ON.CC

吳千語學煲湯箍實林峯 (視頻)

http://hk.on.cc/hk/bkn/cnt/entertainment/20140121/bkn-20140121131942592-0121_00862_001.html

千語話會同林峯食飯賀佢得獎。

想學煮嘢o既千語唔通想做家庭主婦？

千語BB表示要學識煲湯，唔怪得林峯咁錫你啦！

千語BB話未諗好情人節送乜畀男友林峯。

【on.cc東網專訊】林峯女友吳千語下午現身尖沙咀出席《朱古力幻想曲》藝術展揭幕活動，更獲大會安排「朱古力小王子」送上情人節卡和親自餵食朱古力，千語亦餵番對方食朱古力，場面溫馨。

在現場，千語發揮藝術天分裝飾朱古力，事後被問到有無整過朱古力？她笑言在約10歲、11歲的時候整過：「如果依家整只是融朱古力然後倒模，太簡單，我諗要上堂學下先得，其實我都想學煮嘢食。」

問到2月14日情人節會送什麼給阿峯，千語笑答已經諗咗好耐但仲未諗到：「男仔唔易諗，每次生日、情人節都會諗好耐。（試過整咩心思嘢？）寫過卡。（阿峯係咪鍾意啲入得廚房、出得廳堂的女仔？）個個男仔都鍾意，女仔都希望男仔廚藝好。」而千語更坦言與阿峯一齊燒過嘢食，一齊煮嘢食就未試過。

對於想學煮嘢食的千語直言無論如何都要識煲湯，至於現在的拿手菜是什麼？她笑笑口並謂：「有技巧的Ham and Cheese，啲麵包要煎過。其實煲湯簡單的都Okay，試過煲粟米排骨、青紅蘿蔔呀。」問到情人節能否一齊過？千語就透露阿峯要拍劇，屆時未知是否能抽到時間。提到日前林峯拿下無綫的「最受歡迎男歌星」，千語表示替對方開心：「因為係全民投票，知道好多人支持。（點賀佢？）食飯慶祝。」

蘋果即時

千語BB煲湯滋潤男友

http://hk.apple.nextmedia.com/enews/realtime/20140121/52112694

吳千語今日喺海港城出席「朱古力幻想曲」活動，千語BB喺現場同韓國當代藝術家蔣承孝，一齊炮製心形朱古力裝飾。

問到有冇整過朱古力畀男友？千語BB就話冇，如果要再整就要上堂學下，佢又話最想學煮嘢食。情人節就快到，千語BB就話未諗送乜。

問到男友係咪鍾意女友入得廚房，千語BB就話：「個個男仔都鍾意，而男仔識煮嘢食，女仔都會加分。（有冇試過一齊煮嘢食？）燒嘢食算唔算？」

千語BB又話自己煲湯都OK，佢話：「簡單湯水都煲過，好似青紅蘿蔔湯咁，但進階版好似豬肺湯嗰啲就唔識。」

至於整過乜嘢美食係畀男友讚賞呢？千語BB話：「Ham and cheese，都有技巧㗎，啲麵包要炸。」

情人節係咪一齊過？佢就話：「佢要喺香港拍劇，未知就唔就到時間。（探班？）睇下到時有冇時間。」

千語BB話簡單嘅湯水佢都識得煲，男友有口福了

頭條即時