8-5-2014

蘋果即時

「小童版林峯」怕醜扭擰 千語BB慘食檸檬

http://hk.apple.nextmedia.com/enews/realtime/20140508/52456467

 

千語BB爆男友進行緊瘦身計劃。

 

吳千語喺尖沙嘴出席鞋履品牌活動，推出聯乘系列，大會安排「小童版林峯」獻花送吻，不過小朋友非常怕醜，扭擰唔出場，搞到千語BB慘食檸檬。

千語BB話經常遇到同類事件，喺活動一見小朋友就緊張，小朋友好難控制，但唔覺尷尬。問平日同小朋友點相處？佢話：「鍾意同小朋友玩，之前去南非同小朋友玩得開心。」

見佢身形超瘦，係咪去完南非瘦咗？佢話：「肥番，對腳有少少肉，想增5至6磅，0依家未夠100磅，想睇落健康啲，冇節食，冇運動，唔知咩原因瘦。」

拍拖開心唔係易肥咩？佢話：「睇我肥瘦冇標準，睇佢就會知道。」即係指林峯肥？佢話：「佢係重咗，進行緊瘦身計劃，我食晒啲嘢，獨食難肥。」

問母親節點過？佢話未買禮物，睇下男友喺唔喺香港，先決定會唔會一齊過，但買禮物方面會互相畀意見。

千語BB被影到監場，望實男友同同劇演員去玩，千語解釋當日係三哥苗僑偉叫佢去：「同佢哋唔熟，尷尬，本來唔想去，但三哥打電話話一定要嚟。」係唔係跟得女友？佢話：「本身冇諗住去，阿佘（佘詩曼）又叫我。」算唔算黐身？佢話：「我唔黐，佢都唔係，完全唔理大家唔合理，會一齊去朋友活動。」

ON.CC

吳千語呻林峯黐身

http://hk.on.cc/hk/bkn/cnt/entertainment/20140508/bkn-20140508153407833-0508_00862_001.html

【on.cc東網專訊】女星吳千語出席鞋履活動，大會安排了一名扮「林峯」的小朋友獻花給她，但該男孩出場時卻突然怯場，且一度木無表情及扁嘴，場面尷尬。事後千語笑謂經常「食檸檬」，她說：「好多時啲活動都安排小朋友出嚟獻花同獻吻，但佢哋通常會怯場，我都食過好多次檸檬，（尷尬？）小朋友唔會，如果係大人就好尷尬喇！」

她表示平日愛跟小朋友玩樂，而彼此相處亦沒有問題。現場所見，千語又瘦了一圈，但她卻稱已胖了幾磅，她續說：「我依家仲未夠一百磅，不過我已經肥番少少，（拍拖開心唔係會肥咩？）睇我肥瘦冇標準，睇佢（林峯）應該會睇到，佢自己話自己肥咗，依家佢減緊肥，（佢食晒你啲食物？）其實係調番轉，係我食晒佢先啱！」她又透露若男友林峯在港，或會跟他母親一起吃飯慶祝母親節，但現還未買禮物，會一起商討。

提到早前她與林峯出席苗僑偉等人聚會，被指跟得女友？她就否認說：「係三哥（苗僑偉）逼我去，同埋阿佘（佘詩曼）又叫我去，我唔係黐身女友，（佢係黐身男友？）ok啦，如果完全唔理大家又唔合理。」

吳千語否認是黐身女友，暗示男友林峯才黐身。

小林峯托眼鏡，都幾chok吖。

小林峯終於行出佢第一步，送花畀千語。

吳千語都有啲無奈。