但穿着貼身裙和高跟鞋的林智妍就顯得有點狼狽，仆仆跌跌的她令身旁的宋承憲及溫朱萬都感到尷尬。撰文：黎金美

■林智妍因要兼顧服裝而顯得有點狼狽，令宋承憲和溫朱萬只能儍笑回應。

【韓流】坐地下同粉絲合照  宋承憲大談《人間中毒》：出道以嚟最激嘅作品

http://hk.apple.nextmedia.com/enews/realtime/20140518/52487390

男星宋承憲主演嘅話題三級片《人間中毒》由14號開始喺韓國上映，開畫四日，去到噚日套戲已經累積咗近33萬入場人次，連續成為單日票房之冠，力壓同期上映嘅荷里活大片《哥斯拉》同玄彬嘅新片《殺王者》，非常巴閉。

為咗答謝觀眾支持，噚日宋承憲、溫朱元同林智妍等人就現身首爾東大門嘅Megabox戲院舉行小型電影見面會。活動上宋承憲同粉絲講套戲係佢出道以嚟，挑戰過最激嘅一部作品，希望大家多多欣賞，粉絲聽到即忍唔住係咁尖叫添。

結束活動之前，宋承憲佢哋仲拋開演員身分，坐喺地下同在場粉絲合照，但著住貼身裙同高踭鞋嘅林智妍就顯得有啲狼狽，仆仆跌跌嘅佢搞到隔離嘅宋承憲同溫朱元有啲唔好意思。

宋承憲同粉絲講套戲係佢出道以嚟，挑戰過最激嘅一部作品。