"我似吾似個包呀?!"

尋晚啱啱沖左涼, 係醒神D!

阿BEE係00年番黎我屋企既, 果陣佢係屋企樓下流浪, 聽講話係D人買左居屋之後就吾要佢, 我老豆吾止一次見到佢俾人打, 周街執野食, 全身都係泥同水, 好污遭。

老豆見佢實在好可憐, 就買左個蛋糕俾佢食...阿BEE就係咁樣跟左老豆番屋企啦!

最初番黎果幾日, 阿BEE成日都訓, 又好似懞吓懞吓咁, 一聽到隔離門鐘聲就會即刻豎起耳仔走到門前, 佢應該係諗起以前個主人。

同佢沖涼之後, 先發覺阿BEE個頭腫起左3大舊, 好明顯係俾人打既傷痕, 真係無陰功, 於是就即刻帶佢去睇醫生。

醫生話好彩無咩事, 但係就患左幾嚴重既皮膚病, 仲有, 一到行雷落雨阿BEE就會發燒, 行吾安食吾落, 相信係佢流浪果段日子既後遺症。

到而家, 佢既皮膚病都仲未好番晒, 只係無以甘咁嚴重, 冬天會比較舒服, 但一到夏天就會惡化, 阿BEE會幾辛苦。

至於"流浪後遺症"當然都係醫吾好啦, 有專家話呢個病係真架, 而且隨時會引發心臟病而死。每當下雨天我都特別緊張, 阿BEE亦都會跟住我寸步不離。

舊年10月阿BEE突然中風, 最差既情況係完全行吾到, 足足7日食吾到野同去吾到大小便, 身體一日瘦過一日, 屋企人都放棄, 我偏偏吾肯, 我不斷係佢耳邊講 "吾好放棄, 我會係你身邊。"...

打左第2支針, 情況有好轉, 醫生話阿BEE好好彩, 我相信阿BEE一定聽到我講既野, 因為佢既眼神話俾我知 "我吾會放棄!"

我地對佢既支持係好緊要, 如果佢feel到無人關心佢, 我相信佢吾會咁堅強。

阿BEE今年已經11歲啦, 醫生話佢尚算健康, 可以去到13、14歲。

不過可能年紀真係大啦, 呢排又轉天氣, 佢條氣促左好多, 我成日驚屋企無人既時候佢會有事。小便又去多左, 又驚佢個腎吾好...吾得啦, 年尾要同佢驗吓血先得。仲有, 我覺得阿BEE呢排爹左好多, 成日要跟住我。

我好驚阿BEE離開我果一日, 我吾知我可吾可以承受得起...

我可以做既, 就係盡量去錫佢多D, 等佢可以感受到我對佢既愛, 就算阿BEE真係有一日離開左我, 我都起碼對得住我自已。

我都吾知點解突然咁感觸去寫呢篇blog, 可能阿婆過身之後, 我覺得有好多野係要珍惜, 到你後悔既時候已經係好無謂, 而且係遲啦。

阿BEE雖然係一隻狗, 但係我地7年既感情吾係假既, 我真係好愛佢http://l.yimg.com/mq/i/icon/16/8.gif永遠懷念你!!!" TITLE="阿Be, 永遠懷念你!!!" />其他既12隻貓都一樣愛, 正所謂 "家有一老 如有一寶" 偏心D, 好應該姐!