東方

森美捱到躀低新劇半途劈炮 (視頻)

http://orientaldaily.on.cc/cnt/entertainment/20140219/00282_020.html

森美辭演，幸未影響到林峯與佘詩曼的戲份。

森美對於為劇組帶來麻煩深感抱歉。（資料圖片）

馬德鐘將接替森美在《使徒行者》的角色。

無綫電視劇《使徒行者》正拍得如火如荼，昨卻突爆出主角之一的森美因健康理由辭演，劇組更火速找來馬德鐘頂上。森美接受電話訪問時，直言是自己的缺失，對一直努力為他度期拍攝的無綫深感抱歉：「好對唔住TVB，的確係我嘅缺失！」

原定去年九月開拍的無綫重頭劇《使徒行者》可謂波折重重，先有為遷就答應拍攝的影帝梁家輝時間延期拍攝，但後來家輝卻拍戲斷肋骨迫於辭演，昨又突爆出主角之一的森美同樣因健康理由而辭演。

馬德鐘頂上

森美昨接受電話訪問，透露已拍攝了約10組戲，但最近同時兼顧電台工作、無綫節目主持和多場新年活動司儀，工作量過大令身體支撐不住，他說：「之前捱病咗，發高燒，衡量過自己身體，覺得真係捱唔到，之前都試過捱到病，但今次真係冧咗廠，好少病到咁，好驚影響套戲，怕拖延個進度，有諗過減戲份，但係怕減咗都捱唔到。」

對於劇組已找來馬德鐘頂上，未接獲通知的森美則感到愕然，只稱留待無綫決定。

認影響進度

森美亦多番強調無綫一直努力配合他的時間，從不阻撓他在外接job，因此對自己為劇組帶來的麻煩深感抱歉：「明白佢哋辛苦，成日都諗辦法度我個期，好對唔住TVB，的確係我嘅缺失！」問他怕唔怕有是非？森美說：「如果真係有我都樂意承受，因為係我自己嘅問題。（怕唔怕無綫追究？）我好樂意承擔，我真係影響到拍攝。」

森美好拍檔小儀得知森美辭演無綫新劇，她說：「佢之前係身體唔舒服，發燒感冒，識佢咁多年，佢真係好少因為病而告假，點都會做，佢咁鬼熱愛工作，有機會又爭取，而且佢好鍾意拍劇，今次相信佢真係感覺到身體狀況先會咁。」小儀坦言近日見到森美，都覺得他一臉倦容：「我都有問佢頂唔頂到，佢話又通宵咁囉，我轉頭都問候吓佢。」

太陽C1

森美捱到病拍拍吓辭演 (視頻)

http://the-sun.on.cc/cnt/entertainment/20140219/00470_001.html

陳敏之（右起）與阿佘及森美合作拍劇，已知道森美辭演的決定。

森美又要拍劇又要忙於錄影《我要做老闆》，確係分身不暇！

森美身兼多職，搞到健康出問題，無奈辭演拍攝中的《使徒行者》，並由馬德鐘頂替。（設計對白）

忙於拍無綫新劇《使徒行者》的森美，已完成部分戲份，不過，昨日爆出他以身體健康為由辭演，其角色更臨急臨忙改由馬德鐘補上。自言是始作俑者的森美，接受電話訪問時不停為辭演深感歉疚：「對唔住TVB！」

近年密密撈過界的森美，除擔任電台DJ外，身兼多職的他又要拍劇、擔任司儀及主持真人騷節目等。近日他與舊柏檔陳敏之、許紹雄及佘詩曼等人合作無綫新劇《使徒行者》，正當拍得如火如荼之際，他日前卻捱到病發高燒，為免拖累拍攝進度，以健康為由無奈辭演。無綫得悉後，已連忙力邀馬德鐘頂替其角色，身為義氣仔女的馬德鐘雖然身在外地，但已拍心口答應演出，並將於數日後開工。原本森美的角色將不會改變，馬德鐘繼續與陳敏之飾演情侶，但礙於早前森美已完成一部分戲份，馬德鐘需多花一個多星期重拍森美已完成的戲份。

向無綫道歉

森美昨日接受電話訪問時，坦承因身體健康而退出，並自言是始作俑者，與人無尤：「呢排好忙，又要電台又要錄影無綫節目《我要做老闆》，加上新年高峰期接咗好多司儀Job，最後捱病咗發高燒。我都有衡量過身體係咪捱唔到，以前就算病，我都頂住返電台，今次以為自己捱到，但當日真係『冧廠』拍唔到，我好少病到咁！」

已拍攝約10組戲的森美，雖然戲份不多，但仍擔心會拖延拍攝進度，故忍痛決定退出，他說：「初頭有諗住減戲份算，但都擔心減咗，身體都捱唔到。」對於開拍後才辭演，他不停表示「好唔好意思」，並說：「對唔住TVB，知佢哋好辛苦，的確係我時間上有缺失，監製已經好好，唔阻礙我電台工作，又好遷就我時間，我都知我個期一直搞到佢哋好頭痛，我已經係例外，如果平時其他小生要接出面嘅Job一定冇咁易。」他又澄清非電台不允許拍劇：「電台唔會干涉我DJ以外嘅工作，上次拍劇都有身兼多職，但今次真係始料不及。」

願承擔損失

對於劇組已找馬德鐘頂上，森美坦言未收到通知及一切留待無綫決定，目前只知道會暫停拍攝有關他的戲份。問到可會擔心辭演後負面新聞接踵而來？他說：「如果有，都願意接受，因為真係自己問題！之前同敏之同Benz雄合作多，我諗佢哋會體諒。（怕無綫追討損失？）樂意承擔，我真係影響到拍攝！」

小儀爆料成日捱通宵

http://the-sun.on.cc/cnt/entertainment/20140219/00470_003.html

森美的電台好拍檔兼老友小儀，對於森美突然辭演無綫新劇，她說：「我係聽佢提過吓好辛苦，知佢唔夠休息，因為佢之前唔係好舒服，呢排見到佢都好攰，眼神疲累，我哋都問佢頂唔頂到，佢話係呀又通宵。」小儀表示認識森美多年，他甚少因病告假，而且森美熱愛工作，知道對方鍾意拍劇，也會爭取工作機會，她說：「佢大隻騾騾真係好少咁（辭演）！平時有咩都頂，可能佢真係感覺身體狀況唔好，先會推咗個劇。（可能要賠償無綫損失？）應該唔會，佢又唔係幫其他電視台拍嘢。」她表示會問候森美。

小儀指森美疲態畢露，都擔心對方頂唔順！

許紹雄：我後生過佢頂得住

http://the-sun.on.cc/cnt/entertainment/20140219/00470_004.html

森美在《使徒行者》的拍檔陳敏之與許紹雄昨日接受電話訪問，坦言知道森美辭演《使》劇，三人曾在《法網狙擊》中合作，敏之知道森美身體不適，並說：「我自己都捱病過，所以知道身體最緊要，我好支持佢，希望佢快啲康復！冇嘢重要得過健康。」提到馬德鐘會頂替森美角色及要補拍之前已拍的戲份，敏之指沒有所謂，影響不大。

而許紹雄表示知道消息，但未有機會問森美原因，他說：「我都想問吓佢，上次同佢拍劇，佢拍拍吓都同電台請假，都辛苦，我都服咗佢。（叫佢接少啲出面有錢Job？）嗰啲先係錢。（你都接唔少！）但我後生過佢，仲頂得住。」

許紹雄笑言比森美年輕，所以頂得住！

《使徒行者》演員有難！

http://the-sun.on.cc/cnt/entertainment/20140219/00470_005.html

《使徒行者》這套劇可謂「多災多難」，除了森美以健康為由辭演外，去年10月，原本打算回巢擔正該劇的梁家輝在布拉格拍攝新片一場揸電單車戲時，不慎受傷，斷了3條肋骨，需時休息，無法接演該劇。

另外，去年底佘詩曼突然感到手部麻痹，發現原來是椎間盤移位，不可以穿高跟鞋，為了身體健康，阿佘即推掉可以推掉的工作。不過為了回巢拍劇，她積極做物理治療，近日拍《使》劇時亦先拍文戲，動作戲份則其後補拍，亦可能會找替身拍攝。

梁家輝因受傷斷肋骨，無法接演《使徒行者》。