2-5-2014

頭條日報

交足戲任你影 佘詩曼「扮勁」打Chok峯

http://hd.stheadline.com/ent/ent_content.asp?track=news&contid=284083&srctype=n

※未埋位，林峯拉住監製密斟，老實講，見他如此有heart，堅係有改觀的。

※對阿佘突襲，林峯亦交戲扮痛，玩到癲。

※當日拍攝兵捉賊戲份，四人齋企都好Chok，搞乜先。

佘詩曼與林峯孭飛新作《使徒行者》拍得如火如荼，劇中做臥底的阿佘經常出動私伙靚衫上陣，型格十足。上星期，大隊在筲箕灣拍外景期間，等埋位的阿佘突然使勁地對Chok峯寸勁插腰，林峯即七情上面扮中招，得阿佘笑唔停口。採訪：張詠森

無綫新劇《使徒行者》開拍至今一波三折，繼影帝梁家輝和森美先後因病辭演，早前沈震軒又炒車導致右手腕骨裂，幸好沈生堅持繼續埋位，讓該劇順利如期完工。

阿佘動作多多

上星期，大隊在筲箕灣某行人隊道拍攝一場兵追賊戲，四位主角佘詩曼、林峯、沈震軒、陳倩揚一早到場等埋位，但因要set燈試位，四人只好各自hea，玩手機、研究護膚品努力燒時間。

見有記者在場的林峯唔多敢玩，只拉監製文偉鴻密密斟，反而等到悶悶地的阿佘就動作多多，不時扭動嬌驅扮熱身，見記者鏡頭對準自己的她突然對林峯使出一招寸勁插肚，難得Chok峯即交戲扮痛，還低頭檢示腰位，舉動無聊但好笑。

※放飯時，阿佘拿飯盒等記者影相後，仍定pose唔郁，示意記者放她食飯，視后就是有本事一個眼神表心意，勁。

※等埋位好鬼悶，阿佘扭腰熱身。

※近朱者赤，沈震軒跟阿佘閒聊，不自覺扮Chok，搞笑。