加载中…《六褔喜事》吳千語旺角謝票
(2014-01-30 02:16:15)
标签：
林峯六褔喜事娱乐 |
分类： 峯‧電影 |
29-1-2014
蘋果即時
男友準備好情人節禮物 千語BB壓力大：未有頭緒買乜
http://hk.apple.nextmedia.com/enews/realtime/20140129/52141170
千語同谷德昭到戲院謝票。
千語深受觀眾歡迎。
吳千語話仲未諗到買乜嘢情人節禮物畀男友。
今晚吳千語及導演谷德昭到戲院為《六福喜事》謝票，千語被問到對新戲票房有冇信心？佢就話：「睇完首映，同上一套（賀歲片）比較，鍾意今年賀歲片多啲，節奏快啲，話題貼近年輕人，好多朋友話鍾意，所以希望多啲人支持，多啲人支持港產喜劇。」
有指該戲票房有假象，前排座位被掃清，被指離奇谷票房？千語只係話：「做演員本份係演好部戲，希望部戲有好票房，其他唔清楚，亦唔方便講。」
會唔會叫男友入場支持？佢話：「佢有客串呢部，唔知佢有冇時間睇，因為我知佢拍緊劇，可以的話，希望多啲朋友支持，佢可以睇返自己演出。（有冇對手戲？）冇呀。」約埋男友一齊睇？千語話：「可以可以，如果有時間的話。」
講到男友已準備好情人節禮物？千語就甜絲絲話：「我睇報道先知，因為我未準備。」
有冇壓力？佢再答：「有壓力呀，我仲諗緊，不過仲有十幾廿日，仲準備得切，未有頭緒。」係咪DIY抑或買禮物？千語就話兩樣都有。
記者笑言男友本身富有，所以咩嘢都有，千語聞言笑稱：「呢個就係一個問題，就係咩嘢都有嘅人，最難買禮物，男仔冇幾多樣嘢買，用嚟用去都係個幾樣，完全零頭緒。」會唔會煮餐飯？佢就話：「都要買禮物，因為禮物可以Keep到。」
ON.CC
吳千語為情人節禮物頭痕：林峯乜都有
http://hk.on.cc/hk/bkn/cnt/entertainment/20140129/bkn-20140129222039525-0129_00862_001.html
【on.cc東網專訊】藝人吳千語現身旺角為賀歲片《六福喜事》謝票，千語賣花讚花香表示，《六》片更勝上年的賀歲片：「節奏快啲，話題切合年青人，我啲朋友都睇咗，佢哋都鍾意，希望多啲人支持。」有指電影公司狂掃戲院頭排座位谷票房，千語就表示不清楚。
提到男友林峯已經準備好情人節禮物，未有準備的千語坦言有壓力：「我仲諗緊呀！仲有十幾日時間準備。」之後即一輪咀表示幫男生揀禮物很難，並笑言林峯乜都有。問到會否煮飯仔，她說：「都要禮物嘅，飯食咗就冇！」
另外，千語表示新年期間未必會向林峯家人拜年，但她和男友都會打電話給雙方長輩。
聽千語BB咁講，林峯女友其實都唔係咁易做架。
導演谷德昭、吳千語齊齊到戲院為新片謝票。
千語BB好開心。
唔知係咪情人節就到嘅關係呢？
究竟千語BB睇咩睇得咁投入呢？
語BB同谷德昭導演同觀眾玩得好開心。
千語BB同谷德昭導演同觀眾玩得好開心。
呢個角度睇，千語BB會唔會太瘦呢？
大家睇吓千語BB個樣幾頭痕！睇嚟要幫林峯揀一份啱佢心水嘅禮物，真係唔容易。
喜欢
0
赠金笔
后一篇：吳千語定十年計劃等嫁林峯