頭條即時

吳千語爆林峰無到良家拜年

http://inews.stheadline.com/inews-content.php?cat=f&nid=834289

吳千語出席天馬娛樂舉行的春茗活動，衣著單薄的千語BB透露，今年男友無到她家向其家人拜年，因二人早前已到北海道滑雪過年，而且林峰早已跟她的家人飯聚過，覺得不需過時過節才碰面，最重要是心意。情人節即將來臨，千語指她和林峰已為對方準備了禮物，問到對方是否會送她附屬卡時，她笑謂：「唔係，自己買野用自己卡，我唔會盜用人地張卡。」

ON.CC

吳千語冒寒騷纖腰 濕平唔使靠林峯

http://hk.on.cc/hk/bkn/cnt/entertainment/20140209/bkn-20140209194444192-0209_00862_001.html

【on.cc東網專訊】黃百鳴的「天馬娛樂控股有限公司」於九龍灣舉行春茗晚宴，筵開38圍慰勞各員工。黃百鳴跟吳千語雙雙到場，當拍過照片後老闆黃百鳴向在場傳媒大派利是。

雖然今日天氣轉冷，穿起粉紅半截裙的千語竟大騷纖腰長腿，甚為性感！但就弄得伊人「騰騰震」，接受訪問時即蓋上外套以免着涼，千語直言沒想過會這樣凍，加上現時開始售買春夏季新裝，而今次已經是其性感極限，問到為何不與男友林峯前來？千語說：「佢要拍劇啊！要通宵趕拍十幾個鐘，（咁你好心痛？）唔會，都知香港拍劇係咁。」

提到之前她和林峯到北海道滑雪旅行可有大出血？千語直言都沒地方購物，他們都是愛做運動的人，笑問是否林峯專登選冇地方購物旅遊而可節省一筆？千語笑說：「其實我買嘢都係上網買，出街都總會被人影到，（你碌佢卡？）我自己嘅，唔可以盜用人哋嘅嘢。」

情人節將至，千語就話未知男友準備甚麼，但自己就想買一份手工藝品相贈，由於當日兩人也要開工，未知有否時間見面，追問兩人不是已同居？千語否認道：「唔係啊，睇吓到時大家放幾點再慶祝啦。」千語又謂男友未有向其母親拜年，但之前有吃過飯，覺得不需要一定這些日子（過年）才吃。

凍到千語BB「騰騰震」。

黃百鳴跟吳千語雙雙到場。

吳千語蓋上外套以免着涼。

吳千語向傳媒大派利是。

千語BB穿起粉紅半截裙，大騷纖腰長腿，甚為性感！

蘋果即時

【凍到呢】千語BB露腰裝出席春茗 見到都凍呀﹗

http://hk.apple.nextmedia.com/enews/realtime/20140209/52171307

黃百鳴、吳君如、吳千語等，今晚出席喺九龍灣舉行嘅春茗，千語BB身穿粉紅色入膊露腰上衣，再襯短裙，由於喺戶外做訪問，天氣實在太凍，佢要即時笠返件外套，問到點解着咁少衫出席春茗，千語BB解釋因為0依家好多名牌都轉咗春夏裝，佢冇乜衫可以揀，而且佢揀衫時都唔知天氣咁凍，仲落埋雨，佢話呢個係自己極限喎﹗

早前佢同男友到北海道滑雪，記者笑問係咪男友特登揀嗰度滑雪，唔使買嘢？千語BB就話大家都鍾意運動，買嘢就可以網上購物，問佢係用自己信用卡定係男友張卡付款？千語BB就話係用自己張卡。

情人節將至，千語BB話男友已準備咗禮物送畀佢，而佢自己都準備好，佢懶神秘話：「呢份禮物要整又要買，但唔講得係乜，其實最緊要係心意，唔使節日先送。」

真係見到都覺得凍呀。